南台灣6天之旅 (Day 3 : 2019-5-18)

(Day 3 - 台中、Hotel 7旅店、審計新村、國家歌劇院、輕井澤火鍋、彩虹眷村、水火同源、台南關仔嶺新紅葉山莊、泥漿溫泉)

08:17 Day 3 早晨
今天又是一個陰天下雨天

08:21 在台中seven酒店吃早餐

團友坐到咁好嘅位置？！^^

沙津菜種類唔算多

奶黃包&黑糖饅頭

08:27 台灣的黃西瓜顏色真係好靚呀！我愛黃西瓜！^^

09:15 早上先返去紅點文旅攞返團友遺留在房間的拖鞋，車程需要半小時！

估唔到酒店將對拖鞋包到靚一靚！抵讚！

原本想去路思義教堂，但話入面停唔到車，要行一段路入去，結果取消咗呢個行程，先去紅點文旅攞返團友琴日遺留下的拖鞋吧！

酒店仲將拖鞋包得好好，好靚！抵讚！

包車司機哥哥話車我地去一個地方喎！

10:05 原來係帶我地黎呢個市集，啱啱開檔！

好多手作仔

10:15 想抽到呢套三眼仔非禮勿言🙊、非禮勿視🙈、非禮勿聽🙉，呢度勝在部扭蛋機係全透明，咁就比較容易睇到下一隻係乜啦！^^所以最後我都抽到啦！yeah !

市集入面有間cafe有好多扭蛋機

呢間cafe仲有用可愛熊仔樽裝住嘅飲品

熊仔樽有4個款

10:24 呢個display好靚！但我想要煲太熊仔，所以我問店員(可能係店長甚至老闆) 可唔可以俾煲太熊仔我，佢好cool咁答我係隨機冇得揀，咁冇法啦！

10:30 我叫左冰梔子花鮮奶，NT$120，但估唔到好估嘅店員隨機咁啱俾左個煲太熊仔我！haha 意外驚喜！

之後有團友又想要煲太熊仔，店員又係好cool咁話唔可以揀係隨機，但結果又好隨機咁揀到煲太熊仔，其實店員真係好好人！^^

點解我啲黑糖好似熊仔賴左屎喺條褲咁！><

10:32 條褲繩好似都係收返入去好啲喎！

10:36 臨走前黎呢度買條像真度好高嘅西瓜雪條NT$40/支

10:43 籽其實係朱古力

11:02 去完市集之後，黎到台中國家歌劇院

11:04 台中國家歌劇院是位於臺灣臺中市西屯區七期重劃區裡的大型公有展演空間，為日本建築師伊東豊雄設計，佔地57,685平方公尺。歌劇院內擁有大劇院（2,007席）、中劇院（796席）、小劇場（200席）以及一個小型戶外劇場，另有餐飲空間與空中花園。造價新臺幣43.6億元，

特色：號稱全球最難蓋建築。
臺中國家歌劇院造型前衛，以「美聲涵洞」概念，採用曲牆、孔洞與管狀等別具一格的設計，整棟建築完全沒有樑柱支撐，也無一處為90度牆面，顛覆了一般建築物的概念。

日本建築界認為，不可能蓋得起來。最後由台灣麗明建築團隊完成，成為世界第九大新地標，也是台中新地標, 值得黎睇下欣賞下！

台中國家歌劇院
電話：04-2251-1777

台中歌劇院營業時間：
週一休館，
週日、二~四 11:30～21:00，
五~六及國定假日 11:30～22:00

現場各項服務時間：
11：30 ～ 20：00(售票、會員申辦服務、紀念品店)

地址：臺中市西屯區惠來路二段101號
官網：https://www.npac-ntt.org/index

11:08 每去到一個景點先合照再解散，如果一散咗好難再叫集合返！

等緊包車冇嘢做，又喺噴水池前合照

11:43

11:59 中午黎到好出名嘅輕井澤吃火鍋，呢度係一人一鍋嘅！

輕井澤文心大業店 (訂左12:30pm)
地址：台中市南屯區文心路一段536號〈大業路口〉
電話：04-23109681
營業時間：AM11：00 –AM02：00
( 最後點餐時間 AM01:00 )
停車場：路邊收費停車格
http://60.249.71.45/~karuisawa/

12:19 呢間分店好大下！我哋座位要行樓梯上兩三層樓，對一啲行動不便嘅團友就冇咁方便！

12:20 大家研究完menu，決定好吃乜，就各自行樓梯落下一層櫃檯點餐和俾錢

餐廳安排左我地坐最埋邊嘅5個卡位！自成一角都幾好！

12:25 我呢個係四川麻辣雪花牛肉鍋NT$488，聽説以前的鴨血是無限任食，不過現在沒有這回事了！

伊比利梅花豬和風燒鍋NT$368

5月限定價NT$138
培根牛肉+手工燕丸

12:39 另加的老油條NT$50

雪花牛肉

手工燕丸

另加的手打花枝蝦醬NT$88

12:40 另加的蛤蜊NT$99

伊比利梅花豬，看起來很漂亮！

13:30 自助區，醬料和飲品自己攞，飲品只有冰紅茶和水

13:38 其實輕井澤都幾抵食！港幣唔使$100或者百零蚊就有自私鍋，份量都好多，肉質唔差，環境又靚，好過大家樂吉野家多多聲啦！唔怪之得輕井澤咁受歡迎！

13:14 呢間輕井澤文心大業店對面就係家樂福

14:22 吃完輕井澤火鍋，就黎到彩虹眷村

好彩呢段時間冇咩落雨

14:30 因為一開始團友就散左，所以好難再集齊返影大合照lu

最後合照都係差4個團友

當時97歲嘅彩虹爺爺本人，原來佢係土生土長「香港仔」從沒忘記廣東話！

https://topick.hket.com/article/2277758/97歲「彩虹爺爺」用畫作保留彩虹眷村%E3%80%80土生土長「香港仔」從沒忘記廣東話【有片】

16:59 睇完彩虹眷村，就向台南關子嶺出發，途經「水火同源」，就黎睇下，因為隨時會再落雨，要帶遮呀！

17:02 水火同源又名「水火洞」，曾名列台灣七景和台南八景，火焰不斷從水中冒出的畫面，打破了水火不相容的定理，吸引了無數人前來一探究竟。

此奇景位於碧雲寺東南方1公里處，是在1701年被白河大仙寺的參徹禪師所發現，據他當時所言火勢極為旺盛且集中一束，直至1964年白河大地震後，火焰分散自不同孔隙冒出，火勢變弱，但依然沒有熄滅。

可能又冇乜水，所以火還火，水還水，冇乜關連

17:04 黎左台灣，日日都落雨！好嬲呀！><

嬲到噴火！

17:07 嬲得多，終於識得掌控火系！

又開始落雨啦！睇得差唔多就折返旅遊巴吧！

17:32 今日最後一景點，就係「關子嶺新紅葉山莊」，關子嶺呢度好出名泥漿溫泉，但要行兩條樓梯上去，所以我叫團友盡量唔好帶喼，執一袋旅行袋For今晚和明天穿的衫就可以了，比較輕便，不過山莊都好貼心，如提前通知，佢會安排員工在落車處幫你拿行李上去！好彩石級唔算大級，尚算好行！

原本行程諗著今日去阿里山住一晚，明早睇日出，然後先黎關子嶺新紅葉山莊浸下泥漿溫泉，但因為唔夠時間，所以只能浸一個半鐘左右，亦唔會入住，就要繼續往台南進發！

有D團友們就有D微言和爭議，話女人需要多D時間洗頭沖涼，但阿里山既旅館選擇唔多，大型既旅館早上竟然冇熱水供應，咁個個早上4點左右都會起身沖涼洗頭啦！咁點搞呀！

仲有如果勞師動眾咁辛苦上到去阿里山，天氣唔好或者落雨，睇唔到日出雲海，大家會好失望！訂左旅館就一定要焗住去，本來計劃如天氣好，下午就去行下神木，但有D團友行動不便，唔方便行山，所以可能就會留係旅館，如果落雨，大家20人都要留係旅館冇咩野做啦！

我仲查過，睇雲海既機率好似冬天11月左右會多D大D，如果想睇既，第時自已去，自已負返個風險好D，經過種種考慮，決定唔去阿里山啦！咁我地就多返好多時間，可以入住關子嶺新紅葉山莊，舒舒服服浸下泥漿溫泉。

當時，要在關子嶺的旅館搵10間雙床房真係好困難，唔知點解，多數只有大床房，雙床房好少，好彩其中一個策劃團友搵到呢間關子嶺新紅葉山莊，老闆安排到房間俾我地，雖然唔係10間房，有D團友選擇住4人房，但總算解決到住宿問題，樓梯方面亦多謝幾位行動不便的團友體諒和配合，佢地話慢慢行冇問題，如果佢地唔配合，都唔知點搵旅館，可能只可浸一段時間而不可以住宿了。

亦因為呢D樓梯，原本諗住落去D餐廳吃桶子雞，但有行動不便的團友，所以決定在新紅葉山莊的餐廳訂兩圍枱，佢地都有桶子雞吃！方便D ！

結果今日真係落狗屎咁大雨，即係我當初既決定冇錯！

但臨出發到台灣前，有個團友鬧我先斬後奏，自把自為，冇資詢佢地，其實兩年前第一次搞台灣之旅已經講好左，由三位策劃人決定，太多意見好難做事，冇可能滿足曬所有人，當然，我地會盡量安排得好D，所以諗所有野都要好細心，而且一發現阿里山的各種憂慮都有喺群組同其他團友交代情況，如果唔係點會知道有團友需要每朝早洗頭，我地用咗幾個月時間策劃籌備，樣樣野為團友諗而我無端端俾人鬧得咁難聽，呢件事一直耿耿於懷，所以亦心灰意冷，唔想再搞呢啲帶咁多人去旅行嘅嘢，吃力唔討好，講明先，我哋策劃人搞兩次都冇收任何費用㗎！當然東台灣南台灣都去過，其實都冇咩地方可以再去，已經好圓滿！搞多人包車自遊行都係台灣比較方便合適過其他國家，語言溝通到，餐廳又大！

有團友一直叫我帶佢哋去日本，但日本語言又唔通，一般人氣好吃餐廳又細又少座位，真係唔係咁容易帶，而且搞過呢兩次台灣之旅已經好夠啦！做左嘢出嚟冇感恩仲要被人鬧，你做埋我嗰份啦！

台南關仔嶺新紅葉山莊【中天娛樂台-生活萬事通節目】
https://www.youtube.com/watch?v=boaWgFHXpBk

網友介紹新紅葉溫泉山莊：
https://dennyli.com/blog/post/台南關子領新紅葉溫泉山莊

關子嶺6家溫泉會館+10家餐廳泡湯&住宿&用餐.完整攻略懶人包!(2018.02更新)

【台南關子嶺溫泉】全台唯一泥漿溫泉：關仔嶺在地10間美食、6處泡湯、5個景點快速推薦攻略
https://mimihan.tw/guanziling/

https://dennyli.com/blog/post/台南關子領新紅葉溫泉山莊

17:34 旅館大堂的大梳化

旅館大堂和吃早餐的地方

接待處

旅館好貼心，驚你晚上會肚餓，有供應泡麵

17:37 當時落緊雨都狼狽，大家攞左房匙就返房整理下啦！之後可以自行去浸泥漿温泉或喺房休息

17:44 房間都幾大，我估應該係4人房，不過老闆好人俾兩人價我地

呢間房間景觀都唔錯

17:46 唔想去浸露天泥爿可以喺房間浸泥漿

17:47 下面係露天泥漿溫泉

17:51 咖啡機免費招待

前面係今晚吃晚餐嘅餐廳

17:55 因為話露天溫泉只到7:30pm，所以只能吃晚飯前黎浸一下先

17:58 有沖涼嘅地方，但更衣室好細，冇地方掛野，冇櫈，雖然有locker，但換衫都唔係太方便，要喺沖涼呢度換衫

18:04 呢個池水溫28度

呢個泥漿溫泉就熱啲啦！有42度

前面有焗桑拿，亦有沖身

18:09 泥漿溫泉是當地非常珍貴的泥質溫泉，有着非一般的清潔護膚效果，於意大利、日本及台灣關子嶺等極少地方才可搵到！

特別之處是溫泉源自內灣的白水溪，泉質屬鹼性碳酸泉，在地熱作用下泉水溫度攀升，並流經泥岩層，成就了全台灣唯一的泥質溫泉。該泉水含有豐富的礦物質，不但能去除皮膚表面的皮脂污垢，更有使毛細管擴張、軟化皮膚角質層及促進新陳代謝等功效！