醜小鴨愛自遊

(Day 4-鳥取砂丘、砂の美術館、鯛喜、砂丘會館、たくみ割烹店 (鳥取和牛火鍋)、米子東橫INN酒店)

 

08:16 早晨-Day 4

今朝早餐係天女之梨，入面係梨，外面係年輪，2100yen，有d過甜，麻麻地!

08:43 去Check out la!

 

宜家藍天白雲尚算唔錯！

 

鳥取APA Hotel加錢嘅早餐好似幾好喎！不過一方面時間唔多，二來有更多選擇，所以我地冇加到早餐

 

08:50 鳥取駅外仲感覺到秋意！^^
其實應該坐係度影㗎！不過因為之前落大雨，張椅濕曬啦！

 

08:55 遠望APA Hotel, 呢邊天氣麻麻，陰陰地

 

另一邊的士站天氣就好好多啦！

 

08:57 到左鳥取駅，等其他團友之際，行下個駅

 

有賣便當嘅店

 

嘩！今日係11月20日Day 4, 我要去鳥取砂丘啦！^^

 

呢度賣嘅抹茶蛋糕幾好吃！

09:01

 

09:06

搭09:10>09:30班車，其他團友就搭下一班09:40>10:00，

不過聽聞團友差d趕唔切，就要搭10:50>11:10，等成50分鐘，先再有車啦！

 

09:28 黎到砂丘センター展望台，因為時間尚早，所以冇咩人

 

但離咁遠睇鳥取砂丘其實睇唔到d乜嘢！

 

09:34 展望台有間好大間既手信店，內有餐廳

 

09:54 今日天氣算係咁，雖然下午就差點，不過都算好彩！

 

09:59 睇完鳥取砂丘展望台，可以選擇行落去，都唔係好遠，不過想慳腳力可買票坐纜車落去，咁買單程試下啦！

 

10:01 時間尚早，冇咩人搭，我好似係第一個，但其實冇咩景睇

 

10:07 纜車一落去就到鳥取砂丘，可以付款騎駱駝影相呃like，1人1300yen，2人2500yen，2人係一齊坐一隻駱駝，行一細圈就玩完，2、3分鐘就玩完，好似好唔抵咁！

我原本想騎，睇完其他人咁快騎完就冇騎啦！

 

聽聞冇付款騎駱駝唔好影騎駝唔好同牠合照，所以唔敢行過去影，只敢離遠影咋！

10:09 因為今朝落過雨，所以沙丘冇風紋，只有鞋印>< 不過d沙雖然濕左，但唔算好痴鞋！

 

但有藍天白雲總好過落雨，因為鳥取行程不能變動，所以已經感恩滿足！

如果有風紋畫面會更靚！

 

10:15 終於黎到鳥取砂丘

 

10:19 開心到彈起啦！^^

 

10:28 陣間就要行上去啦！d鞋印好似有好多蟻爬緊咁！

 

10:30 呢個人好似流落左沙漠咁！

 

10:32 開始行上頂啦！

 

10:33 都好攰下，真係好似d網友講行兩步退一步咁！

 

10:35 沙漠中的一個綠州

 

10:38 上到砂丘頂就見到大海

和團友難得的合照

 

衝落砂丘啦！

 

11:18 Yeah ! 無聊！有d傻！

 

11:20 見人地影砂丘影得好靚，所以又試下影，但冇風紋真係冇咁靚！

 

11:29 沙漠冇水飲係好慘架！><

11:31 好攰啦！

 

11:38 離開鳥取砂丘就去吃午餐啦

 

 

11:40 全日都full左，太誇張！仲要營業時間只係10am-2pm

 

冇得吃鯛喜啦！><

 

好想吃1番人氣1800yen海鮮丼

 

 

11:44 砂丘會館都有好多手信買，呢支係二十世紀梨酒，之前我係二十世紀梨博物館已經買左，帶返香港試左，都幾好飲！幾濃梨味！

 

11:47 咦！見到右上角有幻之猛者蝦和普通蝦刺身飯1400yen，好！就吃呢個！

 

好似快餐店咁，自己買票，自己揾位，自己攞餐

 

呢邊有旅行團預約左

 

坐呢邊啦！好多位！

 

11:55 我叫左猛者蝦&甜蝦丼，第一次吃猛者蝦，外表雖然樣衰d，原來佢d殼咁脆，d肉就好彈牙爽口，都有d甜味，不過唔知係唔係砂丘會館唔夠新鮮，總係覺得唔夠好！唔係講到咁利害！

另外甜蝦ok甜，但唔算非常好味！

叫左三個猛者蝦丼，唔知點解有一份有跟一碗細碗冷麵，另外兩份係冇既，當時冇留意，吃完離開餐廳先突然醒起以為自己冇吃到冷麵，仲返轉頭想吃埋佢，原來我冇冷麵的！

 

其他朋友叫的定食

 

12:39 吃完午餐，又行下砂丘會館，砂丘雞蛋，我冇買，一來吃飽左，二來一般呢d其實都冇乜味，好似溫泉蛋咁！就算用左硫黃温泉煮，粒蛋都係冇乜味

 

12:43 買左一張砂丘poster card, 你會買邊張？

我就買左邊嗰張！^^

 

12:49 好多網友會係砂丘會館買左下二十世紀梨雪糕，要黎呃like，正！

 

12:51 不過啱啱吃完好飽，當時又冇乜人叫，所以就叫普通軟雪糕得啦！300yen

 

12:51 但味道麻麻地，吃過幾間梨雪糕最難吃係呢間，都係米子空港嗰間好吃！

 

13:02 因為啱啱好時間有公巴，所以坐車到附近參觀砂之美術館，好近，一個站就到，其實真係好近，行到行得到！

 

13:09 呢度又可以蓋印，加多一層顏色，印齊6個地點就可完成呢張靚靚post card

13:16 入場費成人600yen，一入去有個位可以幫你影張相，然後會送細張俾你，大張就要俾錢買啦！1100yen，但影得唔靚，所以我冇要！

 

13:25 美術館內會展示歷屆主題資料照片，每年4月左右都會有新主題，所以好似每年1-4月會休館進行更新主題，所以去之前要留意有冇休館呀!

 

又有製作過程嘅影片及圖片

 

d作品真係鬼斧神工，好detail! 好勁！好靚

 

13:46 黎鳥取真係好值得黎睇砂之美術館和鳥取砂丘，一次過睇曬兩樣嘢！

 

14:05 終於揾到梵高呢個砂雕

14:16 上層就回顧每一屆嘅主題圖片

 

14:18 上層仲有售賣紀念品

 

Post card

襟章磁貼

 

14:23 今年主題係世界旅行北歐編，我地係呢度都用左好多時間參觀和影相

 

14:27 再到砂之美術館戶外行下，不時見到小型砂雕，聽聞好似係d員工自己整嘅！

14:31 日本周圍成日都見到呢d幸福戀愛之鐘

 

啱曬情侶黎打下卡

 

14:34 砂之美術館有個戶外展望台，可以遠眺鳥取砂丘

 

14:39 離開砂之美術館啦！

 

14:43 離開砂之美術館之後就係附近商店行下

 

15:00 睇完砂丘美術館就係附近商舖行下

 

15:44 由砂丘美術館坐20分鐘左右巴士就返到鳥取駅行下商店啦

 

16:02 然後去Aeon mall途中經過starbucks, 終於見到呢隻以鳥取砂丘主題嘅手工杯，原來好似成個鳥取縣只有呢間鳥取starbucks先有得賣，因為全人手製作，所以每一隻都會有少少唔同，摸上手質感好好，下面d沙有磨沙感覺，$4000yen+稅，差唔多HK$300一隻，買唔買好呢？好掙扎！

結果我去完Aeon mall返黎個陣忍唔住買左，我問員工有冇新的，佢開左一隻俾我check, 當然我係俾左錢先，但呢一隻個天空有一點黑色，我問佢可否再睇多隻，佢就一次過攞左3隻準備開俾我，當我開第二盒嗰隻已經ok, 日本d品質檢查係好好！

 

16:10 去到Aeon mall, 入面有間麥當勞，呢個黑朱古力批幾好吃

 

16:17 買左一盒呢隻士多啤梨返酒店吃

 

16:25 係2/F買左兩盒雷神朱古力做公司手信，500yen/盒 (20條)

 

2/F呢度有好多款雷神朱古力

 

17:06 返到鳥取駅

 

呢間抹茶蛋糕好味

 

17:07 有朱古力味係季節限定，不過唔夠抹茶好味

 

17:26 「悦」特選和「喜」極上嘅分別大家都係鳥取和牛酸度55，但特選係A3，極上係A4、A5，我本身唔係好鍾意吃咁肥，所以A3啱我，而且又平d^^

咁睇睇下發現下面啲set包埋魚料理、刺身、前菜等再加「悅」有嘅嘢！所以兩人就其中一人叫「悅」5200yen，另一人就叫「竹」 7600yen

 

 

17:52 刺身反而幾好吃喎！幾新鮮！

 

17:57 估唔到shabushabu店整呢條魚係咁好食！

 

18:10 d肉睇落好靚好多，但其實佢切到好薄，我覺得d牛肉冇乜牛味，特制麻醬汁又太過濃味，點左會蓋過d牛肉味！

可惜我原本想坐1909班車去米子，但因為餐廳上菜太慢，而錯過左班車，下一班車係2049><

 

18:11 其實d菜冇咩好講，一大盤但好普通，所以冇乜特別

 

18:55 最後侍應問我地要麵定要烏冬，我地話各一啦！烏冬就冇乜特別，反而麵容易d掛汁就好味d！

但係就係因為佢地上菜太慢，我地差少少分鐘就趕唔到19:09班，又未返APA酒店攞行李，所以諗著唔好咁趕啦！舒服d慢慢吃埋佢！

但我地7點鬆d吃完要搭8:49分其實要等多個幾兩個鐘，就係因為呢度上菜太慢太慢，差少少趕唔切搭7:09，唉！冇辦法！

 

19:07 最後送上水果

 

 

 

20:31 諗住去JR鳥取駅7-11便利店睇下有咩買，竟然見到揾左好耐嘅海膽合味道杯麵，係最近新出的，呢幾日揾左幾間便利店都冇，竟然今晚搵到，有6杯，全部俾我掃曬！^^

不過返香港吃左覺得冇講得咁誇張，d海膽少少怪怪地味，有少少腥腥地，麻麻地好吃啫！

 

由鳥取搭JR返米子啦！

 

20:42 呢架特急都幾舒服，座位都幾好坐！

 

22:02 到左米子，我就去駅隔離攞返我擺左2日嘅行李，2日要1400yen, 因為locker只可放3日，之後就會被扣起行李，又唔知可否放到第3日，

所以安全起見，之前過左零晨12點先放，咁就放2日啦！要插左鎖匙入去先可以入錢！

 

00:14 臨訓前吃士多啤梨，雖然有少少甜，但不及上一次咁甜，可能佢外形唔夠樣衰，明早去三德山啦！