醜小鴨愛自遊

(Day 4-京都、INODA COFFEE、保津川激流遊船、嵐山、嵯峨とうふ稲豆腐料理、天龍寺、老松夏柑糖、竹林、觀光小火車、二条城、めん馬鹿一代噴火拉麵、Dormy Inn Kyoto)

 

 

7:45 Day 4 早晨
今日行程主要去嵐山坐激流船、小火車、周圍行下，晚上食噴火拉麵！

 

7:49 一早起身就食雪糕，呢個係柚子味

 

 

8:04 先去睇下dormy inn酒店附近第一旭拉麵多唔多人排隊先！

 

8:07 結果好多人排隊，可能因為今日係假日，所以多人d，明天係平日，會唔會少人d呢🤔？聽日再黎試下！

本家第一旭 拉麵 (3.61) 0500-0200

+81-75-351-6321

京都府京都市下京區東鹽小路嚮畑町 845

JR京都駅、徒歩約５分

http://www.honke-daiichiasahi.com/

遠望dormy inn 和京都塔，行去京都駅地下街食早餐

 

8:10 就係呢間INODA COFFEE

 

INODA COFFEE ルタ支店 (3.53) 0800～20:00

075-343-2380

〒600-8216
京都市下京区東塩小路町858-1

（京都駅前地下街ポルタ内）

http://www.inoda-coffee.co.jp/shop/8jo.html

 

INODA COFFEE 八条口支店 7:30～20:00

075-574-7478 

〒600-8214
京都市下京区東塩小路高倉町8-3
JR東海京都駅構内 1階ASTYロード内

地址: https://goo.gl/maps/i7pWDvUq7fH2

8:20 不過今日唔知係唔係胃炎，胃口唔係幾好，食得好少，早餐味道亦冇乜特別，尤其個牛角包好un, 唔好吃！

 

呢個豬排三明治返而好吃d

 

今日回程既小火車車票

 

8:50 出發去嵐山，首先去32、33月台嵯峨野(山陰)線

 

我地坐32月台9:15去亀岡

 

呢架去園部唔啱

 

8:55 唔算好多人，都仲有位！

 

9:25 到達亀岡駅

 

9:30 JR亀岡駅

 

沿住呢條路一直行去保津川激流船上船位置

 

沿路都有旗仔

 

前面就係保津川遊船上船位置啦

 

9:36 要上去上層買船票

保津川遊船 (激流泛舟遊) 0900-1400 (1hr一班)

15:30有一班, 一天約7班, 周六, 假日有增班

冬季 (12/1-3/9) 1000-1430

定休日: 12/31-1/4

621-0005 京都府龜岡市保津川下中島2

0771-22-5846 成人4100日圓 (坐2小時)

www.hozugawakudari.jp

9:40 成人一張4100yen, 坐兩小時

9:43 由亀岡上船，嵐山落船，係單程，冇由嵐山到亀岡，所以我決定去程坐保津川遊船，回程坐觀光小火車！

9:48 初初期待有幾激呢！雖然都知道唔會好激，因為又唔使著救生衣，不過都要攬住一條救生腰帶

 

今次旅程買左部平平地4K action cam玩下，hk$3xx, 都幾好玩，下次旅行又可以帶去玩

 

9:53 一出發冇耐就見沿岸有人準備燒野食

 

10:10  其實呢個所謂激流嘅遊船真係唔係好激，全程2小時只係有幾下有小小震盪，適合老人家欣賞沿岸風景，所以如果紅葉季節黎相信會好靚

 

10:19 見到觀光小火車

10:53 呢個位有遊船員工幫你影相，不過我唔會買

 

11:09 又見到觀光小火車

 

獅子石？似唔似？

 

海獅石？放舊石上去就當海獅？你地又覺得似唔似呢？

 

黎到接近尾聲，有架小食艇可以買野食

 

11:16 買左盒缺餅，都幾好食

 

11:16 有啤酒、汽水、薯片、零食.....

 

其實我仲想買燒魷魚架><

 

11:26 到嵐山上船碼頭啦

11:28 拜拜保津川遊船

 

又有幾艘船準備埋岸

 

船上嘅遊客俾個V我，好配合呀！

 

今日天氣多雲

 

11:35 呢度可以買睇鵜飼嘅門票，即係坐船，船夫會用鶴定唔知咩鳥類捉魚，佢會用囗捉，但因為頸挷住繩, 所以唔會吞左條魚，通常夜晚進行呢個活動

 

行去前面條橋，係唔係渡月橋呢？

 

11:49 呢個缺餅山當然係假架啦！

 

11:50 途經嵐山駅，唔知係近铁定咩，我都未搞清楚，總之唔係JR駅

 

坐巴士可以由嵐山去高雄!!! 😄 (爛gag)

 

 

11:53 跟著黎呢間嵯峨xx稻吃豆腐料理，之前係清水寺吃日月庵都幾好味，今次試下呢間啦！因為怕假日人多，所以訂左位

嵯峨とうふ　稲 (3.55/5) 豆腐料理 1100-1800

075-882-5809

京都府京都市右京区嵯峨天龍寺造路町19

京都バスにて「嵐山」下車、徒歩5分以内。

http://www.kyo-ine.com

網友介紹

12:04 不過我覺得呢間味道麻麻，冇乜特別，都係上次清水寺日月庵好食d

 

13:05 好多人買呢間嘅抹茶軟雪糕，我陣間先買

 

去「稻」對面嘅天龍寺行下，其實應該由呢邊入，但我就選擇隔離入

 

13:10 我選擇左呢邊入，呢邊應該係俾車行，所以我覺得兜左遠路

 

呢度就係天龍寺入口

 

13:23 要除鞋放好先可以入去參觀

 

13:39 我諗秋天黎睇紅葉，一定會好靚！

 

13:39 天龍寺是一位於日本京都府京都市右京區嵯峨天龍寺芒之馬場町的寺院，為臨濟宗天龍寺派大本山的寺院。山號「靈龜山」（れいぎざん）。

本尊釋迦如來、開基（創立者）為足利尊氏、開山（初代住持）為夢窗疎石，當初是足利尊氏為了撫慰後醍醐天皇的亡靈而設。該寺規模十分宏大，

在京都五山中位居第一位，除了被日本列為特別名勝古蹟外，也在1994年12月時以「古都京都的文化財」的一部份而被聯合國教科文組織列入世界遺産名單之中

 

 

 

14:00 睇完天龍寺！

 

14:07 跟著行去竹林

14:12 竹林入口，開始見到好多人，想影到冇人嘅竹林，機會好眇小

 

 

14:29 呢度太黑人又多，好難影

 

14:40 跟著行左去個神社

 

呢度有張保津川遊船poster

 

14:49 呢間三忠好出名，有豆腐料理和麵食，不過太飽冇食

 

14:50 接著就係要黎呢間「老松」食夏柑糖

 

14:54 夏柑糖其實係用左柑橘皮釀入柑汁寒天雪凍，不過我覺得唔夠凍，只有夏天才能食到的夏日限定！

 

味道還ok, 不過唔夠凍，堂食會貴d，外賣就會平d啦

 

15:03 堂食夏柑糖平個756yen, 外賣一個1296yen, 即平個648yen, 比堂食平100yen每半個

另一間 嵯峨とうふ　稲 豆腐料理分店

15:05 係呢間稻買抹茶軟雪糕食，不過味道冇咩突出

15:13 嵐山駅入面有啤酒節

15:13 有限定版啤酒

有特別味啤酒，例如蕃茄、橙、芒果、荔枝、薑，真係想試下，不過好似太早飲啦！

我唔係要搭呢架車，只係影下相

 

呢個嵐山車駅有足湯，不過要收費

有料，需要收費

睇完嵐山駅啦

 

放筷子的，造型可愛

 

15:29

15:31 時間差唔多，要行去坐觀光小火車返亀岡

15:40 途經郵局，想買新出的mario郵票，可惜郵局冇開

 

15:44 行到JR嵐山駅啦！不過我地係坐隔離嵐山嵯峨駅嘅小火車

15:45 觀光小火車一年四季都有不同靚景

 

係火車上職員會幫你影相，然後你可以選擇購買，一張1100yen

 

16:01指定席冇曬！剩返企位

 

早d入去月台等影小火車埋站

 

因為之前一落機就係機場買觀光小火車車票，所以宜家唔使怕買唔到車票啦！

有紀念品賣，好快咁睇下就去排隊

15:54 嵐山觀光小火車黎啦！舊年9月黎大阪，一早買左火車票，但因為落雨，臨時決定取消唔去，今次終於坐到啦！

 

第五卡係特別車卡，冇窗

 

我地坐第二卡一個行！

 

16:12 職員會幫逐個單位影相，之後可以買相1100yen, 你亦可以俾相機叫佢幫你影相

 

呢條就係保津川遊船條河

 

呢個駅突然有個鬼怪上車

 

16:22 佢會同乘客玩自拍

 

到達亀岡駅啦

 

16:27 宜家有時間當然同小火車影返夠本

 

 

X

跟著行去JR亀岡駅，開始有毛毛雨啦

 

 

17:11 一轉眼我地就黎到二条城駅，因為要黎食「噴火拉麵」順便睇下二条城

 

17:24 到二条城啦！不過已關門，所以就咁影下外圍就當KO, haha

 

17:37 有中文menu, 真好！因為都唔係太肚餓，所以叫一碗拉麵就算，職員會先收左你部手機，會卦係你前面個架幫你拍影片，另外會有圍巾俾你

 

17:39 亦會叫你睇淸楚規舉，例如不可逃跑、不可碰碗等....

 

17:45 準備淋油啦，手要放後面，身要向後，因為唔俾影相，所以之後影人地！

 

仲會叫食客影張咁嘅相，眼要向上，囗要打開！😱

 

17:46 初初覺得呢d嘩眾取寵嘅嘢，味道一定麻麻，所以冇抱太大期望，點知竟然好味喎！d蔥有燒過既香味，

個湯底好飲，麵好食，落左油竟然唔太油，我估落左油卦，唔係點噴火！

可以進入我三甲之內，如果要我排名，因為佢仲識噴火又玩野，所以次序係噴火拉麵、一蘭、四天王！

 

17:57 食曬！連湯都想飲曬佢，不過太飽！

 

 

18:00 呢個影人地嘅，d火真係好高同好熱，都有小小驚！

 

18:05 馬鹿一代噴火拉麵！正👍🏼！值得推介！

 

18:11 跟著行去搭巴士，相信呢條應該係最短嘅紅綠燈！

 

18:12 拉麵店職員好好人，教我地點行去搭巴士

仲敎我地搭幾號巴士，真好人！

 

18:10 去巴士站途中見到有超市，入去行下

 

18:13 巨峰唔貴呀

水蜜桃都好抵食

 

呢個蕃茄好大好奇怪呀^^

 

18:26 呢罐suntory出嘅限定菠蘿啤酒好飲呀！
隔離個桃就麻麻地！

 

18:35 黎到巴士站啦

 

1900 雖然坐巴士時間耐左小小，不過當休息啦！黎到京都駅已經天黑，京都塔後面呢間Yodobashi集百貨和超市，今晚夜小小黎

 

19:52 行下伊勢丹，買左件白底黑字寫左KYOTO CITY既Tee

 

因為琴晚係伊勢丹超市買嘅特價雜綿魚生太好味啦！所以今晚再去encore, 好彩手快有手慢無，時間度得啱啱好！好快俾人掃曬！

19:55 本來以為中村藤吉係伊勢丹入面，原來要去別館SUVACO裡面

 

19:57

19:58 就係黎想買呢盒抹茶朱古力

 

和呢杯野，有丸子、栗子、啫喱，今晚返酒店食

 

20:05 又買左杯軟雪糕吃！好味！

 

20:20 京都塔夜景

 

今年咁啱係京都駅20週年

 

20:42 係酒店聽到有一家人去超市，咁夜仲有超市？
所以跟著佢地黎到Yodobashi

20:44 之前買左生果，所以宜家唔買啦！

蜜瓜都抵食，不過冇買，留返去富良野先買，因為之前已經係另一間超市買左生果，所以冇係呢度買啦！

營業時間0930-2200
都算關得晏，仲有超市可以買水果，
呢度除左超市仲有百貨，揸緊時間行曬佢先！

21:19 又有玩具睇

 

21:41 又有電器浴室用品

 

本來想買呢個旅行手提電水壺，見價錢都幾平，點知過機話唔係呢個價，要貴d, 咁都有！緊係唔買啦！

21:57 之後我又去左京都駅後面嘅驚安之殿堂行下

ibis hotel係呢邊

22:00 到左驚安之殿堂啦！大部分24小時營業，乜都有得賣，所以最好係夜晚冇地方去黎或者早機到店舖又未開黎行最好！

22:08 見到呢樽CK one SUMMER 都幾抵想買啦！點知排隊俾錢超長龍，所以放棄購買，諗住回香港前在機場免稅店買啦！

之後先發覺，其實宜家機場嘅免稅店香水都唔係好抵，驚安之殿堂甚至香港莎莎平好多！

結果呢支香水，我係卓悅其中一間分店買，因為做搬遷特價，hk$198一支，抵到爛！

22:21 返到dormy inn，酒店有免費宵夜拉麵食，吃唔落但睇下有好多人吃架！

之前係東京上野dormy inn吃過，味道都唔差嘅！好窩心的酒店！👍🏼

 

23:12 唔吃拉麵嘅原因，係因為今晚又係伊勢丹超市買左特價雜綿魚生返酒店吃啦！頭先去左酒店免費泡湯，冲下涼、浸下腳，舒舒服服食嘢啦！

22:17 另外買左兩支野飲，左邊嘅紅石榴汽水好似藥水味，唔好飲，

右邊嘅suntory 夏日限定菠蘿啤酒就好好飲，菠蘿味好鮮，又有小小酒味，易入口，味道好好！推！

之後返到香港，竟然係OK便利店都有得賣，$12.9一罐

23:17 特價雜綿魚生！真係好正！好味！👍🏼

23:45 甘熟係12度甜，係真係幾甜，不過對我黎講，我諗14度會仲好d，12度唔算好甜！

巨峰味道係ok嘅，不過d皮就厚d，究竟邊隻巨峰皮薄d呢，提子仲有寫明生產者嘅名字，好多名字，都唔知應該揀邊個！

之前試過石川縣嘅連皮都食得，不過之後就好少見！

00:37 中村藤吉嘅抹茶朱古力，我就覺得一般啦！royce嘅抹茶好味d！

00:40 中村藤吉嘅抹茶朱古力，我就覺得一般啦！royce嘅抹茶好味d！

00:41 而呢個，真係好飽嘅情況下我一個人吃，味道一般啦！又冇乜驚喜！

 

本家第一旭 拉麵 (3.61) 0500-0200

+81-75-351-6321

京都府京都市下京區東鹽小路嚮畑町 845

JR京都駅、徒歩約５分

http://www.honke-daiichiasahi.com/