醜小鴨愛自遊

(Day 4-熊本、Mos Buger、水前寺、鶴屋、Kumamon Square、菅乃屋馬肉、熊本市役所、熊本城、櫻之小路、天外天拉麵、Hotel New Otani Kumamoto)

 

Day 4 - 熊本早晨

8:02
出發去食早餐，雖然附近有吉野家，但琴日先食完，今日睇下有冇其他野食

呢間酒店有熊本主題房，當然價格會貴d，差不多貴一倍有多！

琴晚太夜返，趕住check in 冇機會同佢影相，今日影返

洒店附近唔係好熱鬧，其實熊本駅附近都冇咩野，除非係我唔識行未發掘到！

！

我住嘅熊本酒店

熊本駅有間小藥妝店

8:24
早餐都係決定食Mos burger

不過呢個早餐包冇乜特別，麻麻地好食！

再返去買支熊本梅酒今晚飲，結果因為晚晚都有其他野飲，所以梅酒攞返香港先飲

上熊本駅二樓行下

其實宜家太早，好多店舖都仲未開門營業

又落返一樓熊本銘品藏名物店

買左呢件tee

最後都冇買熊本名物蓮根

經長崎教訓，為免有可能再次搭錯車，都係買張市電一日票

市電一日卷可去熊本觀光案內所購買

要自己刮去當日使用日子，每次刮呢d都好驚自己會刮錯><

其實係呢間熊本駅入面既熊本銘品藏都逗留左好耐，來回黎左好多次！買完嘅嘢先攞返酒店放低再出發，呢樣係住得近車站嘅其中一樣好處^^

去熊本駅前坐路面電車去水前寺啦！

9:36
坐市電去水前寺，要係11am前完成離開，因為要去睇Kumamon (熊本熊)返工

去水前寺會經過上下通町，今晚再黎行

熊本市電唔理遠近，一律170yen, 所以買500yen pass, 只要坐3次, 已經抵！

到達水前寺駅啦

晚白柚係熊本名物，不過咁大粒冇諗住買黎食！

10:02
Kumamon真係好得意！設計得好成功！

先入去KO左水前寺先，有時間再入去睇

原來橋嘅另一邊有間神社，不過當時唔知又趕時間，所以冇去

Yeah! 黎到水前寺，不過天氣一般，而且影相技術唔好！所以冇人地影出黎咁靚

櫻花又未聞，如果唔係應該會好靚

有埋藍天白雲就更好啦！

10:17
再見啦水前寺成趣園

離開水前寺，順道入去Laox睇下，不過要快睇，時間比較趕，11:30am前要到鶴屋嘅Kumamon Square睇Kumamon返工！

呢個係保溫瓶

Kumamon X Hello Kitty, 好似係識跟你講野

呢條水前寺嘅商店街都冇咩時間行啦！

市電-水前寺公園駅

去到鶴屋唔知點行去Kumamon Square，最好就係問reception, 佢即刻攞張圖話俾我聽原來係另一邊嘅地下！明白曬！即去！

10:43
黎到Kumamon Square啦！好多小朋友已經好乖咁坐係地下，因為仲有d時間，我地係咁易周圍睇下，就搵定後排中間靚位企定定等Kumamon黎同大家見面！

Kumamon唔係日日都返工㗎！要上官網睇下佢邊日邊段時間有返工呀！^^

因為仲有d時間，係咁易周圍睇下

Kumamon嘅辦工室

萬眾期待！熊本紅人Kumamon黎啦！

大家好！我係Kumamon 熊本熊

Kumamon偷笑個樣好可愛^^

女主持畫緊kumamon個樣

Kumamon自己畫返自己個樣

Kumamon問小女孩佢畫成點，小女孩俾左100分kumamon, Kumamon好開心！

Kumamon跳舞

跳到好攰！

再跳舞！將氣氛推到最高！

因為時間關係，你可以影Kumamon, 但係冇合照環節

小朋友都走去攬Kumamon

小朋友攬緊Kumamon個陣，我地都唔夠醒，仲走左去kumamon辨工室影相

出返黎見到d大人走去攬kumamon, 然後偷影，先知原來可以咁！我又唔夠快唔夠厚面，結果張相影成咁！因為kumamon要走了><

睇完kumamon個show, 好多家長小朋友都走曬，宜家唔趕時間，可以慢慢睇kumamon紀念品

好可愛！真想買

用阿蘇火山灰整嘅Kumamon公仔，買大定買細爭扎左好耐，又冇咩地方放，結果都係決定買細

呢度仲有野食

有Kumamon紀念蓋章

最後竟然發現有晚白柚嘅軟雪糕，呢個好好食，而且原來個杯係送埋俾你，有4隻色可以揀, 有藍、綠、紅、橙黃，先500yen咋！好抵食！

食完我問佢個杯我係唔係可攞走，佢話可以，仲幫我洗埋個杯，抹乾，仲俾個膠袋我攞走！細心服務一流！

跟著落去超市行下，有好多士多啤梨，淡雪白士多啤梨都平過香港好多，所以買左一盒淡雪一盒，一盒普通士多啤梨。

淡雪食過幾次，其實都唔係話好甜，唔知係我唔識買，定係佢本身都唔係咁甜呢！

嘩！日本芒果一粒要6千幾yen, 咪要HK$420?! 點食呀呎d生果！太高貴啦！

跟著上6F有Kumamon shop

買左post card和小小野

原本想午餐想食菅乃屋馬肉料理，但訂唔到位，咁諗住轉食天外天拉麵啦！點知又記錯，原來佢開1800-0200，冇得食！

諗諗下，不如直剷上去菅乃屋walk in踫踫運氣，可能會有位！

12:59
結果菅乃屋真係有位，可能預俾訂位嘅好少位，但walk in可能就會有位，我見其實都唔係好Full咋！

我地叫左一個石燒，一個大地

都唔係好full, 好彩walk in 試下

沙律好食

沙律醬

反而菅乃屋嘅馬肉刺身我又覺得一般，因為馬肉本身就冇咩肉味，我覺得好靠個汁，之後係輕井澤outlet就食過一間好好味，呢度個汁得普通醬油，所以覺得麻麻，如果係咁，我寧願食和牛刺身！
不過一試亦無妨！

忌廉湯，一般啦

你睇都唔full, 但訂位就話full曬！><

熟嘅馬肉亦都冇咩肉味，同牛肉比較實在差太遠！

當然燒馬肉亦唔夠燒牛肉好味！

甜品得意但唔算好出色！

14:03
至少黎到熊本都黎試過呢間出名嘅菅乃屋！好彩午餐黎食^^，當然口味呢家野人人唔同啦！我就唔識欣賞，正如我亦唔識欣賞河豚刺身，一樣冇咩味!

食完馬肉，行去附近嘅xxxxxxx, 佢有個觀景層可以睇到熊本城，途中會見到呢個大型Kumamon

Keroro軍曹，我好鍾意睇呢套動畫

因為之前熊本地震，熊本城進行維修，所以暫時唔開放俾遊客參觀！所以黎呢度睇最好！

維修工程進行中

如果遲多一星期至10日下面櫻花開曬仲靚！可惜天氣不似預期！

好清楚睇到屋頂瓦片脫落曬！

熊本加油！

去熊本城櫻之小路，途經城見櫓，係另一間出名的馬肉料理餐廳，相對菅乃屋會貴小小，但會唔會更啱我口味呢！下次再有機會就試下呢間

呢個位都會長櫻花？！

好明顯後面都未開花

熊本城旁嘅河邊有一排小食店

有隻白鴿，係唔係好有意境呢！

如果d櫻花開曬！呢個位會好靚！

15:07
到櫻之小路啦！

豆腐雪糕，不過冇食

呢間係有炸海膽球

有普通和3倍海膽揀，行一個圈再決定食乜

見到呢個呃like指數超高嘅草莓軟雪糕，忍唔住啦！

要排隊，排左一陣竟然有人黎採訪，我入左鏡^^

到我啦！原來諗住買一個，不過排得咁辛苦，最後決定買2個

好鍾意呢張圖

買到啦！

草莓軟雪糕好味，不過新鮮士多啤梨就唔係好甜，可能過左當造，可以呢批唔甜，亦可能因為咁平點會俾好靚嘅你，將貨就價，不過齋食軟雪糕和呃like都抵啦！尤其宜家咁鬼熱！坐低食軟雪糕！正！

其實呢一支水算係幾貴！我仲儍左買左黑白各一支！

返黎食炸海膽肉餅，要3倍海膽既！

海膽有d腥味，好似唔係咁新鮮，又唔夠香！有d失望！

差唔多要HK$28既一支水

櫻之小路都有菅乃屋，不過冇堂食，買鮮馬肉

跟著行上去熊本城城腳睇下

呢度又係獨欠櫻花！今次真係冇運，原本應該預計可以睇到d櫻花，結果黎到又要遲至少1星期！

呢幾年暫時都唔會開放熊本城

行完櫻之小路啦！

跟著行去附近有間熊本縣物產館

馬肉刺身煎餅！

其實都冇咩睇亦冇買到d咩！

跟著由銀座通行過去上下通町

其實都冇咩野行

我好想知道呢個係雪糕？真係可以整到咁？

呢間嘅燒雞翼好食，有好多分店！

週圍都見到Kumamon

其實都有d想黎呢間Kumamon Bar不過冇去

上下通町

再行返去食天外天拉麵經過天滿宮

鬧市中的神社-天滿宮

Kumamon Square @ 鶴屋

天外天1800開始營業啦！

味道ok啦！但唔係我至愛！

呢個時間人唔算多！

食完啦！

跟著去左tokyu hands行下，本身就諗住黎日本買呢隻花灑，好似可以將水變梘，對肌膚對頭髪都好好，係香港check左係4千幾yen, 但呢度5千幾yen, 唔通加左價貴左？！我當時太心急驚之後見唔到，所以買左！

結果之後係Bic Camera見到賣4千幾yen, 差成千幾yen, 激死！><

係tokyu hands 試左呢張3D按摩椅好正！係我試過最正嘅按摩椅背，可惜電壓唔同攞唔到返香港，香港個d 3D冇得比！

價錢其實同香港差唔多，不過人地舒服好多！

再係天神行下波鞋店，跟著就冇咩行程，熊本其實好似冇咩地方好去，都好嘅？早d返酒店休息啦！唔好晚晚都咁夜！

返酒店之前，係JR熊本駅行下，有條手信街

其實應該買呢個黎試下，不過因為今晚要食蜜柑啫哩，所以冇買呢個晚白柚啫哩！宜家有d後悔><

但我有買兩包呢個晚白柚糖作為手信，獨立包裝，味道清新都幾好味！

我就係買左呢隻蜜柑啫哩今晚食

呢隻牛乳講到好似好勁咁，點知又淡又冇奶味，明治牛乳都好飲好多過佢

今晚宵夜！
個卡樂B抹茶薯片好食呀！

呢個蜜柑啫哩就麻麻地

呢支梅酒當時冇飲，帶返香港先飲，味道一般，唔夠CHOYA好飲