醜小鴨愛自遊

(Day 8-境港、御宿野乃、水木茂之路、妖怪食品研究所、水產直賣中心、海陽亭海鮮、米子空港、香港)

 

07:40 早晨 Day 8
今日係米子鳥取之旅最後一日啦！
最後由酒店房望向大山的晨光

 

07:52 琴晚發現一件好蠢嘅事，就係琴日出街嗰陣要係酒店lobby取鞋，咁用鎖匙開左locker攞左鞋就留低係locker, 覺得咁做好正常呀！

結果晚上可能比較夜返酒店，一返酒店啲locker俾人用曬，唯有攞對鞋上房擺，但見到有住客返黎從褲袋取出鞋櫃鎖匙，當堂覺得自己好蠢><

 

08:05 早餐同琴日一樣，都係係酒店吃！

 

始終DIY魚生丼早餐唔係間間酒店有

不過連續吃兩日覺得有點漏！

 

08:53 去大浴場沖涼

浴場更衣室可以望到大山

 

10:06 Check Out啦！

境港御宿野乃天然溫泉酒店係2019米之蓮推介？！

 

問酒店借左個磅，磅下嗰喼有幾重！

 

10:09 Check out 左，然後將行李寄存酒店！

差點唔記得我地係JR鳥取駅訂左抹茶蛋糕送黎境港酒店取貨，所以一個負責攞cake, 我就去觀光案內所問下去境港水產直賣中心既巴士時刻表和上車位置！

咁酒店員工就攞左兩大盒嘢俾我地，我地訂左兩細個，但心諗點解會兩大盒，唔通一盒一個，原來大盒嗰盒係隨行團友嘅，佢訂左另一間店「天女之梨，

覺得酒店員工太粗心大意，冇睇清楚張單就亂交貨俾，好容易俾錯左人，俾人攞走左！

 

10:19 同埋去境港觀光案內所寄明信片，呢度寄postcard有特別鬼太郎郵蓋印！

出發出喺香港已經double check左去境港水產直賣中心嘅巴士時間，但最好都係去觀光案內所問多次，

因為好多時都會又改左時間，好似今次就改左！原本好似係9:33am左右，宜家係9:4xam，好彩係推後唔係早左！

 

鬼太郎巴士

 

鬼太郎的士

 

10:25 今日會出現在水木茂大街的鬼太郎人物，好想搵鬼太郎和鼠男合照呀！^^

 

10:34 趁著仲未到搭車時間，就趕去妖怪食品研究所買琴日買唔到既眼球丸子

 

行得好怱忙，呢張相都影得好怱忙

 

10:35 終於到左妖怪食品研究所 0930-1700
就係水木茂紀念館旁

 

聽聞都好甜下，所以買兩支玩下就算！玩？點玩呀？

 

10:38 個個黎到都要咁玩，唔係唔玩呀！

 

外型粒粒都整得好靚

 

10:42 沿途好多靚靚鬼太郎水渠蓋

 

10:50 買完眼球爸爸丸子，就要好怱忙好趕咁跑返去境港駅前坐巴士去境港海鮮直銷市場，時間冇多，趕死我！好彩架車遲左少少，可以回下氣！

 

 

11:05 到達境港海產直銷中心

 

行一個圈格下價先！

 

11:08 呢d紅楚蟹好平呀！3500yen/3隻，不過係比較好細隻

 

11:09 見到新鮮嘅猛者蝦啦！我一路問買唔買呀！原本有兩兜，我一見到已經被人買左一兜，但又話啱啱吃完早餐好飽，咁多吃唔曬！

我話網上d人話賣得好快！好快被人買曬！但話再睇下先喎！結果再返已經賣完 ><

 

11:12 又經過另一間有賣猛者蝦，其實我只經過見到兩間有得賣，我又有問，那呢間平d，可能分量少d，蝦都比頭先間細隻d，咁買唔買呢度？

又話再睇下先！再返黎又賣曬！結果我試唔到新鮮嘅猛者蝦啦！><

其實覺得第一間d猛者蝦大隻d靚d！

 

11:30 猛者蝦再返黎又賣曬！結果我試唔到新鮮嘅猛者蝦啦！><

 

11:39 雖然啱啱吃完早餐仲有d飽，但都要吃d嘢，因為陣間冇時間吃午餐，要去機場！
好彩一早黎呢間餐廳登記左名先，你睇宜家幾多人等位！

 

11:51 係間餐廳前面幫襯左，因為個女店員好識做，拆蟹腳俾我地試吃，吃落又幾鮮甜，咁就有d信心！所以我買左兩隻帶返香港，先寄存係度，吃完午餐先再返黎攞！

 

有團友叫左左上角蟹飯，都幾吸引噃！猛者蝦賣曬！><

 

境港水產直賣中心 8:00～16:00
0859-30-3857
鳥取縣境港市昭和町9－5
公休日: 星期二（一部分的店舖是週二也營業）
http://www.sanmaki-direct.jp/index.html

從境港車站徒步約30分鐘.從境港車站搭乘は濱巡巴士「主要行程」約8分,到㊾境港水産物直売センター・境港港湾合同庁舎下車.

 

12:47 等巴士返境港駅啦！

巴士時刻表：
http://www.city.sakaiminato.lg.jp/upload/user/00004595-38BE.pdf

13:07回境港駅巴士上好多鬼太郎Detail位！

 

今日係旅程最後一日，要坐13:22JR去米子空港，車程只需14分鐘

 

之後天氣開始轉好><

13:29 回酒店攞左行李，要趕住搭JR去機場，所以我快d推個喼去JR境港駅先，過馬路嗰陣，因為個喼太重，又kick住，

所以推倒嗰喼，我又失左重心，所以當場趴街，超様衰><

好彩趕得上呢班車！

13:45 到達米子空港駅啦！

 

13:54 機場又見到呢個唔知咩超人

 

14:00 機場都有得買呢個梨蛋糕，但上面既一杯梨啫哩就唔麻麻地啦！

 

14:03 蓋滿曬水木茂大街D印章就可以去觀光案內所換取呢張證明書，一星期七日每日都有唔同人物蓋章，今日係眼球爸爸！

 

好靚既彩色玻璃圖案

 

14:22 蟹肉燒賣，有D想買，不過最後冇買

 

14:36 有人買成箱新出的海膽杯麵，，我都有買幾個！

 

如填問卷調查有紀念品送！

 

14:45 Check In啦！

 

寄運紅楚蟹

 

14:54 今次旅程有D印象都好深刻難忘，例如上三德山睇投入堂啦！吃強小亭、紅楚蟹、蟹羔蟹飯....

 

再見啦！鬼太郎！

 

14:57 宜家好多人排隊Check In

 

15:00 米子空港有間手信店有軟雪糕賣，呢間既二十世紀梨軟雪糕暫時黎講係最好吃，最有梨味，而且味道比較天然。

 

好味！讓呢個旅程畫上完美句號！

 

 

15:20 呢D野唔可以帶上機！

 

 

15:30 出左境免稅店都可以買到呢隻梨啫哩朱古力和松葉蟹餅！

 

仲有昆布和芥末青豆！

 

 

 

 

15:57 係免稅店買左兩支野飲，右邊支提子汁唔好飲

 

16:09 準備起飛回港啦！最後終於可以睇到清淅既大山，大山再見！

 

16:28 再見啦！ 鬼太郎米子空港！

 

 

17:42 香港航空飛機餐，有雞和魚選擇，空姐攞一份雞一份魚俾我地，然後問我地要唔要試下魚呀！

但我地兩個都想吃雞，所以我話我都係想吃雞，點知佢話sorry, 係最後一份雞啦！但我又見人地有喎！

可能我地座位係中間，佢驚唔夠分，不過都唔係咁滿意開心，擺明玩嘢，得返一份你仲問我><

 

 

20:07 到達香港機場

20:22

 

20:34

 

20:47

 

22:11

 

22:26 回港之後好肚餓，即刻整個黎試下！

22:46 不過覺得味道麻麻地，海膽有D腥腥地，假假地！