醜小鴨愛自遊

(Day 14-淺草、OZEKI超市、雷門、一蘭拉麵、吾妻橋、晴空塔、舞濱駅Disney Store、LaLaport Tokyo Bay、Eggs'n Things、六歌仙燒肉、The Gate Hotel)

 

琴晚零晨2點幾地震，初初聽到上面乒零乓那好嘈以為發生咩事，原來4級地震，所以處於戒備狀態，有點想打開房門，

不過好彩只係震一震，唔係震好耐！

之後7點幾又再震一次！

 

8:32 早晨 Day 14
今日主要係去舞濱Disney Store, LaLaport Toyko Bay 和六歌仙！講左好多次，又黎過東京幾次，今次終於吃到！

 

屋頂鳥居神社！

 

8:57 琴晚訓得唔好，除左有地震，The Gate Hotel嘅枕頭超軟唔好訓，問佢有冇硬d嘅枕頭又冇，

所以應該唔會再encore住呢間，枕頭軟已經死得！仲要住多兩晚添！

 

9:21 今日7點起身，但係都搞到8:30先出到門口><

 

9:23 呢間酒店嘅早餐聽聞好出名，係半自助形式，原本諗住搵一日係度試下，但訂房冇一齊訂埋早餐，check左個價，到時加價錢一樣，點知黎到一問就貴左，所以冇吃！><

 

9:25 又上左黎酒店觀景層影相

 

 

9:27 呢個位置影晴空塔都相當唔錯下！

 

9:36 呢件衫係今次係日本買，個設計係好似反轉左著咁！

 

9:40 其實觀景層只係酒店Lobby上一層

 

樓下超市生果

 

臨走買d水蜜桃返去孝敬阿媽！

 

 

9:45 雷門。到此一遊

 

淺草 The Gate Hotel

 

9:52 本來早餐諗住去食豬排三文治，咁搵啦！，又搵唔到，唯有問人，左邊又叫我去右邊，右邊又叫我行左邊，來來回回行幾次><

 

10:00 結果，終於搵到呢間豬排三文治，不過唔知係未開定結業！

 

咁就搵過第二樣吃啦！

 

10:08 雷門燈籠後面係寫風雷神門

 

10:11 行到去淺草駅對面吃一蘭拉麵

 

淺草嘅一蘭成10點先開

 

10:16 其實一蘭嘅蛋麻麻地好吃

 

10:23 加麵

 

10:32 扮飲完d湯，隔離碗湯出賣左我^^

 

10:42 吃完一蘭

 

10:44 去附近吾妻橋影靚相

 

10:45 吾妻橋位置影過去，好多人都會黎呢度影相

 

自拍就走唔甩啦！

 

10:55 係呢度我部相機鏡頭正式打柴，完全用唔到了><

 

11:00 影夠皮啦！走人！

 

好多日本棒球少年！

 

The Gate Hotel 地下

 

今日好遲先吃完早餐，然後轉2次車去舞浜disney store啦！

 

 

12:04 哥哥去disney做足準備，仲氹細佬定細妹開心，好可愛！

 

12:16 呢條橙衫友有點似香港個d呃人捐款個d！

 

我地唔想入迪士尼，又想買迪士尼野，所以黎呢度就最好，夠多夠齊

 

很大喔！

 

12:20 呢個得！

 

 

買左呢個襟章1200yen

 

底底

 

筷子

 

 

12:30 呢個做緊特價, 買左

 

好大個手機殻

 

13:05

 

去完舞浜disney store就再去LaLaport Tokyo Bay

 

13:27 跟著去坐接駁車

 

13:27 即刻有車，忍不住上左

 

 

13:41 其實搭接駁車真係有d憨居，行過去好似都係5-10分鐘，但係搭接駁車又要兜IKEA, 又要轉一大個圈，都要成15-20分鐘，所以走個陣，我選擇行！

 

巧遇今晚呢度有花火大會，不過最後趕唔切冇去睇

 

13:53 Food court 好多人，搵左位先, 好肚餓啦!

 

 

 

14:00 有抽獎卷送，不過要儲幾張先可以抽一次

 

14:07 我叫左個牛肉丼，又話攞曬獎又剩，好難吃呀！好後悔叫左呢個，而且今晚要去吃六歌仙，又係燒肉，好多肉呀今日><

 

14:09 金子半之助出名天婦羅，不過food court嘅水準始終差過本店

 

14:26 食飽飽之後去左夾公仔，夾唔到><

 

14:27 不過竟然一次用左100yen就夾到呢隻肥野三眼仔^^

原本訓係度只有一隻米奇老鼠，我叫職員幫我換左三眼仔，唔可以夾左米奇老鼠然後要求更換三眼仔架！都make sense嘅！
所以呢部機鍾意邊個公仔就要換定先夾！

心得都係三個爪易夾過兩個爪^^

 

最下面第三張係500yen可夾6次

 

14:49 因為三眼仔用左買一送一，所以仲有一次機會，不過夾唔中走開左，跟著呢位爸爸一夾就夾到啦！><

有時都可以叫職員reset調整公仔，reset左可能會易d夾到㗎！因為有時好人職員都會放下水，擺得易夾d！

另外，我見到有隻好大隻嘅兔仔，心諗好難夾啫，但係呢位爸爸一次就夾到😓

我覺得係日本夾到公仔嘅機率都好大，我地都係度Hea左好耐，又自己夾又睇人夾，都好開心😄

不過要加快進度啦！呢度先係第一個點咋！

 

14:53 LaLaport Tokyo Bay內有Disney Store
呢度係第二個點

 

前面係新產品，有蜜糖味

 

14:54 係呢度買左個三眼仔眼鏡盒1500yen

 

15:17 呢度d生果都好似幾平，不過我之前已經買左好多未食

 

15:30 LaLaport Tokyo Bay

 

 

16:03 呢度唔知係唔係可以租和服呢？！

 

16:10 玩具最啱我睇^^

 

RG Gundam 系列我都買唔少^^

呢d都係RG

 

16:15 龍珠系列都出得幾靚，幾時出笛子魔童呀？！

海賊王千陽號黃金特別版

 

 

 17:05 跟著又去睇衫，呢件幾得意喎！不過有分黑色和藍色，又有唔同圖案，揀到頭痛，究竟呢件黑色好d定下面個件藍色好d呢？

最後揀左藍色

 

 

17:31 跟著去Eggs’n Things 吃Tea

但都係個句，日本人好奇怪，好有原則又好固執，明明有幾張枱，佢就係慢慢放你入去，如果前面3人，一定要安排左3人先，就算有幾張2人枱，都唔會俾兩人入去坐先，所以等得有d耐><

 

17:39 之前吃過雜果pancake, 好靚又好靚，今次試下芒果pancake啦！另外叫左個芒果冰沙，其實係叫冰沙定沙冰，我都儍儍分不清楚

 

17:42 呢期做緊芒果，有cream和芝士二款揀，之前吃過cream，今次試下芝士啦！

 

17:58 芝士款味道ok！芝士係淡芝士，
另外，cream就呃like啲！不過其實呢度啲cream唔會好甜！

 

18:00 因為每人要叫一樣野，呢個係日本不明文規定，咁冇理由幾個人黎吃一個pancake卦，你可以叫一杯野飲或小食，我就叫左個芒果刨冰，不過估唔到佢個冰咁硬

 

 

18:41 唔夠Cash, 要海外提款啦！㩒左25000yen, 身上冇乜yen, 㩒左安心好多！

 

18:51 章魚燒機

 

19:40 吃完差唔多7點啦！就去左行Bic Camera，睇衫

 

20:08 好啦！都行到d舖頭陸續關門，個場又開始熄曬燈，地方又大，周圍搵去坐METRO既出口,
,
要去新宿吃六歌仙啦！訂左9:30PM

 

 21:17 途中見到新宿PABLO有間分店有菠蘿芝士蛋糕，買返酒店做聽日早餐

菠蘿芝士蛋糕係8月限定

 

21:28 黎到新宿，遠望哥斯拉酒店

 

21:30 前面左邊3樓就係六歌仙燒肉, 雖然佢有兩層，但係佢都唔係好大

21:36 揀左雪之宴呢個任食餐

21:44 叫左牛舌、里脊肉、五花肉！

牛舌好吃，可以勁encore！
另外有一隻好肥

 

21:47 帶子就麻麻，可能咁燒法味道一般！

但蟹好鮮甜，比起一d漁市場買嘅仲鮮甜，我好懷疑d蟹黎個陣已經熟，我開頭燒得熟左d，encore個陣就燒得短d時間！

另外會見到d蟹有一粒粒黑色野，唔知話係寄生蟲定乜，不過話有呢d一粒粒先代表d蟹新鮮！好推薦！

烤蝦叫左兩次，但其實味道一般般！

 

21:47 牛肩唔知乜野肉，好好吃，之後又encore

 

21:54 魷魚麻麻，可以唔叫

 

21:56 有鹽燒河豚，同其他好多選擇！
而蟹寫明係煮成螃蟹的燒烤，即係已經煮熟左！

可以加多千幾yen變任飲，鍾意飲酒嘅人可以考慮下，我如果再加任飲未必飲到好多，亦會好似飽，所以冇加任飲，飲冰水就夠！

 

22:13 再encore牛舌和蟹，大腸好難吃><

 

六歌仙焼肉雖然貴d，大約港幣600左右，不過牛肉和蟹腳係有水準，我會再黎！

 

22:52 再encore牛肩肉

猛咁encore牛肩肉，因為好吃，仲要係期間限定

 

23:08 甜品冇咩特別, HEA左D

 

 

回浅草酒店了，呢個搭車apps真係好方便又易用易睇，仲認到繁體字！👍🏼

不過因為吃完六歌仙都成11點，又要趕車返淺草，因為要用metro pass, 轉車時間又短，所以又要搵點搭，又要問人，過程都有d聚張，好彩d職員都好nice, 都搭到！配合埋呢個apps用真係無得頂！👍🏼

 

返到酒店，原本今朝叫酒店留兩個硬d嘅枕頭放係間房比我，因為原本嗰個實在太軟，不過返到房，又唔見有放到兩個枕頭，結果打落去前枱問先攞兩個上黎，呢兩個就比較硬小小啦！

返到酒店，就吃黃金桃，都幾好吃！好吃過d水蜜桃！又encore左一罐suntroy菠蘿啤酒！好飲！
 

 

六歌仙放題 1100-0500 (3.51/5)
+81-50-5868-3328 新宿3-9-4增藏XX3F
www.rokkasen.co.jp
JR新宿站西口行5分鐘, 西武新宿站行3分鐘
任食8780yen/人
(JCB.VISA.MASTER.DC.UC.NICOS.SAISON.AMEX.银联)