東京大阪北海道雪祭18天之旅 (Day 7 : 2019-2-8) @ 醜小鴨愛自遊

(Day 7 -札幌、小樽、雪あかりの路、燈祭、光之路、政壽司、運河、東檳Inn)

08:15 早晨 Day 7 年初四
今日去小樽睇燈祭

新聞測試打隻蛋落盤度，20分鐘後結冰

今日札幌-12度，已經係全北海道最暖的了

08:32 係東橫inn吃少少野先，然後去小樽三角市場吃海鮮丼或者吃鱈場蟹

10:26 北海道Vol.4扭蛋係新嘅！不過唔吸引囉！

呢個北海道扭蛋吸引d，不過上次抽到唔識佢嘅Glay歌星，仲要唔係抽到一隊，只係其中一員，咁即係想中嘅命中率中好低，其實我最想要湯咖哩，其次札幌塔、破冰船、羊之展望台都ok, 但就抽唔到，今次唔抽lu

實物，扭蛋完全睇唔到入面係乜

10:49 差唔多10點先出發，先去JR駅visa臨時counter抽獎，最近至11/2購物可以抽獎，簽滿1000yen抽一次，簽滿5000yen或以上都也最多能抽5次，可以幾張夾單，例如2張1000+一張3000，就可以抽5次啦！每人一天只能抽一次，好多限制喔！

結果抽到4對手套和4張每張內有1000yen嘅Visa IC 芯片，話可以去Lawson、地下街、麥當勞等買嘢，用到都可以用，不過好多地方都用唔到，所以多數去Lawson買嘢！

手套有分大、小size，都算幾保暖實用！仲可以戴著用手機，不過有時會失靈，但都唔錯啦！另外仲抽到一個撈麵！

10:57 A賞好難中，不過如果中咗都好煩，全部杯麵、罐頭，成個成程要一路拎住！所以抽唔到都好嘅！haha!

11:08 抽完獎都好晏啦！起行去小樽啦！
往小樽嘅月台上有好多人等車，可能因為今日係第一日小樽燈祭，唔知係唔係全部都係去小樽呢？

車到咗，好多人擁入車廂，車內有個馬拉女人叫人唔好推，我都無能為力，後面啲人一直推進！

12:10 去到南小樽駅停駛左好耐，好似前面有積雪定壞車定點，有位車長出黎講嘢，但又唔知佢講乜，雞同鴨講，又唔知幾時會開車，

有啲人選擇南小樽落車行過去，橫掂南小樽都有嘢睇，慢慢行去小樽囉！結果決定落車！

12:12 落咗車當然亦放棄咗去小樽三角市場吃海鮮丼，但最衰嘅係落咗車無耐架車就開走左！>< 都趕唔切返上車，眼白白睇著佢走咗！

咁我好醒啦！即刻check下下一班車係幾點，原來一分鐘後就有車，但都仲要叫我去問車駅內職員，職員又話唔知，結果架車真係黎左，但係趕唔切走去月台，又見佢走埋！唉！

12:43 係南小樽駅便利店貼下暖貼，太陽眼鏡、頸巾，準備好先出發，一路冒住大雪，由南小樽駅慢慢行去北一硝子館睇嘢

12:46 小樽Hello Kitty Cafe

12:54 LeTAO頂層可望到小樽四周景色

LeTAO入面又有個愛情幸運鐘之類

13:04 原本想黎LeTAO吃蛋糕，但吃蛋糕吃唔飽，所以就去揾下有冇其他嘢食！

13:13 跟著去北一硝子館三號館入面有間好有情調氣氛嘅餐廳，但採用快餐店形式，自己買飛、揾位、攞食物，價錢又唔貴！

我原本想買吃個set, 又有蟹肉、魷魚、三文魚子，咩都有，正呀！

咁落order嗰陣，店員問我要上面1280yen定下個158yen，叫我去睇下，咁我初時就睇唔明，用google翻譯先知係送一杯嘅意思，咁好啦，每個set都叫一杯嘢飲啦！差300yen啫！

但唔知點解神推鬼擁，竟然指錯左買錯左><

之後先知道set送嘅係普通咖啡/茶，如要其他就要單點原價計，唔可以就咁加差價50yen就算！

13:28 結果兩個都叫錯左呢個><
我竟然因為睇住display係中間嗰行左邊第一個，所以就直接指住menu中間嗰行左邊第一個，結果錯晒，咁低級嘅錯誤都可以錯得！我有時真係會好豬！><

三文魚子有啲咸，麻麻地好吃！

喺咁靚嘅環境當然要叫返杯咖啡飲下，好多人都只係叫杯野飲就係度坐，叫左兩杯cappuccino，宜家睇返menu先見到咖啡或茶半價，早知就咁叫咖啡就得，我當時好緊張咩！唉！一次過豬兩次！

14:26 餐廳內有好多柴油燈，有時仲會有人彈琴，係度嘆杯咖啡真係唔錯，所以係度休息左陣先走

14:32 繼續行下條街

14:54 個雪人燈籠有兩面

15:04 初初想買呢款白葡萄酒生朱古力，一廂情願以為入面包住新鮮提子之類，點知有得試吃，吃完係冇新鮮提子，係實心朱古力，味道覺得麻麻，所以冇買！

LeTAO芝士軟雪糕，芝士味唔係好濃，奶味都ok，總括嚟講都好吃嘅！

15:19 LeTAO有呢個士多啤梨芝士蛋糕，所以買咗一個試吓

15:23 士多啤梨季節限定蛋糕只有在新千歲、成田、關西空港，同埋呢度先有得賣

15:27 好肥的雪人

15:50 真雪原來真係差唔多咁樣架！

15:59 呢個係全世界只有兩座蒸氣鐘，小樽呢個係其中一個！我竟然返咗香港之後先知！

16:17 買咗呢個玻璃富士山

16:24 仲有買左呢個啤酒雪人，因為我黎左日本之後就變咗酒鬼！揀了右邊嗰雪人靚啲

16:34 其實行得好趕，有啲店都冇睇，因為預約左5pm吃政壽司，其他時間book唔到，咁唯有吃呢個時間！

16:58 又有肥雪人

17:01 到咗政壽司啦！今次唔係本店，係對住小樽運河店

17:02 政壽司門口對住小樽運河

おたる政寿司 ぜん庵 (3.52) 星四休 (運河)

050-5869-4549 （予約専用番号）

0134-22-0011 （お問い合わせ専用番号）

小樽市色内1-2-1

平日 1100-1500 (LO 1430), 1700-2130 (LO 2100)

六, 日1100-1600 (LO 1530), 1700-2130 (LO 2100)

www.masazushi.co.jp

17:05 我預約嘅時候要求盡量安排望住小樽運河位置！結果真係有留俾我^^

宜家吃飯都好嘅，宜家運河逼滿曬人，去到都睇唔到啲咩！

17:12 時間尚早，呢邊bar枱未有人坐

17:14 依然有好多人繼續行緊去運河

17:15 叫左一個10件5000yen，一個12件5500yen，其實3500yen都幾抵，差2件就差2000yen啦！但係前者冇大吞拿魚囉！

就係叫左上面5000yen最佳選擇壽司set

其實上面政壽司組套都幾正，淨係單點烏賊麵都要1300yen了

17:22 好多人呀！去到都睇唔到！

17:25 叫左支Asahi 500ml 700yen, 不過我係唔係應該叫生啤500ml 600yen呢？

17:30 另外單點呢個烏賊掛麵真係好吃，烏賊刺身本身Q有口感，半透明好新鮮，再加上海膽醬油汁，沒有在其他地方吃過咁樣配搭，好味！1300yen

17:36 每次黎都一定會叫呢個烏賊掛麵

17:38

魷魚有啲渣；
生北寄貝一般啦，太多wasabi，呢種我麻麻，寧願吃熟嘅北寄貝；
另外有啲蔥薑嘅銀色魚我又麻麻鍾意；
三文魚子軍艦我覺得ok；
蝦腦苦苦地，麻麻；
牡丹蝦好大隻，啖啖肉，好正；
有蘿白蓉嘅燒中吞拿魚我就覺得麻麻地；
三文魚就係普通三文魚，冇乜特別；
海膽飯ok啦！但又講唔上一鳴驚人，冇鮨國大磯嗰啲好吃；
最好吃都係大呑拿魚