醜小鴨愛自遊

(Day 5-熊本、由布院、湯布院、SNOOPY茶屋、Yufuin Floral Village、猫Cafe、豹猫、猫頭鷹、金鱗湖、仙壽溫泉旅館、豊後牛)

 

早晨-Day 5
今日晨咁早就要去由布院，因為去程由布院之森指定席冇位，唯有坐兩程新幹線去，早d去早d KO 由布院商店街，咁聽日就可以早d走返福岡

由熊本酒店望出窗外嘅景，今日落雨呀><

今朝咁早車，緊係冇食早餐，諗住去手信街買個kumamon便當上車食，點知手信街未有咁早開，有d失望！

入閘之後竟然係便利店見到有得賣！真開心！
不過冇得翻熱，凍冰冰，而且要成1200yen, 好貴下！可能當中一部份會成為重建熊本嘅資金！如果係咁都OK!

便利店仲有kumamon公仔賣，呢隻好肥好偏呀^^

日間係度影靚過夜間喎！至少面色冇咁黑

我要坐7:34am車，去到久留米再轉車

估唔到又可以坐多次800系列新幹線

開飯啦！食早餐！

就係貪個便當盒好靚

提下後面個支晚白柚子水都幾好飲

不過凍冰冰真係麻麻地好食！

去到久留米，宜家要轉車

1號月台由布院方向

列車到站！

車到啦！

到左由布院，先去觀光案內所查詢下！

今日一路落雨，好冇癮，而且氣溫得3度，好凍

今晚會入住由布院仙壽溫泉旅館一泊兩食，佢4pm先可以派人黎車駅接我地，所以先揾個locker放低行李先慢慢行街，我真係唔會好似d自由行咁拖住個喼行街買野！好彩仲有一個locker^^

呢個係其中一個感謝狀，日本人好nice, 不過如果要多謝香港人，希望可以將最後個段小量既簡體改返成繁體，咁我地會更加高興！

呢個芥末脆脆野有得試吃，一吃又幾好食喎！卒之買左一包！好味！

跟著冒著大雨又凍一路行去B-speak 買瑞士卷，途中好多店都唔行啦！聽日先行啦！
不過細size賣曬！結果買左條大size今晚食！
細size貨量應該少到阿媽都唔認得！

B-speak入面呢個朱古力好出名，竟然睇漏眼冇買一支黎試下！

唔算多人排隊！

係呀！因為落雨，所以將背囊掛前面，唔會淋濕曬！

叫你係店度食，唔好邊行邊食！呢個係日本人文化，保持環境清潔

好凍，大娒指掂住遮幹好似掂住冰柱咁！攞命！

不如食返小小熱野，呢個又係出名嘅流心芝士cake

其實好細個，但咁凍天時，食返d熱野落肚，而且120yen一個，唔貴啦！

都算幾好味！真係有救星feel, 實在太凍，食d熱野真好！

對面有拉麵食

咁凍嘅天氣，微暖嘅手湯起唔到咩作用，掂完水仲凍><

明知今日會落雨，所以安排左4pm就返溫泉旅館玩！之前就盡量行下街去埋金麟湖

買左呢個環保袋

因為未食午餐，所以就選擇黎snoopy cafe食lunch亦可以避下雨

都full左，要等位，不過唔係好多人等，好快就有位入得

味道算唔錯^^

呢杯係要黎呃like嘅！原來snoopy唔係拉花，只不過係一個棉花糖!

我地影相玩左好耐！snoopy開始沉落去

廁所嘅落地玻璃都可能見到snoopy蹤影

落雨最好去貓貓cafe玩下喵避下雨

13:·12
呢間cafe分別有貓cafe和貓頭鷹，但貓頭鷹喺戶外，而貓cafe有豹貓兼室內，兩邊要分開購票，但一齊買就會平d，所以我地一齊買！

呢間最正係貓cafe冇限時間，鍾意玩幾耐都得，包一杯飲品！

後來發覺貓頭鷹有d伏，唔係咁多又係戶外，落雨好煩，早知去貓cafe已足夠！

不過呢間d貓好鍾意訓覺^^

自己㩒飲品一杯

呢隻貓永遠企係呢個位置，好似痴住咁！

要自拍佢先肯望鏡頭！

箭豬？！

呢隻係貓cafe入面唯一一隻白貓

奶緊人地個隻就係豹貓

Hehe 好得意！

每隻貓都有名架！

當時唔算多人，正！

如果宜家俾我揀，我剩係去貓cafe已足夠！

你仲痴住係度呀？驚其他貓搶左你個位咩？

好多貓都訓曬覺^^

我：喵喵我地自拍一張啦！
喵：好呀！

仲要另一部飲品機，一共有兩部

好靚嘅豹貓

豹貓你眼神做乜咁憂鬱？

喵生！你仲係度呀！

呢隻豹貓擁有梁朝偉般的眼神

係喵cafe真係玩左好耐！避雨勝地，好開心決定黎呢度避雨

呢隻好瘦，叫你拜仁啦！

14:04
跟著覺得都係貓cafe hea左好耐，所以決定離開，去睇埋貓頭鷹就走

跟著繼續行去金麟湖

14:27
黎到金麟湖啦！
其實我覺得呢個湖都幾普通，最大特色可能係因為佢係溫泉水，如果天氣冷溫差大，湖面就面有煙，就好似仙境咁，如果唔係只係普通一個湖，不過因為落雨，所以煙唔算好多，聽日就可以睇下冇煙嘅湖係點架啦！

冒雨都要影返幾張相啦！揸住遮太樣衰唔靚！

跟著行返去車駅途中會經過一間幾大間嘅超市，入去買d野今晚食先！

買一個蜜瓜啦！平平地買個千零yen嘅好啦！

呢支咁大支只需要158yen, 呢支小岩井提子汁好飲呀！

而呢支細支嘅都要94yen, 多3倍都係158yen超抵，但我地決定買水和牛奶，我地第二日再返黎睇下，大支已經被人買曬！

呢個一番搾限定版，係好多地方工場釀造限定！

呢個好食，不過今日咁凍，聽日暖d先食啦！

由布院出名豐後牛，雖然今晚都有得食，不過聽日中午都黎呢間試下先！

返黎由布院駅等仙壽旅館4pm派人黎接我地，又見到之前係長崎稻佐山遇到嘅幾位台灣旅客，其實頭先已經係某間店舖遇見，估唔到咁有緣份，隔左幾日都可以再撞見返! 不過佢地琴日黎今日早啦！

15:39

旅館派人黎車駅接我地啦！我見佢個list好似要接2對人，不過可以先送我地返旅館再返黎接佢地，旅館離車駅唔係好遠，幾分鐘車程就到

呢度係房嘅玄關

左邊係廁所，右邊係房，直去有洗手盤、跟著淋浴間，最後係露天風呂

幾好呀^^感覺舒服

但要客人自己舖床被，呢度有d扣分，不過可能佢地唔想打擾客人，因為我地晚餐係房間食，所以可能一直都會係房，唔會好似其他旅館出去食晚飯個陣，佢就入房幫你舖床被

但冇咩景色可言

女服務員同我地交待需知！旅館職員d英文都唔錯！溝通到！

房間另一邊有個休息區，不過冇乜機會坐係度，所以要黎放衫褲，而左邊有一個小雪櫃！

出面就係私人風呂！鍾意幾時浸又得，鍾意點影相都得！
 

炭！炭！炭！= 嘆！嘆！嘆！
 

呢個改建過，之前有d石頭比較有feel d, 而家改成新式d，不過我都係比較鍾意以前舊嘅影相有feel d靚d！

出面仲落緊小雨

最大尺度，不過冇咩野睇啦！

一個字！瘦到死！

望到由布岳

入面個支燈壊左><

件和服好大件！當然另一方面係因為我瘦啦！所以著得唔好睇！

到晚餐時間啦！
我第一次係房間入面食！
好興奮！見佢逐樣攞入黎，食物擺得好靚！
先黎前菜

豆腐質感好特別，好味

都係好味

好似春卷嘅野！好味

可愛

送一杯野飲，我揀左生啤^^

有一杯唔知咩酒

呢個應該係山藥

好野！飲杯！

刺身好新鮮

第二輪上菜啦！呢個有d似糯米雞

第二輪上菜啦！呢個有d似糯米雞

白飯魚清湯

擺得好靚！最左邊嗰個係唔食得嘅！試過！

由布院（湯布院）出名豐後牛，黎到緊係要試下！

今晚重點黎啦！原本呢間房一泊兩食包露天溫泉大約2千1、2左右，但冇豐後牛，如加豐後牛就加HK$500/2人，咁我就加左！

上網睇人地d post以為豐後牛得3片左右，點知原來都有好多片，圖中係一人份量

估唔到係邊個？^^

自己燒

我發覺其實我唔太喜歡雪花和牛，太多脂肪，所謂入口即溶，即係食一口脂肪，反而瘦小小A4嗰d啱我d^^

又有湯

甜品就好普通！冇咩特別！最特別應該係隻碟

食飽飽！好愉快滿足既晚餐，休息一陣就要自己舖床被

臨訓前再浸一次！

入住溫泉旅館通常都會浸3次，晚飯前一次，晚飯後一次，吃完早餐再浸一次先check out！^^

入面個支燈入住時已經壞左，員工換左燈膽，氣氛即時返翻黎！

 

宵夜！
雖然晚餐吃到好飽，不過都要食左個B-Speak蛋糕架！阿蘇牛奶都係麻麻地好味！
CHOYA梅酒好飲，唔使溝水夠味

 

熊本蜜瓜

Ok la, 都好味既

 

23:09

今晚食完仲有一半明天走之前要食埋佢，一般我訓舊式溫泉旅館都會訓得唔係幾好！因為熄左燈之後氣氛𧦠異！><