醜小鴨愛自遊

 (Day 6 -札幌、二条市場、大磯、海鮮丼、雪祭日景、ISHIYA CAFE、Pancake、狸小路、TREASURE、湯咖哩、東橫Inn)

 

早晨 Day 6 年初三
今日其實係北海道雪祭之旅行程中，我預留多一天出黎做後備，所以今日就有時間可以去睇札榥雪祭日景

 

宜家係-5度左右

 

09:50 今日終於唔使咁早起身，可以8am先起身，但起身都好攰，因為呢幾日都好早起身。

搞到到9點幾先出發，冇吃東横inn早餐，因為要去二条市場吃好西做早餐，前面兩個好情侶裝呀！

 

日間的時計台

10:01 去二条市場前又經過呢度，又入去睇下啦！

 

好想買，但其實買左唔通唔飲攞返香港擺？好似有啲冇謂，唉！算啦！揸上手影左當擁有啦！

10:03 以往雪祭嘅雪雕模型展示，呢個好靚！

 

 

10:12 繼續向二条市場前進

 

10:17 到達二条市場啦！

 

有活蟹，可以烤、水煮、剌身

 

10:21 今次就係黎二条市場吃呢間大磯啦！

大磯 3.51
011-219-5252 予約可
北海道札幌市中央区南3条東2丁目 二条市場角地
7:00～19:00[日・祝]7:00～16:00
http://ohiso.net/

 

10:22 以前會黎呢間吃皇帝蟹、燒海膽，不過今日唔係啦！試吓去大磯吃，所以大磯登記左名之後就黎呢度行下睇下

 

其實係度叫隻活皇帝蟹都唔係咁平

 

10:31 大磯menu, 緊係要吃花咲蟹丼，啖啖肉！

 

10:35 花咲蟹肉可以配海膽或吞拿魚，配得越多每樣份量相對就會越少啦！點配好呢？

 

10:40 大磯對面有間魚屋之台所，之前都吃過，又係吃海鮮丼，都唔錯，tabelog分數都好高下

海鮮処 魚屋の台所 (3.52) 0830-1800
〒060-0011 011-644-2006
北海道札幌市中央区南3条東1-6 のれん横丁 1Ｆ
3000yen/人 不可簽卡
http://www.sakanayanodaidokoro.com/

 

10:40 之前攞左大磯整理卷，佢話要等20分鐘，咁都好快啫！10:45先再返黎！佢叫我早5分鐘到，過左冇架啦！之後有人攞整理卷已經要等半個鐘啦！好彩^^

 

10:53 有位坐啦！叫左支惠比壽啤酒(中瓶)，好飲呀！600yen咁大支我一個人飲好過癮呀！平時600yen可能得一杯，所以呢度啤酒價唔貴，都算抵飲！

YEBISU呢隻啤酒香港好少見到，反而Asahi, kirin好易搵，都話一黎日本就變咗酒鬼！

 

叫左兩個丼、一隻毛蟹、一支啤酒

 

10:54 一隻毛蟹4500yen至少平過隔離二条食品要6800yen，450-500g，不過都要睇返size，但我覺得大磯都算細隻，大約350g左右，但都幾鮮味幾甜！

 

10:55 我叫左花咲蟹肉拼海膽，因為想吃多啲花咲蟹肉又想吃多啲海膽，所以叫呢個！

花咲蟹肉果然，同相同display一樣，有8塊左右，雖然應該係關節位，啖啖肉好正！而且好鮮甜！

其實咁樣吃都幾好吖！唔使叫一隻蟹咁貴！我都好滿足！

海膽好鮮甜，都好好吃！比琴晚嗰間海膽專門店好吃，比起東京鮨國我覺得呢度仲甜少少^^ 但亦有人覺得鮨國好吃啲！

10:56 另一個就叫中吞拿魚拼海膽，睇得出中吞拿魚好肥美，吃得出好新鮮！

 

好豪嘅早餐！吃完午餐都唔使再吃了！可以遲啲去吃tea啦！飲杯！

不過其實隔離嗰枱男女仲豪，我地唔捨得叫既佢地都有叫，除左我地呢D基本野海鮮丼，毛蟹，啤酒，又叫刺身大蝦，又叫一夜干(燒魚) 好大條，燒蟹腳，兩個人吃咁多！

 

11:28 呢餐大磯好滿足，希望有機會返黎再encore！

有啲人黎攞位嗰陣，店員會同佢講要等半個鐘，但有啲人會同佢講行2分鐘去姊妹店就唔使等咁耐，不過唔係個個都咁同佢講，所以有啲就要喺度等半個鐘啦！

 

12:11 吃完大磯，去返二条食品叫隻燒帆立貝吃500yen

 

12:13 都幾大粒，OK好吃！！

 

一隻活毛蟹6800yen, 我其實覺得毛蟹冇乜肉

 

12:20 當然買500g係抵好多啦！

 

12:33 吃完豐盛brunch, 行返去大通公園睇雪祭日景，途中見到呢隻野，唔知係乜！
 

12:42 之前講過，呢個場係俾專業嘅滑雪表演比賽

 

12:55 日間嘅初音當然冇投射燈光show啦！不過日間影人影景都靚過晚間，白雪做左天然打燈補光^^

有人派大福

 

13:04 初音的紀念品，但我其實唔識咩初音！

 

初音雪像製作過程

 

13:55 高雄車站

 

13:57 頭先吃飯落咗好大雪，所以大量雪遮晒個雪雕，但又開始落大雨，不如去吃pancake避下雪

 

14:03 雪祭行到一半，開始肚餓，就去附近吃pancake下午茶啦！雖然係ISHIYA不過呢度係街舖冇pancake吃，要搭𨋢落地下街ISHIYA CAFE先有

 

14:05 ISHIYA CAFE喺地下街

ISHIYA CAFE大通3.52 8:00～20:00
+81-11-231-1487
北海道 札幌市大通西4-6-1 札幌大通西4ビル B2F
JR札幌駅から徒歩７分。
地下鉄南北線大通駅　北改札出てすぐ。
http://www.ishiya.co.jp/cafe/

 

14:12 雖然有意粉、麵包，但一心只想黎吃pancake

 

14:22 所以叫咗兩款pancake, 其中一個係雜莓pancake，外形好靚，士多啤梨和藍莓都ok甜，但其他嘢同汁就比較酸，雖然可以令我咁飽嘅情況之下開胃少少，不過我都係覺得麻麻地！

 

另一個係朱古力+橙

 

14:24 等十幾分鐘就有啦！但黎左個雜莓店員就收走個牌，我同佢講我地有兩個，佢先放返低個牌！😓

我覺得pancake質地係比較實，似係蛋糕，唔係gram、幸福嗰個泡沫空氣pancake入口即化，蛋味濃，所以我都係比較鍾意後者嘅pancake

蛋糕吃到我好飽呀！
 

15:09 地下街的宣傳品

 

15:18 吃完下午茶有返體力，可以返去大通會場繼續睇雪祭，前面大廈有顯示現時氣溫-5度

 

15:23 初音nano block 2980yen，應該係會場限定

 

嘩呢隻係乜嘢？
原來係北寄貝壽司！😓

 

 

15:31 點解要逼我><

 

被佢發現我偷拍佢添！

 

已經被啲雪遮蓋了好多

 

15:55 點解又要逼我><

 

16:27 佢流鼻水由晚上流到日頭^^

 

16:45 睇完日間雪祭，就去狸小路行下

 

16:51 位於狸小路的dormy inn

呢間店有售好多唔同味Kitkat

帆立貝味薯片

 

17:19 驚安分一號館和二號館，一間多啲野睇，一間冇咩嘢睇

17:47 情人節限定朱古力

 

18:19 好大個背包

 

19:29 話呢隻白雲毛巾摸落去好似摸著雲咁舒服，hk$2xx/條，初時想買唔知邊度有得買，結果竟然係呢間驚安見到，不過一摸之下，慳返，唔使買！

 

無撚系？唔燃系呀！

 

19:44 最近Visa做緊抽獎，只要4/2-11/2簽visa就可以抽獎，會抽到杯麵或者手套+內有儲值1000yen的IC Card，所以返酒店揾吓啲單先，就算小樽嘅單都可以攞嚟呢度抽架，札幌好多地方都有設抽獎counter

 

19:55 繼續行狸小路

 

19:59 宜家去吃晚飯啦！因為之前黎北海道都因為太多人排隊而吃唔到GARAKU湯咖哩，所以今次希望吃到啦！

 

 

20:01 其實GARAKU湯咖哩對面就有TREASUREスープカレー 湯咖哩，係GARAKU姊妹店，味道都幾好味，一直想知道兩間味道係唔係一樣，但分頭排隊Treasure排得快啲！

 

GARAKU呢邊好大雪，排極都未排到有得遮嘅地方，就嚟要開遮啦！

 

20:14 前面黃色牌叫大家想快啲吃到的話可以去對面姊妹店Treasure

 

20:26 卒之都係Treasure快啲，又肚餓，所以放棄左排GARAKU

TREASUREスープカレー (GARAKU姊妹店)
011-252-7690 予約不可
平日　11:30～22:30（Lo22:00）
日祝　11:30～21:30（Lo21:00）不定休
札幌市中央区南2条西2-10富樫ビルＢ1Ｆ
（大戸屋さん隣）

 

20:39 有得坐啦！^^

 

20:42 都係叫雞脾湯咖哩啦！

 

呢度加一隻雞脾都唔係好貴，只需270yen, 我加左牛肉400yen

 

20:47 呢間店我百思不得其解，就係明明入面好多吉位，差唔多一半位冇人坐，係都要人係出面企，唔俾人入嚟坐住先，

我諗唯一解釋係想製造排長龍，另一個原因可能係廚房做唔切，不過點都好，咁樣做被人睇到好似唔係咁好

 

20:47

 

20:47

 

20:48

 

21:05 今次第二次黎呢間餐廳發現仲有個亮點，就係有位外藉靚仔侍應，你睇呢兩個女仔望住個男仔幾冧^^

 

個男仔一轉身仲𥄫住人地後面，如果俾個男仔知道咗！佢一定會話唔好搞我後面！^^

 

21:06 Treasure嘅湯咖哩真係好吃，湯味道濃，有少少藥材味，配料蔬菜好吃，炸筍、烤西蘭花烤到好脆好味好特別，果然係人氣No.1 Topping，真係好犀利，青椒紅椒都好甜

呢碟加羊肉只需350yen，呢碟揀左2度辣，飲落都順喉，有少少辣。

 

呢碟加牛肉只需400yen，如果掉轉加雞脾只需270yen，但牛肉我覺得麻麻地。

我呢碟揀咗3度recommed辣，初初飲可能有啲辣，但撈左飯或之後飲就還ok, 接受到！我都差唔多飲晒，所以我覺得3度辣都ok, 當然2度辣會舒服啲！— 在 Sapporo-shi, Hokkaido, Japan

 

21:07 呢度嘅雞都好吃嘅，雖然話suage+知床雞好味啲，但得兩舊好吃，但湯唔夠Treasure好飲

 

黎北海道一定要試湯咖哩，尤其係呢間Treasure, 又平又正又抵吃，只需1100yen左右，因為飯如果兩個人都吃200g又太少，兩個都吃350g又太多，所以一個叫200g, 一個叫350g, share吃啱啱好，兩飯大小唔使加錢！

 

21:36 餐廳好少見到咁高汁嘅侍應，不過我諗係期間限定，下次黎未必會再見到佢！

 

21:40 結賬唔收卡，CASH ONLY，收銀處見到有得賣湯咖哩包，因為好吃，所以買左2盒湯咖哩返香港，850yen+稅，每包都有一隻雞脾，湯嘅味道同Treasure都差唔多，不過冇咁辣，堂食可以要求辣度。

當時俾曬錢收銀唔記得俾湯咖哩我，係靚仔侍應係後面提收銀記得俾我地，真搞笑！

 

21:53 跟著又去咗世界之山買雞翼返酒店吃，因為就嚟附近

 

450yen有5隻雞翼，抵食，原本諗住買10隻，但因為都吃得好飽下，又喺驚安買左士多啤梨，所以買5隻算啦！

世界之山附近就有subway, 搭兩個駅到札幌駅，再到16號出口就好近東橫Inn北口店，好方便，唔使好似上次咁行到死！

 

23:42 返到酒店順便用大堂微波爐叮熱翻個雞翼，會再好吃啲！琴晚用700W多得滯，今晚試吓500W，盒話叮1分鐘，但叮唔夠一分鐘聞到香味我已經停咗佢，結果都係over叮，可能叮30秒就夠，早知唔好搞咁多嘢！

另外，今日啲雞翼唔夠胡椒味，因為今日嗰女店員問我要唔要辣，平時買咁多次都唔會問我嘅，今次突然咁問，我話少少啦！結果真係好少少囉><

士多啤梨好吃，好甜，果然醜樣好吃啲！

 

23:56 抹茶雪糕

 

23:59 味道麻麻

好啦！要準備下明天去小樽燈祭，明天最高-12度，最低-14度，上次去-6度都凍到high high，所以要準備充足帶夠嘢，著夠衫啦！

暖貼就買錯左，諗住買一包大一包細，結果大嘅先係之前正常嘅size，而細就真係細得滯，細仲要貴過大，唉！算啦！

 

 

 

大磯 3.51
011-219-5252 予約可
北海道札幌市中央区南3条東2丁目 二条市場角地
7:00～19:00[日・祝]7:00～16:00
http://ohiso.net/

 

GARAKU湯咖哩 (ガラク) (3.56) 1130-2330
011-233-5568 予約不可
午　ランチ　11:30～15:30（Lo15:00）
晚　ディナー　17:00～23:30（Lo22:30）
不定休
札幌市中央区南２条西２丁目６-１ おくむらビルB1 北側入口(業務スーパーさん隣、トレジャー向かいです)
http://www.s-garaku.com/

 

TREASUREスープカレー (GARAKU姊妹店)
011-252-7690 予約不可
平日　11:30～22:30（Lo22:00）
日祝　11:30～21:30（Lo21:00）不定休
札幌市中央区南2条西2-10富樫ビルＢ1Ｆ
（大戸屋さん隣）