醜小鴨愛自遊

(Day 2-陳記腸蚵專業麵線、油條燒餅、老乾杯燒肉、Ice Monster、野獸國三眼仔、侏羅紀世界、101、寬巷子火鍋、寧夏夜市、台北凱達大飯店、Caesar Metro Taipei)

 

08:17 早晨快閃Day 2
今日8點起身，8點半就落街吃早餐

 

 

今日台北多雲，氣溫30度

 

08:56 一早已經計劃好早上黎吃呢間蚵仔麵線，上次黎台北冇吃到，所以今次要KO左佢先！

【陳記腸蚵專業麵線】
台北市萬華區和平西路三段166號
(龍山寺站2號出口行3分鐘) 06:30 - 19:30

 

大碗75，小碗55，叫小碗得啦！因為陣間又話要吃豆漿蛋餅！

朋友話好吃過阿宗麵線，我都覺得得幾好味！

09:07 d蠔好大粒，有成4-5粒！

有個台灣人顧客好熱情咁介紹陳記嘅辣椒醬，話加少少好吃好多架，我本身就唔係吃得好辣，所以只加少少，真係好少試下，結果都辣到飛起！

 

09:15 吃完蚵仔麵線當然未夠喉，頭先經過呢間早餐店，大家都話想吃，所以又返黎排隊啦！

原來堂食唔使排隊，入去坐底點餐，不過都就黎排到！

 

每個月先休息一日，員工好辛苦，咁熱天都著咁多衫，應該係個火爐熱保護自己！

09:33 即炸的油條

 

09:33 燒餅油條NT$27
唔加蛋啦！因為有d飽，其實都幾好吃，燒餅和油條都好脆，但始終唔夠阜杭豆漿好吃，尤其厚餅油條超好吃！

另外因爲氣溫太熱，所以冇叫咸豆漿，叫左凍豆漿！冇無糖，一定要有糖，可能已經整好曬！凍豆漿都ok有豆味！

 

朋友叫的咸豆漿，話麻麻，我話試過係高雄吃過咸豆漿都係麻麻，只有在台北的阜杭豆漿吃過咸豆漿，真係超好味！真正能代表台灣的早餐店

 

隔離7-11有得買Beams手提背包，NT$449, 一度有衝動想買！

 

 

09:44 琴晚嘅頂好超市就係呢條街入面

 

10:12 另外一個朋友自己去左故宮，另外仲有一個朋友就返酒店房休息，我就去酒店泳池游下水！

呢間所謂4星定5星酒店，唔知點解開業咁耐都未整好健身室，宜家暫時就咁放3部單車係泳池門口前，我住的樓層唔可以坐𨋢直達，要轉𨋢的，再要行兩三層樓梯先到！

 

泳池得6個locker最搞笑冇更衣室，只能係廁所換衫，廁所又細，得一格沖涼，一格廁所，咁又掛唔到衫，要將d衫放係馬桶蓋上，設計好失敗！—

 

10:13 今天是唯一一日天氣好

求其衫左衫沖下水就去泳池啦！
去到要揾職員登記，我問佢有冇locker, 佢話冇，叫我放係椅子上！

我要將我d衫褲放係泳池椅上，仲要如果有位的話，如果所有椅被人用曬可以放係邊？唔好講有財物問題，電話都唔知放係邊！唯有手揸住

 

10:23 因為揸住手機，所以係咁易遊下就算

 

有毛巾和水可自取

 

10:38 游完準備返房，係𨋢口見到一班青年男女冇換衫，就咁泳衣泳褲係度等𨋢，為左方便照跟，但一入到𨋢就好尷尬，仲要停大堂轉𨋢，咁立即著返件tee, 無咁肉酸><

 

台灣既學校好大呀！

 

11:23 原本想坐捷運去野獸國忠孝店睇三眼仔，不過發發覺時間唔夠，訂左中午12點老乾杯，所以直接去吃完lunch先去睇啦！

 

今日中午就係老乾杯吃燒肉，已訂位！
今晚嘅寬巷子火鍋都係附近

11:50 市政府站2號出口就係統一時代，一出去就見到foodcourt好多野吃

 

11:50 一出捷運就係統一時代，地庫呢間餐廳好似幾好咁喎！炸明太子黑豚豬排！好想吃！

 

11:51 香帥蛋糕試吃都好大件下！

 

地庫就係手信呀！蛋糕呀！有香帥蛋糕啦！

 

香帥蛋糕嘅芋泥卷好好吃架！不過今次唔買啦！

 

另一間店d蛋糕幾靚

 

11:54 呢度仲有辻利茶舖，吃杯抹茶雪糕先

 

香港雖然有分店但成日都冇貨，今晚吃完dinner再過黎買啦！

 

12:01 陣間吃完lunch, 就去睇1:1侏羅紀恐龍

 

12:05 唔太清楚老乾杯位置，所以周圍問人，要經過新光三越A4館先，因為喺A9館！

 

12:08 其實餐廳資料唔好叫人係2號出口出囉！又要轉彎又要咩好難搵，應該話3號出口，一出站一路跟著d人行，一直行就到！

 

12:09 途中見到有Ice monster大家決定陣間吃完lunch再黎吃冰

 

12:11 好多人排隊，排緊咩呢？

 

12:12 到左新光三越A9館啦！一入去就見到有微熱山丘，買一盒鳯梨酥先再搭𨋢上去

 

12:14

老乾杯 (信義店)
地址 : 新光三越A9館-台北市信義區松壽路9號8樓(市政府站3號出口)
電話 : 02-2725-3311
週一至週日
11:30-15:00 (Last Order 14:30)
17:00-24:00 (Last Order 22:30)
平日才有商務午餐

 

12:17 炭爐，因為有訂枱，所以一黎就有位，估唔到佢仲俾左間房我地！^^

 

呢間老乾杯其實係乾杯嘅高階版，d價錢會稍稍貴，今日又冇set lunch, 只有平日先有，所以襯住仲有個Fd未到，叫左d平野質飽佢先，咁佢就唔會叫咁多貴野！haha

個fd一黎就推介一級棒牛排喎！話吃過好吃！
NT$1550 (HK$400), 好！去馬！

 

12:24 襯個fd未黎之前就叫左老乾杯粉雪燒和老乾杯鹽蔥燒

 

 

 

 

12:25 呢個薄切嘅牛舌就麻麻地

 

12:26 但呢個厚切牛舌就好吃喎！女服務員話厚燒一定要全熟！

 

12:27 老乾杯鹽蔥燒 NT$580

凡係鹽蔥嗰d全部都好咸>< 所以落少少一齊吃就夠啦！唔好放咁多！

 

12:28 老乾杯粉雪燒 NT$580

服務員話呢個佢會幫我地燒，個陣佢原來係成盤放落去燒，但佢一放落去就走左，又唔知幾時返，d牛肉好快熟，見d肉越黎越熟，好緊張！

唯有㩒鐘仔叫服務員返黎，我覺得d牛肉係有少少過熟！但係都係好吃嘅！

 

12:36 西班牙伊比利豬三種部位組合 NT$620

呢份野最衰係每様得3件，4條友點分><
味道亦麻麻地，寧願加錢叫碟靚d嘅和牛！

 

12:50 個fd介紹嘅Asahi生啤加黑啤, 呢種飲法我第一次飲，都幾好飲喎！

 

13:01 本日和牛
一級棒牛排 NT$155

 

13:11 女服務員幫我地燒！
自己燒一定唔識咁燒，佢燒一邊都燒好耐，燒到好燶下！

 

13:14 女服務員燒完又唔會即刻切，放係度就出左去，我嗰陣仲好懷疑係唔係要自己切，好想問下佢，佢就好快返黎幫我地切

 

13:16 佢雖然每邊都好似燒左好耐，但入面又唔好熟，見到5成熟左右，睇到肉汁好juice, 燒得好靚！

 

13:17 朋友好客氣，一開頭就夾左d尾段比較熟嘅位置，可能見我開頭吃得少啩！^^

呢個一級棒牛排真係👍🏼好吃！平均一塊HK$50左右

 

13:30 最後吃左NT$6006，平均每人吃左HK$380左右， ok 啦！係有d貴㗎啦！所以乾杯就會比老乾杯經濟好多！

好彩最後無開到支紅酒，如果唔係仲貴，仲要4個人中有兩個唔飲酒！

 

13:42 頭先已經講過要吃ice monster, 所以唔好叫咁多野，留返個肚！

好多人排隊，4個人大家輪流排隊！

 

13:46 我對呢種棉花冰興趣不大，我比較喜歡古早味刨冰，不過新一代好似比較喜歡棉花冰！夏天先有芒果

 

士多啤梨要冬天先有，夏天只能揀其他配搭！

 

叫左呢個傳統d嘅刨冰，你睇幾多芒果！實物係唔係真係咁多呢？

 

士多啤梨一樣有刨冰，不過冬季限定！

 

另外，有朋友想試左邊呢個綠豆仙草粉粿冰！好！就叫個試下！

 

13:49 因為仲輪流排緊隊，所以係商場行下，呢個係個人電話亭KTV

 

13:51 Snoopy台灣限定Tee

 

14:05 想買左邊件白色tee呀！可惜只得XXS碼，冇我size><，我係著XS碼，nike啲衫好鬼大件！

 

Ice monster排到隊頭啦！要落左order先！

 

14:17 原創新鮮芒果冰 NT$220
採用台灣獨有愛文芒，有種特別嘅香味，好多果肉，好香好甜，配合刨冰，正！

 

14:20 新鮮鳯梨棉花甜 NT$240

另外叫左個棉花冰俾大家試下，初初以為夏季鳯梨當造會好吃，因為之前吃過真係好甜好吃！但今次唔得，仲好鬼酸，

仲另外俾一杯鳯梨你，可能放唔曬啩！綠色嗰啲係切碎左嘅情人果，又係酸！咁佢本身係酸嘅，鳯梨好失望！

 

14:20 綠豆仙草粉粿冰 NT$160

呢個大獲好評！成為全場冠軍！估唔到最平最好吃！綠豆好軟棉，黃色粉粿好Q、好彈牙、料又多！

用左黑糖但又唔會好甜，雖然佢有俾練奶你可以撈，但已經夠甜，唔使再加！芒果冰反而仲甜過佢，所以呢個超級正！

 

14:47 吃完冰，附近原來都有日本人氣pancake店eggs’n things

 

14:48 行返出去搭捷運去野獸國睇三眼仔

 

台灣同日本一樣都有好靚嘅水渠蓋

 

15:04 呢條街直入就到野獸國，呢條街有d似原宿！

 

要留意營業時間，1300-2200，好彩lunch前冇黎！點估到佢下午1點先營業！

 

15:06 啊！被個爪篤到！

 

磁浮擺設好靚！但都有少少貴，台幣4990，要千幾蚊港幣，香港亦有售

 

 

15:37

 

15:47

 

15:49

 

16:05 添好運點心開到黎台北

 

16:13 返番黎統一時代二樓夢廣場「侏羅紀世界恐龍展」，1:1暴龍，恐龍襲台北！

另外點解要返黎係因為訂左今晚5:30pm係附近dinner, 原本諗住早上去左野獸國，吃完lunch就係附近行下，跟著就係呢度吃埋晚餐！

 

做乜件tee顯得咁鬼長！

 

恐龍襲台北！

16:18 呢張相我應該做驚恐個樣，做乜咁開心！因為前面好多人，好尷尬呀！^^ 同埋唔記得左！

 

1:1暴龍原來都唔係好大隻

 

會場得一隻暴龍可一隻速龍

16:31 台北都有jins眼鏡，呢副八角型眼鏡幾得意呀！不過好似大左少少！

 

台北都有jins眼鏡，呢副八角型眼鏡幾得意呀！不過好似大左少少！

 

NT$3480包鏡片，包嘅鏡片當然係差啲！

 

16:54 呢頭好多街頭表演

 

17:22 揾到間Dickies, 我以為Dickies冇出XS, 因為香港問話冇XS，原來係有架！台北返而有！買左幾件tee ^^ 價錢亦唔係特別貴，每件約NT$1080，即大約HK$280左右！買滿2000可退稅，買滿3500可減300蚊，買左3件衫都只係32XX蚊，sales有建議我買多對襪NT$680有兩對，但計計下都唔係好抵，其實件tee又唔係好貴，無謂為左平少少，又要買襪，襪反而貴！

但注意，台灣退稅原來唔係睇護照，係睇「入台證」架！

 

有套餐，價錢係每人計

 

17:46 個盤幾靚？！火鍋會放係上面

 

17:57 呢個時間尚早，所以唔算多人，但餐廳比我想像中細間，因為台灣一般好多餐廳都好大間，尢其火鍋店！

 

18:11 呢度食物有分基本盤、彩虹盤，初時以為基本盤冇擺盤，彩虹盤先擺得靚，但係貴成一倍？！原來係分量大小，彩虹盤分量多一倍！

首先黎左4塊美國牛小排，基本盤NT$480，一塊已經要25港幣啦！中午吃左咁多牛肉，所以費時再叫咁多！牛肉味道一般啦！

 

18:28 玫瑰松阪豬 NT$1280

砌到好似朵花咁！好靚呀！

呢度上菜逐樣上，但速度好慢，4塊牛肉11分上，28分先上豬肉，等左18分鐘先吃到第二樣！

 

匙羮都靚過人！

 

18:34 老油條 NT$180

個碟好霸道！呢度係咁多日最好吃嘅，炸得好鬆脆！呢個可以煮耐少少都係脆嘅！

 

18:34 松阪豬服務員會幫我地煮，傴佢會將蛋白淋上去松阪豬度等佢滑d

 

18:35 然後好小心咁平放入湯中

 

詢我地要求麻辣湯放兩個，叫我地唔好攪佢

 

18:36 咁我地以為煮完成朵花咁出黎啦！點知煮到咁上下佢黎搞散佢，咁同我地搞散有乜分別，最後都係散曬！

 

18:37 黑條牛軋糖 彩虹盤NT$420

其實係墨魚條，外型十足似牛軋糖，佢有個漏斗俾你計時4分鐘，但味道一般，冇乜墨魚味，麻麻地好吃！

 

18:44 朋友B極力推薦嘅蒜蓉汁，但太重口味，一點就只有汁嘅味，冇左食物味！

 

18:53 花團錦簇 NT$860

嘩！呢個蔬菜盤擺明就是插花藝術，差唔多成HK$220，我未吃過咁靚嘅蔬菜盤，服務員仲話要放係旁邊，真係好似裝飾品咁！

其實黑色盒入面都係菜，所以菜唔算少，當然咁嘅價錢係貴少少，但人一世物一世，同幾個fd夾份黎吃都ok呀！人地真係有用心去整咁靚！

初初以為嗰d辣椒唔吃得係裝飾，所以攞走曬佢，服務員見到就話嗰d吃得㗎！我地就放返落去淥，朋友B膽心會辣，我就話辣椒越細越辣，咁大條應該唔辣，

朋友B就好放心咁大啖放入口，點知辣到即刻吐返出黎，仲要求要冰水！^^ 哈哈！sorry !

 

19:00 菠菠糖 NT$420 (彩虹盤)

有少少甜，幾得意，但味道一般！
服務員攞黎個陣，仲叮嚀我地呢個唔係甜品，係要成支放落去滾！^^

 

菠菠糖成支放落去滾

 

19:37 服務都ok, 有求必應！賣單NT$5302，平均Hk$350/人，ok 啦！比我想像中平，以為會貴過中午添！香港呢個價絕對吃唔到！

 

19:37 最後送上4杯梅子果醋，呢啲ok啦冇乜特別，不過吃咁飽之後飲返杯都舒服

 

19:47 吃飽飽，就係附近行下消化下！

 

19:51 好多人圍著呢個後生仔睇佢打鼓喎！

 

佢一路打鼓仲識一路放電，唔怪得有咁多fans啦！

 

20:09

20:15 呢區好熱鬧，有好多年青人！

 

20:41 呢度都有「乾杯」燒肉分店

 

20:46 見到一芳，買杯珍珠奶茶飮下啦！我嗰杯係宜蘭金桔綠

 

20:48 左邊杯珍珠奶茶就麻麻地！我係右邊嗰杯宜蘭金桔綠，幾好飲喎！

 

20:56 以前想搵呢個LOVE就唔知係邊，今日行行下就無意中見到！世事嘅嘢就係咁！

 

 

21:42 行行下見到隻狗狗好得意，好想去摸下佢，行到埋去，見到狗仔掛住個牌，寫住「我会咬人，不要摸」，但寫簡體，隻狗主人真搞笑！

 

21:43 吃完寬巷子火鍋，又行完101附近，咁就黎雙連站附近的寧夏夜市，雙連站附近仲有呢間出名燒麻糬嘅「双連O仔湯」，

我之前吃過真係好吃，雖然好飽已經吃唔落，但經過都要買兩粒今晚返酒店吃！

 

21:45 双連O仔湯除左燒麻糬，仲有其他甜品，包括比較少見的芋泥冰，喜歡芋頭的會好鍾意！

 

燒麻糬兩粒/1份，NT$80

 

21:46 店員見我影相仲好大方擺出V手勢，so nice活潑！

 

21:49 震旦通訊！有諗頭！一有call就興奮！

 

21:53 行到寧夏夜市，就見到燒玉米，買一條今晚返酒店吃！

 

一路燒一路擦上秘製醬汁

 

21:55 燒好啦！真想熱辣辣吃，可惜太飽！

個醬都幾好吃！雖然唔係最好吃，之前吃過士林夜市嘅「老士林」燒玉米，真係好好吃，

佢問我要不要辣，我話要少少辣，但結果都唔辣，如果有少少辣更好！不過呢隻都可以止下癮！^^ NT$60 都幾大條！

 

 

21:58 鬍鬚張係出名魯肉飯，不過我覺得麻麻啦！

 

宜家整得好飲嘅愛玉冰已經唔多，唔知呢間好唔好飲呢？

 

21:59 今晚黎寧夏夜市主要係黎蚵仔煎，呢度有一間好好吃嘅！係我吃過最好吃嘅蚵仔煎，不過唔係呢間，呢間未吃過，不過都有好多人吃喎！下次有機會試下！

 

22:00 就係呢間啦！圓環邊蚵仔煎！兜多個圈再返黎吃！

 

宜家整得好飲嘅愛玉冰已經唔多，唔知呢間好唔好飲呢？

 

寧夏夜市條路好窄，又人多，只能兩、三個人身位！所以好逼！

 

呢個夜市有刨冰吃

 

22:07 喺門口排隊入去吃啦！

 

隔離舖好很大隻雞！

 

22:12 阿姐好勁，唔使寫低都記得邊個吃乜嘢！👍🏼

 

22:15 呢碗蛤仔湯真係好正！湯和蛤仔好鮮甜！啲咸味好似海水咁，蛤仔好嫰好爆湯！真係好似置身海洋中！

 

22:22 呢間嘅蚵仔煎係我目前吃過最好吃嘅！蚵仔大粒又新鮮唔腥，粉漿又少，漿汁又超好味！

 

22:24 你睇！粒蚵仔幾大粒！不過今日太飽，所以兩人個share一碟！平時一定一人一碟！

 

23:56 返到酒店繼續開餐！吃燒麻糬和燒玉米

 

23:57 双連O仔湯嘅燒麻糬，外賣買返酒店吃已經凍曬，變硬左唔好吃了！><

 

 

陳記腸蚵專業麵線
台北市萬華區和平西路三段166號
(龍山寺站2號出口行3分鐘) 06:30 - 19:30

 

老乾杯 (信義店)
地址 : 新光三越A9館-台北市信義區松壽路9號8樓(市政府站3號出口)
電話 : 02-2725-3311
週一至週日
11:30-15:00 (Last Order 14:30)
17:00-24:00 (Last Order 22:30)
平日才有商務午餐