醜小鴨愛自遊

(Day 5 - 札幌、KKDAY、國際滑雪場雙板滑雪體驗、函館うに むらかみ 日本生命札幌ビル店、海膽宴)

 

 

07:32 因為7:45am就要喺札幌駅北囗集合，所以6:30就起身，然後係酒店吃最方便快捷，東橫inn包早餐，好彩呢間酒店都好近北口

 

呢間東橫inn嘅早餐都幾好吃，個飯團都ok，一條條好似麵豉青豆都幾好吃、長通粉沙律又幾好吃！但麵豉湯我覺得有點淡

 

07:44 已經有好多團友到咗, 好彩東橫Inn北口店行過黎只須3分鐘左右

集合時間：07:45
集合地點：JR 札幌車站前北口巴士站鐘之廣場（室內）
行程長度：約 11 小時
回程資訊：約 18:30 返回札幌車站

 

喺前面張枱報到

 

 

08:02 各位團友上車啦！在車上會再同團友核對多次訂左既用具，但去到我竟然話我地冇訂，我話唔係喎！

頭先報到先同靓仔職員落左Order！要兩Set！佢緊係轉頭唔記得Mark低啦！佢問我係唔係要加大，我話大得啦！可能佢冇理我照寫加大！

 

09:32 到達滑雪場

 

09:36 札幌國際滑雪場

 

好多旅遊巴黎呢度

 

09:37 取滑雪用具換衫啦！

雪鞋都換左幾次，因為雪鞋應該要緊，但好多團友同我一樣可能唔太慣咁緊，卒之換衫都搞左一段時間！

咁因為我隻左腳痛唔想咁緊啦！但係唔緊原來仲痛！><

另外，Locker要收費，400yen一個，Locker都好大，兩個人用一個也可以

 

初時俾我套衫褲勁over size，原來我嗰件係LL, 我點可能著到LL呀！之後自己去換細少少，而套衫都唔靚嘅><

 

10:48 換好衫出去集合了

 

11:02

 

11:27 教點著滑板和除滑板，要用踢開，開頭教呢D都教左好耐！

 

雖然係平地，但攝影嘅應該影向下滑嘛！向上點滑呀！

團友全部都係呢款核突衫，依家教練教緊基本嘢！

 

12:03 教基本野教到吃午飯時間放飯，將自己嘅滑雪工具插係架上，要記得自己嘅號碼，唔好攞錯人哋

 

12:04 放我地90分鐘吃午餐，滑板和雪杖挿在鐵架上，要記得自己板子的號碼，不要拿錯別人的喔！

 

呢度有幾間餐廳，我揀左松鼠餐廳

 

12:14 教練話第三位牛肉飯好吃！所以叫左個3rd牛肉飯和炸豬排滑蛋飯

 

餐廳前面既窗口位唔係自己入黎，佢係封左，要同職員講想坐，佢會俾一個牌你，先可以黎坐

 

12:20 呢個炸豬排滑蛋飯味道一般，但肚餓的時候吃都覺得OK！！

 

反而呢個牛肉飯又真係幾好吃喎！唔好俾佢個樣呃左！

 

餐廳窗口望出去的景

 

 

13:20 吃完午餐，休息左一陣，仲有少少時間，就去影下相啦！

 

 

13:31 扮好凍！講下今日我著幾多件衫啦！今日著左uniqlo Extra Warm內衣，衛衣，冷衫(毛衣)，

我本身幾怕凍，所以著左條Extra Warm打底長褲，

外滑雪場租俾我地既衫褲其實好薄，實在太薄！><
不過其實滑緊雪有郁動都唔會好凍，唔郁就有少少凍！

 

幾時可以去初級滑雪道試吓滑呢？

 

13:36 教練帶所有團友坐纜車上山

 

13:51 原來只係帶我哋黎睇呢個雪屋和喺度玩吓雪，D雪飄落黎，唔需要放大鏡，都可以好清楚睇到雪花形狀了！好靓！！

 

13:55 今次終於可以瞓下雪地，之前都未試過，今次係人生第一次訓雪地 ^^

 

14:07 見有D人喺呢度滑落去，教練話呢條唔係正規既滑雪道，冇3年既經驗都唔好去做！

 

14:26 逗留左半個鐘，坐纜車返落山啦！玩雪影相都玩得幾開心！

 

14:27 見到教練唔坐纜車，自己滑落去

 

睇住其中一個教練失手仆街！haha ! ^^

 

14:38 落左山之後，教練就教我地滑雪中如何剎停....
係咁易好快講完，突然將教程推得好快，趕收工咁！
上午就好慢，下午就好快！如果下午可以去初級滑道試下滑雪就好了！

 

15:48 課程收費表

 

15:49 交還返滑雪用具啦！一定要跟返一set, 手套要扣在一起，

 

15:51 離開滑雪場上旅遊巴士回札幌駅了

 

 

17:21 然後係7仔買左呢把遮，又平實用又抵用

 

17:23 因為落車處近酒店，所以返左酒店先放低D野，輕鬆再出去食晚餐

 

 

17:58 跟著黎吃海膽全宴，，都近JR札榥駅，，喺地下B1，原本係訂左聽晚，但因為為咗滑雪，行程同聽日掉換，而今晚7:30又話訂full左，所以只好黎排隊。

呢間餐廳tabelog分數都好高下！

函館うに むらかみ 日本生命札幌ビル店
(主要吃海膽) 3.63
011-290-1000 (+81-11-290-1000) 予約可
〒060-0003
北海道 札幌市中央区 北3条西4-1-1 日本生命札幌ビル　B1
[月～金]11:30～14:30（L.O.13:45）17:30～22:30（L.O 21:30）[土・日・祝]11:30～14:30（L.O.13:45）17:30～21:30（L.O.20:45）
http://uni-murakami.com/nissay/

 

18:42 叫套餐就最簡單啦！原來有兩個Set要兩日之前預訂，除左呢個餐，所以就叫呢個海膽屋特製海膽滿漢全席(共7品) 另外再加其他嘢！

 

18:43 其實sapporo beer我覺得麻麻地，不過冇得揀，叫一杯啦！黎左日本就變酒鬼！^^

 

另外叫咗一碗無添加海膽飯，點解咁標謗無添加呢？平時嗰啲都有加嘢？

 

叫一個呢個set，乜都可以試吓！

 

18:48 頂帽會唔會誇張咗啲？
其實我係唔係去咗俄羅斯？！😓
anyway 飲杯啦！😊

叫杯Sapporo生啤(北海道限定)，我覺得Sapporo啤酒麻麻地，味道比較淡，冇乜麥味！又冇果味，我覺得好普通，仲要比較細杯，680yen唔係500ml, 唔係一支，而係一小杯，算偏貴！

 

18:55

無添加物生海膽及其他2品剌身：正常，都算新鮮！
扇貝伴海膽味噌：味道OK!
自家黎海膽佃煮：味道OK!

 

19:02

焗烤海膽：還OK，好多人話一定要叫，但冇想像中咁驚艷，我諗烤海膽可能會好D！
有啲後悔餐揀左焗烤海膽而唔叫烤海膽，因為前者單點只是900yen，但後者要1500yen，haha !

烤海膽沙律：我覺得呢個都OK，蕃茄好甜，海膽都OK！
海膽高湯蛋卷：呢個網上又係有人推介，但我就覺得遜色左D，吃唔到海膽味！玉子又唔夠滑，我吃過有D地方既玉子都整得好滑，但佢唔係！

 

19:07 天婦羅包括炸海膽紫菜卷：呢樣整得幾好味，粉整得幾薄幾脆，尤其嗰兩件蟹柳天婦羅，真係吃到蟹柳既鮮味，紫菜炸海膽冇乜海膽味！

 

19:14 海膽茶泡飯：如果係Set包既，我覺得OK，但如果要另外俾錢叫個大碗既，我就唔會啦！唔明網上D人點解話淡，佢雖然冇乜海膽味，但個湯係有D味既！

 

19:35 吃到尾聲，因為又唔係好飽，又見到隔離好似係香港人叫左條魚，我見咁大條，佢地吃得咁開心，都好吸引，所以問下佢好唔好吃，佢地話好吃，所以我又跟佢地叫左半條只需1200yen，一條就2400yen，但追加就要再等20分鐘，但唔緊要啦！今日都唔趕時間！

都真係OK好食，幾抵吃，但係我覺得太古城康怡AEON入面既Nakayo Shokudou食堂既燒魚會整得好吃過佢！^^

 

19:45 呢餐都吃得好貴下！咁樣兩條友吃左成千蚊港幣啦！我地覺得唔係咁值，麻麻地！

 

我想去東急、Tokyu Hand，都算順路既！

 

19:58 一入到去就見到超市，仲有10分鐘就關門啦！好大粒淡雪士多啤梨啦！不過一粒已經要1080yen

 

呢幾粒淡雪冇咁白色

 

19:59 結果買咗一盒士多啤梨返酒店吃，揀左盒醜樣，每粒有好多頭的，聽聞會甜啲，回去試吓！

 

20:17 去完超市，本來想去Tokyu Hand, 但呢度既Tokyu Hand比較早關門，所以唯有去disney store行下睇下

 

好可愛的狗帽

 

20:22 買左呢個

 

20:50 香港已經沒有HMV了

 

20:56 Sports Lab好多正價新衫新波鞋

 

21:07 LAWSON 有賣，好平又好靓喎！

21:10 今晚買罐CHOYA梅酒

 

再買埋GODIVA蛋糕，呢個少見

 

21:15 東橫inn酒店內的自動販賣機

22:56 酒店內的付費洗衣機，第一次係酒店洗衫，都幾方便！

 

洗衣粉30yen

 

上面乾衣100yen，下面洗衫200yen，日本人好好，差唔多洗好，就會預早落去等收衫，唔會懶懶閒由佢洗好放係度，所以我都好乖

 

23:23 開餐啦！

果然士多啤梨揀樣衰D，頭多D，好似扇咁！真係好甜！好正呀！
CHOYA梅酒都OK好飲！
GODIVA蛋糕都幾好吃！
牛乳都好飲！