醜小鴨愛自遊

(Day 2 - 台中、紅點文旅、龍騰斷橋、塔洛彎景觀餐廳、老英格蘭莊園、小瑞士花園、紙箱王清境店、屋馬燒肉、逢甲夜市、Hotel 7旅店)

 

Day 2 早晨
琴晚凌晨5pm因為急尿醒左，去完廁所就唔係好訓得返，因為房間燈光太暗，所以開咗廁所燈，但廁所門口對住床，所以就唔係好訓到，卒之訓得唔好><

但5:30am已經發覺有團友姐姐啱啱喺facebook讚好 ^^ 好早起身吓喎！

 

呢度係柳川水岸步道，有團友一早出街周圍行影嘅！我就冇咁早起身啦！

08:15 落酒店地庫餐廳吃早餐

 

我落到去酒店地庫餐廳，好多團友姐姐已經吃完早餐準備離開了

 

四揀一，網上看以前有半自助，不過而家可能取消左啦！

 

這是其他團友叫的

 

08:26 蛋餅比較好吃，因為係素，所以入面有好多蔬菜

 

08:27 薯餅好乾身，唔好吃，仲衰過麥當勞嘅薯餅，沙律好吃，嗰沙律汁好味，漢堡一般！

飲品可以揀豆漿之類，我揀左橙汁，原來之後可以再續一杯，可以揀其他飲品，唔使一樣。

 

09:03 在當時5月份還沒有全球爆發肺炎的時候，部分人已經習慣不舒服就戴口罩，這是好習慣！香港和台灣的確診率那麼低就是大家都戴口罩多洗手努力抗疫，其他國家説什麼沒有病為什麼要戴口罩，結果就很多人中招了！

截至2020年5月13日全球確診人數43X萬，死亡人數29萬多，這個病太利害了，害死很多人🥺

當時我拍這張相片也沒有想說這些，也沒有留意女生戴了口罩，過了一年才寫的旅程內容才有感而發！

 

09:04 約左所有團友9:15am酒店大堂集合

 

10:23 今日第一個景點係龍騰斷橋，不過今日又是雨天，好彩嘅係，呢個時間唔係好大雨！

 

10:32 唉！我想點？😓

 

10:56 本來有安排大家坐這舊山道自行車，不過太熱門，每天一開賣都秒殺，要買20張票真係好困難，我好懷疑有旅行社包左一點門票，所以門票剩好少網上售賣，我哋亦打消左呢個念頭

苖栗舊山道自行車(龍騰站)
http://www.oml-railbike.com/

 

 

12:31 在中途休息站的7-11便利店的這個温泉蛋真的很好吃呀！介紹咗俾團友之後，大家每見到7-11都入去搜尋在搶購

 

蛋白以至蛋黃都很入味，不要錯過

 

13:16

13:17 如果天氣好的話，真係會好靚！

 

13:26 鱘龍魚頭尾煮砂鍋湯，入面有支竹、牛丸、金菇、蛤蜊，個湯勁好飲，好鮮甜！

 

椒鹽碧湖水晶蝦，幾惹味，如果餸酒一流

 

13:29 原住民烤鹹豬肉，呢個麻麻地好吃

 

清境高麗菜，雖然係好普通炒菜，但團友們都好開心有菜吃

 

鹹蛋筊白筍

 

丁香山蘇，呢啲菜香港就少啲機會吃得到啦！台灣啲菜係唔係咁貴呢？都好細碟！

 

13:33 清蒸鱘龍魚，好細條，每人都吃唔到幾多，味道冇乜感覺，ok la! 可能我唔識吃，唔識分辨好唔好！

 

13:35 墨魚馬交香腸雙拼，墨魚腸好似吃緊多春魚咁，啵！啵！幾得意，幾好吃！

 

萵苣葉包碎肉

 

13:40 最後先黎嘅甕仔雞，成隻上，唔會幫我地切，要自己手撕，點搞呀！

 

13:42 好彩有團友扙義出手，幫手撕雞，初初只套膠手套，但雞好燙熱，原來有俾到勞工手套，我哋估應該先戴上勞工手套，再戴膠手套，咁就好好多，冇咁熱！

呢隻雞幾好食喎！唔洗點汁醬都好味，至少好吃過琴晚隻雞好多

 

鳳梨蝦仁

 

三杯鱘龍魚

 

14:09 天氣好左少少

 

鱘龍魚

14:14 吃飽就離開餐廳，又開始落雨

 

14:38 往清境方向，大雨天仲點去呀！><
初初仲以為呢個係老英格蘭莊園，猛影相！

 

14:41 落車行前少少先係參觀老英格蘭莊園，落勁大雨

 

14:42 午餐和下午茶都不貴喔！來吃的話就可以進入順便參觀一下

 

14:46 要用餐才可入內參觀，午餐都唔算貴喎！

 

14:48 頭先落好大雨呀！襯住而家雨細左少少快啲行返去旅遊巴啦！

 

14:59 本來想去清境農場，但原來很麻煩，包車司機哥哥說有兩個方案，第一個方案在入口放我們進去，然後走一個半小時到中間，自行坐公車到出口，包車在出口等我們；第二個方案從入口走到出口，大約要走3小時，那時候又下雨，團友年紀又不小，有些更不良於行，所以取消去清境農場的行程了！

唉！為什麼查資料編行程的時候都沒有看到有提到這些>< 而且今天下雨真係好冇癮！司機哥哥帶我地到小瑞士/紙箱王附近行下！

呢度好似市集咁！有餐廳有starbucks有賣麻糬有賣水果

 

15:04 小瑞士就冇入去啦！7-11就搶住入去睇下有冇温泉蛋

15:06 有溫泉蛋喔！都算仲有好多，通知想買嘅團友行上黎買！腳快有！腳慢冇！

 

抽左一次，最唔想抽到，就抽到嗰隻，全黑貓！><

15:16 冇客到就咁訓

15:43 因為指示唔清晰，我地行左馬路，又落雨又多貨車又危險，千辛萬苦嚟到紙箱王

紙箱王清境店
https://www.cartonking.com.tw/stores.php?func=sd_show&sd_id=8&sdc_id=2

15:50 有餐廳

其他分店我唔知，但呢間清境店其實冇乜嘢睇，要行咁遠咁辛苦咁危險好唔值得，但走嘅時候，先發覺原來有條路係唔使行馬路冇車嘅行人步道，咁就安全好多好好多，可惜黎嘅時候冇指示唔知可以行呢條路！><

 

16:16 團友買左鳳梨請所有團友吃

 

17:26 回台中的時候發覺紅點文旅嘅email通知，話有團友留低左對拖鞋喺酒店，咁我打去酒店問可唔可以安排速遞送今晚台中的seven酒店，酒店説沒有這服務，咁我問嗰個團友緊唔緊要，要攞返？佢話想攞返！

因為而家趕住返台中吃屋馬燒肉，對拖鞋明天早上先返去攞啦！

 

 

 

19:03 聽聞要個幾兩個月前訂位

 

原本想訂5張4人枱，因為我地有20人，咁4人一張枱用一個爐就坐得舒服啲吃得舒服啲，但訂位時，店員唔俾，只可以俾4張6人枱，但6個人用一個爐，嗰啲枱根本係4人枱坐6人好逼啫，咁2人咪又係坐呢種枱，我網上見過啦！咁要多一張枱啫！總之唔得！佢話到時睇情況先俾多張我地，最後當然係冇俾啦！

一路諗辦法，希望團友們吃得舒服啲，問店員有冇兩個爐嘅枱，原來有嘅，全場只有一張坐8人，仲有一個半開放包廂4人枱，但分開比較遠，咁我建議要一張8人枱，要呢個包廂4人枱，另外兩張4人枱盡量安排近啲啦！咁咪解決左囉！

但有一同策劃的團友唔同意，唔想大家分開咁遠，靠近一齊吃會開心啲，咁燒肉都係自己吃自己㗎啦！咁邊12個人逼埋坐嗰兩張6人枱用一個爐呀？

卒之最後眼見兩批6人要逼住坐一枱用一個爐真係過意唔去，希望佢哋吃得開心就好啦！

 

19:11 我哋呢枱叫咗全牛set和全豬set

 

全豬set

 

我就叫左呢個全牛set套餐，其實份量都幾多，所以我同團友講如果唔係好大吃，可以3人叫2人餐或4人叫3人餐，餐廳冇規定一定要一個人叫一個餐！

 

19:17 份量真係有好多，前菜和沙津已經有咁多！雞湯又可以係咁飮

 

19:19 牛肉幾好吃，服務都唔錯！

 

19:24 店員都會幫我地換鐵絲網

 

19:28 加錢加左個粥，網民話一定要加喎！都真係幾好吃，不過燒肉都係配白飯好啲！但粥都應該試吓！

 

19:32 加NT$20升級焗烤大草蝦，但麻麻地

 

19:52 我覺得牛肉比豬肉好吃，不過有啲牛肉就有啲筋！

 

但分唔到咩肉打咩肉

19:54 屋馬套餐嘅份量真係好多！名不虛傳！

 

20:26 帶子一般

 

真係吃得好飽呀！

 

20:48 一開頭啲食物黎得好快，但去到中間就停咗好耐，所以吃左好耐！

 

20:55 4個人吃咁多嘢，吃到頂曬肚都係4千幾蚊台幣，都算抵吃！

 

 

第二晚在台中住另一間酒店，台中 Hotel 7旅店，因為那麼晚過了包車可工作的時間，所以沒有旅遊巴士了，所以才選擇靠近逢甲夜市的酒店，等一下有興趣的團友可以走過去逛逛

 

21:30 酒店大堂

 

21:46 上層只有床，椅子，旁邊有一張小小桌子

 

因為沒有住過兩層樓的房間，兩張床的數量也不多，所以自己加點錢，才差幾十塊港幣，試住一下這種房型。

 

21:49 但廁所小了一點

 

 

21:59 想去逢甲夜市嘅團友就落嚟lobby集合啦，結果冇人黎，我地就自己出發啦！

 

在酒店攞左逢甲夜市嘅平面圖

 

22:04 原來seven酒店隔離就有糖村，想買的朋友好方便

 

22:09 行左冇幾耐，有兩個團友想join我，所以就係路邊等埋佢地

 

22:12 第一樣先黎呢間「超獨特果汁傳奇」，人氣有芋頭/木瓜牛奶

 

22:15 我叫左杯木瓜牛奶，NT$60，真係幾好飲，木瓜味好濃，另一位團友叫左芋頭牛奶，就話覺得甜左啲！

 

 

22:18

 

22:20 跟著就吃烤杏鮑菇，以為呢間就係網上介紹的店，但好似唔係！

 

但味道都比我想像中OK，以前我係唔會諗住吃嘅！但後來我見到咩雞汁燒嗰間燒得仲香仲吸引

 

22:25 燒烤杏鮑茹，叫左檸檬味，但應該叫孜然味之類會香啲！

 

 

 

22:28 跟著黎到好出名嘅紅茶臭豆腐

22:31 NT$60/盒，份量都幾多喎！另外附有兩種泡菜和汁，真係幾好吃！夾埋泡菜一齊吃更加好味！正！

其實都想吃烤大魷魚，不過點吃到咁多！

另外竟然撞到幾個團友，佢地自己黎左行下！

黃金左/右腿，逢甲好出名，不過要留肚啦！吃一隻落去唔使吃其他嘢！

22:38 黎阿月燒生蠔吃烤蛤蜊NT$200/份

22:49 ok好味！幾有燒烤味，又燒得嫩！唔會好老！不錯吃！

 

22:52 有團友排隊買逢甲夜市人氣官芝霖大腸包小腸

22:58 逢甲夜市當然就係近逢甲大學

23:05 真係仲有好多嘢吃！台灣才是美食天堂吧！

23:07 呢間就係我覺得會好吃啲嘅雞汁燒杏鮑菇

23:17 再飲埋北回木瓜牛奶比較下

 

23:28 叫左個芒果冰

刨冰ok好味，但芋圓唔夠Q，我就覺得麻麻，但團友就吃得好開心^^

 

23:44 吃飽飽就行返去酒店，發覺附近有啲店都營業到12點，我想買呢件tee，但冇我Size><

 

23:56 返到seven酒店啦！已提醒各團友，今晚要執定一袋嘢，聽晚要入住溫泉旅館啦！將喼放在旅遊巴上，只帶一個旅行袋方便啲！