醜小鴨愛自遊

(Day 6-由布院、湯布院、仙壽溫泉旅館、Yufuin Floral Village、金鱗湖、由布院之森、博多駅、華味鳥、博多酒店、the b hakata)

 

7:13
Day 6

露天風呂有一隻未見過嘅昆蟲

食完早餐返黎再浸最後一次

仙壽温泉旅館走廊

我住滿月房

呢度入去食早餐

8:27
早餐好精緻！好味！

呢d襪好搞笑！第一次著！

識唔識讀呢？

浸埋最後一次就要check out 啦！

見唔到山頂嘅由布岳

Check out 左，旅館專車送我地返由布院駅，駅前可以坐馬車，要收費！

前面呢座就係由布岳，琴日落左成日雨，冇乜點認真行街，今日可以正式行下由布院啦！

由布院駅

午餐陣間返黎呢間食豐後牛和地雞！

琴日落雨咁凍冇食，今日可以食啦！

好大喔！當然是假的！

呢間d牛奶軟雪糕本身就好濃味好好味，不過綠茶只係加d綠茶粉上去味道就冇咩特別！食原味已經好ok!

呢隻搽濕診非常好效，仲有份小童、學童和成人！

薰衣草？！

B-speak今日都唔係好多人排隊

今日再行去睇好天氣嘅金麟湖係點嘅！

琴日落雨好凍，所以食左熱嘅芝士布甸，
今日天氣好，好熱，所以食凍布甸^^

由布院呢度都有3D奇幻照相館

其實係筷子托

我就係想找尋呢度油菜花＋櫻花嘅靚景，我知雖然未到櫻花滿開日，但都想睇下一大片油菜花襯托由布岳

商店街隨處都見有油菜花盛花，雖然唔係一大片，但係都可以用角度搭夠

成間都係賣kumamon紀念品

呢間係snpooy茶屋，琴日落大雨，黎左呢度食lunch和避雨

今日可以同snoopy合照啦！

呢支野好飲，應該係大分縣檸檬水卦，味道特別，可以叫佢攞支凍嘅俾你

買左一支黎食，味道一般

又黎返呢個YuFuin Floral Village, 琴日落大雨，冇乜點行

呢間係琴日落大雨時黎Hea嘅貓cafe, 有豹貓架，好好hea, 幾佰yen就可以任坐，包一杯飲品，冇時限

咬我呀！！！

去左間有古怪味軟雪糕嘅店

買左支wasabii軟雪糕，麻麻地好味

去左間有古怪味軟雪糕嘅店

你第一眼睇邊度？

咩汽車博物館，要入場費，感覺好伏，所以出面睇下算啦！

繼續向金麟湖出發

12:53
黎到金麟湖，因為中午天氣好熱，所以湖面冇煙，結果金麟湖感覺只係一個好普通嘅湖！可能有紅葉襯托下會靚好多！

呢張就影得幾靚啦！

點解要我R頭，原來要我扮馬騮，我真係唔知R頭就可以扮馬騮，另外....隔離個位係河童唔係馬騮！

近金麟湖附近有另一間貓cafe

繼續尋找油菜花之路

14:03
行左好耐都未搵到油菜花之路

呢條似啦！但係冇油菜花嘅！

油菜花之河應該係呢度，近由布院駅個邊，不過油菜花開得未夠多！

兩邊櫻花樹都未開花

14:33
跟著去食午餐，呢間係食豐後牛和地雞，好彩唔算非常多人排隊，門口呢話係用豆腐做！

我宜家係等緊位架！

14:45
有位啦！快d睇menu, 快d叫野食！

呢度話有4種食法，和名古屋鳗魚三吃大同小異，即係你鍾意點吃咪點吃囉！

我地一個叫豐後牛，一個叫地雞
 

地雞好食，我後悔叫左豐後牛

豐後牛飯係薄切，如果唔一上枱就攞起身，仲掛住影相，牛肉好快就熟晒，味道唔夠地雞好味！

其實由布院都有好多餐廳可以食到豐後牛，例如牛扒！

15:19
再見啦由布岳，就夠鐘坐車離開由布院

萬眾期待，由布院之森到啦！之前一到博多駅就預約左先，去程約唔到，好彩回程都有！

好多乘客爭相影相

要快點影啦！趕乘客上車了！

車上有好多紀念品賣

亦有小吃賣，最重要係有好出名既B-Speak捲蛋糕賣，尤其細size, 專門店成日一早就賣曬細size, 所以一買就要買一大條。

好多人話上車第一件事先去買蛋糕，不過我覺得情況還好，坐低搞完一大輪去都仲有得買，不過只賣原味冇朱古力！如果我早知，就會先係由布院買朱古力蛋糕食，之後先係由布院之森買原味！

不過可能因為我本身對呢d瑞士卷興趣不大，雖然係鬆軟，係有蛋味，始終都只係瑞士卷，對我唔係非常吸引，叫做黎到都要試下啦！

今日係4月1日
係愚人節
係張國榮死忌
亦係我第一次坐由布院之森的日子^^

有啤酒、梅酒、果汁等飲品發售

有由布院之森post card攞，仲可以係背面蓋印章！

原來由布院之森有兩個車頭款

有一車廂係觀景休息區

工作人員會出黎介紹和講介

買左支梅酒，但麻麻地好飲

再去買支果汁飲，有溫州柑和大分青檸，我揀左大分青檸，都幾貴，一支要720yen, 即HK$49, 所以我買一杯試下算啦

大分青檸，味道都係一般啦！
 

到達福岡博多駅啦！

18:28
返酒店放低行李再出去行街

博多駅商場天台

博多駅商場天台，呢度有一個神社

日本學生妹？正呀！😍

其實係兩個男仔扮😱

商場天台有一個鐵道神社

商場內有菅乃屋(馬肉剌身)分店

有sport lab, 好多潮鞋在此尋，好過ABC-mart 好多！

可惜得女裝和童裝><

想配呢副眼鏡！

呢個三眼仔眼鏡托好得意又靚！
好似3000-3500yen

係tokyu hands 明明第一個sales話銀聯額外有5%off, 點知俾錢個陣嗰個又話冇，咁算啦！

點知走嗰陣就見到呢張poster><

去1番街行下，有好多食店，有間開好早可以當早餐嘅牛舌飯店都係度

跟著週圍搵呢間超市，想買d生果返酒店食，不過好狼狽，因為初初又搵唔到，超市又就關門，好緊張，好彩都趕到，買左個蜜瓜和一盒士多啤梨

跟著行去食華味鳥，我車駅附近有間近d嘅分店，但我選擇左間遠小小嘅，因為個度裝修好似靚d，不過宜家開始落雨

博多駅前有酒嘅活動

日本警車

21:20
到華味鳥啦

去到服務員話冇位><

我問佢邊間分店會有位，佢竟然話係最近博多駅個間$&@#%*#

正當我地好無耐咁準備步出門囗，服務員叫停我地，話如果我地肯等一陣，有個spare位可以俾我地！咁緊係等啦！^^

柚子胡椒係九州有名嘅調味料，華味鳥出售嘅呢隻都幾好味，不過落小小好啦！都幾辣架！

有位啦！係4人位，坐得好舒服，仲有中文menu

可以另外再單點配料

我地叫左個4350yen嘅set再加小小野share食

個set本身有小小雞刺身，如果鍾意可以另外再叫一盤雞刺身1350yen

有位啦！係4人位，坐得好舒服！

呢個就係雞刺身，呢世人第一次食雞刺身，好緊張，諗住唔好味就放落湯滾熟佢！

結果竟然幾好味，有d似煙三文魚嘅味道，但如果加左柚子胡椒就會被佢搶左味道！

呢度嘅明太子竟然唔夠吉野家既好吃

呢盤小吃一般啦

呢盤炒雞柳都幾好味！

服務員先整一杯湯+蔥俾我地飲，好飲！

然後煮雞，大約4-5件

雞好嫩，好食，可惜太少，下次再吃要加雞！

最後加菜

仲有雞肉丸

其實兩個人叫一個鍋再加d野都好夠食了

鍋入面仲有雞珍、而雞肉丸都幾好吃

最後服務生會加d飯加粒蛋整成湯飯，好吃

22:42
結束第一次吃雞刺身嘅晚餐，最後吃埋呢個咁好味嘅湯飯都幾完美！

返到酒店，繼續又吃飯後果^^

我問酒店，竟然話冇刀，唔通驚我自殺！
我唯有問佢借𡙡！
咁都被我開到！
都幾好味！