醜小鴨愛自遊

(Day 2-羅東、鯉魚潭、立川漁場、五餅二魚、北回歸線、池上飯包、台東夜市、林家臭豆腐、正氣路水果街、釋迦、台東知本金聯世紀酒店)

 

07:21 早晨-Day 2
去食早餐啦！

 

07:54 粥可配麵筋、肉鬆、筍、花生等等......

熱盤有幾樣野都好吃！估唔到第一日嘅早餐最OK, 之後嘅酒店越黎越唔得！

有肉澡，有飯，可配成肉澡飯

 

味道都不錯，蘿蔔糕就麻麻地

 

08:09 中間幼幼白色嘅菜我第一次食，都幾好味！

 

08:17 蘇澳冷泉第三日去，如果唔落雨的話

 

08:25 旅館可以借單車

 

吃完早餐返去check out 啦

 

08:48 各位團友攞整野走啦！去坐火車啦！

 

08:53 旅館好近羅東火車站，行一條街就到

羅東火車站

 

火車站內有locker

 

08:55 服務中心有紀念印章，大家都攞身上d紙黎蓋

 

 

09:00 我地坐9:29am 272自強號班車往花蓮, 顯示delay 4分鐘

火車站內便利店都有花鵰雞麵，不過係杯麵裝

 

都有三星蔥蛋捲，唔知好唔好吃，影完相店員話唔俾影相><

 

去2A月台10號車廂

 

 

09:26 張車票入閘係插入去，但出閘要俾返張車票佢，所以插入去之後要記得攞返！

 

09:31 我地架自強號黎啦，架車埋站，有團友仲係月台邊影相，太危險啦！影相唔好咁搏啦！

 

09:31 其實都有劃位，但大家都好似好心急上車

 

09:43 我地坐曬係後半卡

 

09:53 團友俾嘅蕃茄

 

09:57 途中突然收到包車司機打黎，因為今天佢要比我地更早先行出發經蘇花公路到花蓮站接我地，但道路管制塞車，要遲到，

大約12:20pm先可以到花蓮，咁跟著嘅行程鯉魚潭和立川漁場午餐點算？打去立川漁埸問，餐廳2pm休息，最遲要1:30前到！咁我地諗點算><

 

10:37 到達花蓮站月台，有團友提議不如自己去立川漁場，只要由花蓮站坐多唔知幾個站就到然後坐的士好近，

正當諗住咁做，包車司機話公司安排左另一架旅遊巴15分鐘內到，會車我地去鯉魚潭和立川漁場，原本嘅包車會到立川漁場交接！

旅遊巴幾分鐘後就會到！真好！公司應變和安排真快！

 

10:45 有驚無險可以繼續行程

 

10:55 大家去左廁所先，我就去探下路架旅遊巴停左係邊

 

10:59 個度一排好多旅遊巴，終於揾到架旅遊巴，停左係前面大巴後面架紅頂藍身就係

 

起緊呢個係全新花蓮站，好靚！好有時代感！

 

11:01 團友們都黎到上車位置

 

11:38 黎到鯉魚潭啦！

 

11:39 咁大條鯉魚，好明顯係鯉魚潭啦！不過重點唔係呢個

 

黎大合照先啦！

 

11:41 活跳蝦好細隻，可以生食或炸，每份NT$150, 不過冇團友試

 

11:43 扮公路截車，其實個度唔算多車，不過間唔時都有車，所以要小心睇車，唔好玩咁耐！

 

11:44 鯉魚潭可以踩水上單車，如果有時間嘅話可以玩下，可惜我地冇咩時間！

 

11:45 鯉魚潭全景，經團友介紹先識睇，呢張相應該比較容易睇到係鯉魚，右邊係鯉魚頭，跟著係鯉魚鯕，左邊係鯉魚尾，真係有d似過年個陣嗰啲鯉魚年糕^^

 

有團友買左檳郎試吃，我就冇吃啦！佢地吃完都唔係幾好樣，吃剩成包都冇人再吃

 

鯉魚頭

 

Yeah !

 

11:54 咁靚景，大家黎大合照啦！

 

11:56 好快咁離開鯉魚潭，去立川漁場食午餐啦！

 

11:58 呢架係暫時接載我地嘅旅遊巴，雖然都大架，不過座位舒適度都係不及我地自己個部車，上坐車先發覺唔見左兩個團友，原來佢兩個走左去睇古玉

 

12:01 企係條馬路中間影相係好危險嘅行為，大家唔好學，不過張相影得唔夠好，唔識角度，唔識企！^^

 

12:11 上到車發生強暴事件

 

右手邊使出龍爪手，而左手邊就誓死保護住個胸

 

原來係為左搶呢個木瞻除黎睇！

 

另一位團友就買左呢舊玉石，叫黃潭石

 

12:15 大家都爭相聞佢個木香味

 

12:22 黎到立川漁場啦！

 

12:23 訂左兩圍立川漁場入面嘅五餅二魚餐廳，因為係十人餐一圍，8個都吃唔曬，所以打算司機一到就叫佢通知我地可以一齊吃.....點知....

 

12:24

 

12:30 我地冇呢張單，係攞人地嘅黎影相，我地係吃NT$5000套餐

 

12:31 一黎就黎櫻花蝦油飯和白飯！
上菜嘅次序有點.....
個油飯不錯吃，但其實有油飯又何需白飯，台灣人真係咁食得？雖然呢個係十人餐，不過十個人都吃唔曬啦！最後我地冇郁過白飯俾返佢，

不過我都知佢地未必會再被其他人吃！下次問下客人要唔要先可避免浪費！

另外隻雞，我諗因為係放山雞 (走地雞)，所以肉質比較實、比較鞋，有別香港個d稔滑！
仲有個醃蜆，用醬油、酒、辣椒去醃，我地呢枱都覺得好好吃唔夠吃，隔離枱竟然唔啱吃，冇乜點郁過，卒之我地臘埋過黎吃！

 

12:31 「雙味抄蜊仔」，相信呢個就係呢度養殖出名嘅黃金蜆，一邊用九層塔去炒，另一邊用蕃茄去炒，蕃茄味冇乜特別，都係九層塔香口好味d！

 

12:33 「陶盤鹽烤蝦」，都好大隻蝦，好期待！侍應叫我地煮十分鐘

 

12:39 開頭個火點極都唔著，侍應試左好多次先得，但個陶盤又擺歪左，結果一邊熟先，一邊又未熟，

咁我就攞兩張紙諗住移返正佢，點知張紙掂到火著火，好彩整熄左！結果都係由媽媽級團友幫手移返正！

 

12:43 煮左8-10分鐘，見轉曬色，又唔敢吃怕生，結果有一個團友試左話ok, 大家先敢郁，不過因為頭先右邊先熟，所以老左d，都好吃嘅，

但如果唔係咁熟更加好！其實連8分鐘都唔使，一轉色應該就吃得，如果好似個侍應咁講烤10分鐘，就會老到阿媽都唔認得，浪費左d蝦！

 

另一圍團友開餐中

 

12:47 呢個係另一招牌菜「鹽烤活力鯛」，呢個真係好好吃，我自己覺得吃落好似吃緊蟹肉咁，因為佢個肉質同埋小小咸香味，

我地呢圍都好鍾意吃，隔離圍竟然吃剩半條唔吃，我地又拿過黎吃埋佢^^一放低唔使兩秒又掃曬！

 

12:48 「虎掌杏鮑菇」？
呢個有d似牛根咁嘅質感！冇乜特別！

 

12:55 「酥炸兩相對」，一邊係炸魚，一邊係海鮮卷，但每碟都好大碟，吃到呢刻，已經有d飽了！

 

13:03 又黎多條魚？！搵極套餐都寫係乜，問清楚侍應有冇送錯，佢話冇送錯喎！我估係叫「冬茸鮮貴妃」！貴妃魚？但呢條魚就麻麻地好味，肉比較鞋，

之前條魚太好吃啦，大家又吃得太飽，結果都吃唔曬！不過呢條魚下面有豆腐，隔離圍枱今次竟然想要埋我地d豆腐，我地都未吃，當然冇得俾^^

 

13:07 「珍菇燴水蓮」，水蓮即係台灣獨有山地菜，即係中間下面一條條個d，炒得爽爽脆脆，都幾好吃

 

13:17 最後，吃到已經好飽既情況下，竟然再黎一煲「養生百菇雞」，有當歸、藥材味，好香好飲，咁飽嘅情況下，我都飲左兩三碗，

有個團友有吃少少烏雞，話都好滑好吃，其實烏雞同油飯倒轉次序出就差唔多, 飯應該放係後面d！

吃到咁上下先醒起之前個櫻花蝦油飯吃剩少少，有個女侍應話幫我地攞去換細d嘅碟，結果一去冇回頭，一問之下，原來佢就咁放係度，其他人以為唔要掉左，

咁佢話蒸返半籠俾我地，結果蒸左成籠俾我地，我地打包俾司機，因為吃到尾聲先記得司機，睇下line, 原來佢12點幾已經到左，去左吃飯了，真係唔好意思！

雖然包車費已計埋食住，不過十人餐都食唔曬，真係太大意，大家都掛住吃和影相

 

13:25 最後生果盤，可惜芭樂冇梅粉跟，但團友有私家，勁！咁都隨身有，梅粉唔係隻隻好吃，不過團友呢隻就好吃，芭樂加上梅粉真係絕配，超好吃！

提子佢地都猛搶，我話只少剩一粒俾我，佢地真係剩「一粒」俾我！多謝曬！

 

13:38 扭左個銅幣

 

13:42 吃到咁飽，緊係要行下立川漁場

 

13:58 呢度可以買蜆仔霜淇淋，係硯香草NT$35

 

冇蜆仔味既蜆仔冰淇淋

 

14:06 一蜆擎天

 

遍地黃金蜆

 

14:10 呢度d錦鯉好大條呀！

呢個角度睇到有幾大條啦！

 

可以買魚糧餵魚，好平但唔記得幾錢！

 

14:15

 

14:18 呢個位影相超靚！

 

求其企都靚！

 

14:19 行完立川漁場啦！要上車去下一個景點

 

14:20

 

15:27

15:30 黎到中谷線嘅北回歸線，司機話要快點影相和去廁所就好快d上車啦！

 

15:31 茶煲團友！哈哈！

 

15:35 呢兩位團友，差你地咋！其他人上曬車啦！快d返黎啦！^^'

 

15:40 已經比預期遲左上車，又有團友買左16條短蕉請我地吃，不過呢d蕉麻麻地好吃！呢個景點好趕><

 

16:37 黎到池上飯包啦

 

16:39 可以買左火車便當然後上黎車廂坐低吃架！

 

 

又有壓幣，不過呢個冇買啦！

 

16:42 聽聞池上米好出名，結果我呢個無飯家庭竟然買左一包細包米，反而日日煮飯嘅團友冇一個買，只有我一個人買左！

16:45 我就係買左呢包池上米！(返香港試左，唔知係唔係唔識煮，落水既份量同平時一樣，但池上米就偏粘軟，所以下次又要再減少少水試下)

 

16:46 有好多便當可買！有團友買左兩個便當，但唔係即場食，唔知係想係車吃定今晚係酒店吃，個便當賣相都幾靚！

 

16:48 仲有鳯梨釋迦雪糕和雪條，我就覺得雪條好吃d！

 

16:51 大家都吃緊釋迦雪條喔！

 

16:58 買便當既可以係度自行拿湯飲

 

17:00 上二樓睇下

17:02 好快睇完

 

懷舊糖果

 

17:04

17:06

17:08 上車走啦！去完池上飯包，跟著應該去伯朗大道，想係個相架拍照點影下大合照就當到此一遊，但司機去到附近就話旅遊巴唔入到，

你要行入去要行好耐，我心諗咁旅行團點帶人去？唯有冇去，有點遺憾！

 

團友買嘅！請我地吃！

 

18:52 原本想先去鐵花村，但因為時間唔夠，所以取消左，直接黎台東夜市掃街，旅遊巴停係喜來登酒店俾我地落車，一出酒店就見到小朋友玩緊機械人

 

喜來登酒店大堂，借廁所必經之路

 

19:02 台東夜市正氣路有幾檔買釋迦嘅生果檔，我地想買今晚吃呢大粒釋迦，但都冇貨，選擇少又唔大粒樣又唔靚，去第二間睇下先啦！

 

19:04 我同團友們講，呢個夜市係一條直路，你地可以自由活動，但我第一間會先去較遠嘅林家臭豆腐，之後再返黎，直行5、6分鐘左右，

但你地應該唔識去，想吃既可以跟我，結果大部分團友都有跟我去

 

19:10 大約行左幾條街就到林家臭豆腐

林家臭豆腐
平日 1400-2130
假日 1200-2230
台東市正氣路130號

 

19:15 好彩仲可以吃到舊價^^

 

宜家小份50元，大份100元，
2018年1月1日之後小份就要60元，大份120元

 

19:16 臭豆腐黎啦！結果16人中都有14人黎吃臭豆腐，一黎就逼爆人地間舖

我第一次黎台東，所以呢間我第一次吃，網友和旅遊書都有推薦！

我叫左小份！有7件左右，size係一口一件，味道ok la, 但未去到驚人天人必吃咁誇張。

泡菜偏少，大份嘅泡菜多好多！兩倍有多，但我吃過比呢間好吃嘅臭豆腐，而相信比佢好吃嘅店應該有好多！呢間試過就算！

不過都有團友encore多碟小份！

19:24 呢個係大份，泡菜係唔係明顯多好多呢？^^

 

19:29 又見到靚嘅大目釋迦，但呢d未食得，即食都唔係咁靚，唔知係唔係太晏d又大又靚嘅俾人買曬呢！

而當時竟然冇諗到可以買左擺幾日熟左就可以吃，可能因為明早要釋迦批發卦，結果我地求其買左幾粒大目和鳯梨釋迦打算攞返酒店share吃！

但唔知點解有團友好心急要係街即刻分鳯梨釋迦黎食，結果有d狼狽，成手都係汁，點解唔可以返酒店先分，吃得舒舒服服呢！

 

19:37 有團友想買黑金剛花生，好大個招牌，唔知佢地有冇見到呢！

原本只係打算逗留夜市1小時，但真係唔夠時間，去玩林家臭豆腐吃玩返黎都已用左半個鐘，所以同司機講要推遲半小時，

原本8點，宜家要8點半先上車，而我地就cut左鐵花村唔去！

 

跟著我想吃蚵仔煎，而返到夜市其他團友就散曬各自搵吃！

 

19:45 但呢間唔好食！醬又唔得，蚵又細又少、粉又多、菜又少，好唔合格，總之唔會推！

 

買左杯初鹿鮮奶紅茶，冇乜特別

 

19:53 燒玉米，我要吃，但呢條一咬個頭就係生嘅，因為係青青地色，吃左個頭就好d，呢間醬汁係ok嘅！

 

19:54 買隻烤魷魚吃

19:58

 

19:59 買杯愛玉飲，不過呢間唔好飲！

 

 

20:46 由台東夜市到酒店差唔多要半個鐘，返酒店途中經過明早會黎嘅火車頭釋迦批發！

 

第二晚入住
台東知本金聯世紀酒店 (Century Hotel)
(包早餐, 房內可泡溫泉) Hotels.com
$981/晚 面中庭景兩床房 35平方米

一入黎酒店Lobby都幾大體，但.....

有人唱歌好嘈><

 

21:25 房間廁所好大，怕尷尬可在浴缸泡溫泉！
因為頂樓露天溫泉是裸湯的！

 

好似日本咁，有電動廁所板，可洗pat pat

 

酒店送嘅兩支水

 

雪櫃仲有送兩支水

 

21:32 房間廁所好大，左邊係浴缸，可泡溫泉，右邊係企缸

 

21:37 呢d係頭先係台東夜市買嘅大目釋迦，陣間切左分俾大家吃, 我覺得大目比鳯梨釋迦好吃，大目層次豐富d，香有好多重，有清香，

又有d甜又有小小奶味，味道好複雜！好正！

 

21:47 去分完d釋迦俾團友，返房換衫去浸溫泉啦！呢度望落去有點畏高，聽朝就係下面餐廳吃早餐！

其實一入到酒店就好鬼嘈，因為中間餐廳夜晚會變酒吧，可以俾客人唱KTV, d客放聲咁唱，好嘈！整CHEAP曬間酒店，

好彩唱到21:30，所以宜家去浸下溫泉，返黎就寧靜曬！

21:51 快點換衫去浸溫泉啦！

 

21:55 換左衫去浸溫泉lu, 順便沖埋涼先返

 

22:02 露天温泉係R/F頂樓，先沖左涼，洗乾淨先好落水，順便洗埋個頭啦！不過呢度沖身得3格位，少左d，另外個溫泉池燈火不足所以好暗，但如果怕尷尬就非常啱啦！乜都睇唔到！

去到更衣室除曬衫但搵唔到沖身位係邊，又冇指示，結果有個男仔用廣東話同我地講，原來喺出面。

咁沖身位得3個，我地用左兩個，最右邊有個男人企係度沖，因為佢好似日本咁每個位都有張矮椅，所以我地就坐低沖身，

跟著個男人用廣東話(香港人)問我地，乜要坐低沖架，我就話冇乜所謂，隨你喜歡，洗唔到嘅咪企起起身沖lor! 不過有張椅，所以我地就坐低沖，

跟著個男人都有坐低沖，然後話今次係佢第一次浸溫泉！所以唔識規舉！個男人都好nice, 出到外地遇到同聲同氣感覺好親切！

同胞就唔使客氣啦！少d遇見！好嘈好煩！咩都偷，前幾日行山行八仙嶺連地下石頭都偷><

有三個池，有個三十幾四十度比較舒服，有一個42度，好熱，仲有一個凍水池，好凍！

我地女團友都有一部份去左浸溫泉，有d仲係第一次祼湯，呢度咁黑For第一次真係啱曬！

呢度d溫泉水應該係堅嘅，因為浸完d皮膚真係好滑！大約浸左20分鐘！

 

22:44 浸完溫泉，返房訓覺啦！^^