醜小鴨愛自遊

(Day 9 - 札幌、旭川、冬祭日景、青葉拉麵、冰雕、美瑛、Winter Illumination Course、青池亮燈、成吉思汗、大黒屋、Y's Hotel)

早晨 Day 9
今日一早要離開札幌去旭川啦！先check下JR列車時間先！

之前網上報名，參加左今日美瑛半日遊去睇白鬚瀑布、青池點燈，交通就唔使咁煩！

日間就睇旭川冬祭雪雕日景，明晚先睇夜景和花火，難得一次黎北海道睇雪祭當然要睇多啲，日景和夜景都有唔同感覺

BIEI VIEW BUS -Winter Illumination Course-
四季情報館1650PM集合出發2500yen/人

予約網址：
https://jitabi.ne.jp/products/detail.php?product_id=1244

https://www.biei-hokkaido.jp/zh_TW/bus_ticket/

予約番號：xxxx
予約日期21-12-18

16:50　四季の情報館出発　　　 　
白ひげの滝(約15分見学)　　　　
白金青い池(約45分見学)　　　　
ビルケの森(お手洗い休憩)
19:05　四季の情報館到着

其實有好幾個唔同既local tour，有日間有夜間

札幌-8度，但旭川會再凍啲，尤其一早一晚，最低-17度😰

而家7am都-16度😓

我係唔係趕得切坐呢班車呢？

08:06 最後一餐喺札幌東橫Inn嘅早餐，去後由旭川空港走，唔行回頭路啦！

用5-10分鐘吃早餐，希望可以盡早去到旭川

08:22 原本其實我係計劃搭十點左右車，但計計下都係越早越好啦！所以推住喼走到我索曬氣！結果我地趕到搭8:30車

08:42 好多人去旭川，我哋坐自由席，但好彩都有位坐。但我哋有兩個大喼點算，好彩上面放得落一個28吋大喼，所以推佢上去，另一個30吋喼如果放係位又唔使坐，唯有放係路邊，真係唔好意思！

車長查票，話我哋係用suica入閘，但成個旭川係唔可以用呢啲IC card，呢啲suica，就要買票，咁唯有俾現金啦！佢話一人一張票4千幾yen, 咁貴？我明明睇左係2千幾yen, 連指定席先係4千幾yen㗎？！我哋又唔係坐指定席！

車長就話俾我地聽，因為呢架係特急，特急要加錢！明白了！日本交通好貴呀！坐個半鐘車要HK$300 >< 當然照俾啦！

Suica而家好方便，可以加入手機，用信用卡自動增值，每次最少增值1000yen，又可以隨時睇餘額，只要啪手機就可以俾錢，

09:14 買左車票啦！貴貴！><

09:20 因為我地用左suica入閘，而成個旭川唔可以用IC card，我諗係指所有交通工具，咁車長就俾我地睇呢張紙，叫我地留意上面第二格，話因為IC card己有紀錄，要去返札幌、小樽、南千歲、新千歲空港駅驗票處辧理，但我哋唔行回頭路，咁點算？😰

10:06 到達旭川駅，呢個係去旭山動物園巴士時刻表和上車位置，去旭川空港的巴士也在附近

旭川駅觀光案內所

10:16 先去左觀光案內所問下資料，因為明天想去旭山動物園睇企鵝巡遊和對面的雪之村玩，案內所職員就介紹我買呢個套票，除咗兩個嘅入場券和包左雪之村一碗拉麵+兩種體驗！

如果由旭川駅行去冬祭會場就30分鐘左右，我Google map check過就行22分鐘，可能因為地下有雪，同埋每個人行路速度不一樣，時間只能大約參考！

另外，冬祭花火表演話大約有20分鐘

旭山動物園地圖

呢個係旭川冬祭期間限定由旭川駅前去會場嘅無料巴士時刻表。

呢個係由旭川駅去旭山動物園來回巴士時間表，途經7条昭和通

由旭山動物園去冬祭會場的時間和位置，要注意班次好少，要計劃好！

10:24 觀光案內所問好晒資料，一出去就係Y’s Hotel ，寄存行李先，今晚試吓住呢間新開嘅酒店，明晚就住之前嘅JRINN，比較下，兩間都喺旭川駅旁，一左一右，都好方便！

14800yen/2人包早餐，約HK$1100左右，因為今日星期日，所以又會貴啲！

但一開始就對Y’s Hotel有啲意見，由觀光案內所行去酒店雖然好近，但冇蓋遮頭，所以地下有積雪，行去酒店門口又斜，推住喼上去真係有啲危險，唔係咁方便，如果酒店可以每日搵人清下門口積雪就好啦！

12樓頂樓有大浴場

10:24 因為時間尚早未能check in，所以寄存左行李先

呢度有3款薄、中、厚不同軟硬嘅枕頭俾你攞，厚嘅枕頭就軟身，中嘅就可能比較硬身啲，不過可能尚早，未執晒啲房，所以枕頭未返

旭川冬祭吉祥物襟章？

呢個係另一個套票，同我之前買嗰個差唔多，不過佢加埋來回巴士卷，因為我打算由雪之村直接去冬祭會場，所以就冇買呢個

10:39 咁跟住打算坐免費巴士去會場，時間又未到，所以就喺旭川駅Hea下影下相啦！點知去到巴士站已經滿座，企都企爆門口，估唔到咁多人搭，早知早啲去排隊唔好hea啦！><

10:40 可惜而家呢段時間搭唔到旭山動物園號

Y’s Hotel
2018年7月6日開幕

Y’s Hotel 對面係JRINN和Aeon

11:01 到達冬祭會場啦！

話說原本呢架免費巴士就滿座企滿晒人，咁我唯有行去車頭舉起兩隻手指，示意仲可唔可以上到兩位！咁司機又好好人，叫乘客行入啲，日本人又好合作企埋啲，咁我哋先可以上到車！咁就唔使再等20分鐘啦！hehe ^^

今年旭川冬祭咁啱又齊頭第60屆，明天係last day最後一日啦！

兩旁有雪雕參賽作品

11:04 呢個龍珠得到櫻木賞，即係咩？🤔

呢個得到銀賞

11:11 條滑梯其實係冰鵰，只不過落雪舖上了雪

11:31 好幸運遇到旭川冬祭吉祥物^^

11:35 有戰隊超人表演^^

11:40 呢度可以俾人DIY小雪人

大家都發揮創意

有hello kitty小雪人！哈哈！

11:44 呢個係主台，某幾日晚上會有投射+花火表演，我揀明晚最終日黎睇夜間冬祭和花火表演，希望唔好有咩意外取消左明晚表演！

花火打ち上げ日にち
◆２０１８年２月７日（水）　冬まつり初日
◆２０１８年２月１０日（土）
◆２０１８年２月１１日（日）
◆２０１８年２月１２日（月）　冬まつり最終日
　　　　　
○花火打ち上げ時間
・１９時〜

11:48 呢度排隊玩迷宮

11:49 玩飛索等候時間

11:50 可以玩飛索，不過好似見襯都係小朋友玩！大人800yen, 小童500yen

11:53 呢個係免費嘅！就咁升上去，360度轉，我排緊隊上去睇下

12:10 上去都要要做足安全措施

12:11 玩完飛索仲有雪上電單車載你返黎，成人800yen玩到兩樣，抵玩啦！

12:15 準備升上去啦！左手邊有臨時廁所，一間間屋咁！

呢右邊一排五個係女廁，左邊一個男廁

呢邊就有好多小吃攤位

12:17 明晩就會企係前面一級級嗰度，對正主台，都係唔錯嘅位置

另外最左邊嗰5個係男女共用廁所，廁所後面係雪之迷宮

12:18 都好多人排緊隊玩雪之迷宮

升到最高點啦

12:19 又有人玩飛索了

12:22 呢個係點玩架呢？

係咁玩嘅！俾啲小朋友玩！而小朋友年紀細到係唔識玩，係職員幫佢控制

就咁摌下雪！好得意！

12:34 旭川冬祭除咗雪雕，雖然唔似得札幌咁有大型雪雕，但偏向多啲野玩！當然另一重點係某幾晚晚上的投射花火show

12:37 有啲肚餓，買串炸雞吃 300yen

12:39 初時佢想俾擺咗喺度嗰串，我唔知佢擺左幾耐，又見佢啱啱炸起，所以我問佢可唔可以俾啱啱炸起嘅我，咁老板都好好人俾我，後面嗰對情侶又有樣學樣^^

12:41 嘩！呢個飯好可愛呀！係冬祭吉祥物！真係好有心思! 600yen

到我要買嗰陣就話賣晒啦><

12:45 日本人分類做得好細仔

12:47 魷魚飯好吸引咁！不過因為陣間要去吃拉麵，唔敢吃太飽

12:49 紀念品店內呢支匙羹好得意

襟章

12:55 旭川冬祭日景差唔多睇完啦！明晚再黎睇夜景啦！

我覺得呢個係成個埸最靚嘅參賽雪雕作品

離開會場行去吃青葉拉麵啦！

但青葉拉麵地址有啲難搵，仲行錯左兩次添！

街上有好多好可愛嘅小雪人

小雪人歡迎大家來臨旭川冬祭

呢條街都有好多冰雕比賽作品，有團體戰和個人戰

13:43 途經天金，原來呢度又有間天金，每次黎旭川，都會搵一餐吃呢間，不過係吃天金本店，今次就預約左明晚吃啦！

13:48 啲冰雕真係雕得好靚好細緻！

13:49 青葉拉麵真係有啲難搵，經過半條冰雕街，又要睇埋google map, 佢就係呢度附近，但唔係係入面囉，唔好俾佢誤導，其實一直行轉彎就到，係地面舖！

因為當時我地講緊廣東話，有個香港女士知道我地要去青葉，就告知青葉已關門，佢都想去但沒有入去，吓！唔通有中場休息？

咁我哋好驚訝好失望啦！搵得咁辛苦！但都要行去門口睇下

13:52 基本上係分醬油、塩味、味噌三種，另外右邊叉燒拉麵就有三塊叉燒，而左邊就只得一塊叉燒！

醬油味係recommend, 我其實對醬油味麻麻，因為未吃過好吃，覺得醬油好普通，所以我保守啲揀左最貴嘅味噌味，另一個就叫左醬油味。

本身冇蛋，加左一隻蛋100yen

13:57 其實我哋入咗嚟之後都仲有一啲客入嚟！
我有得食啦！hehe！

店主好nice會同人傾計，用普通話講「好吃」又叫我地㨂no. 「一、二、三、四」，佢英文又識講啲！不過我哋唔識日文所以就冇乜點再傾！

醬油味湯底一飲就話好好飲，我都試吓先，又真係幾好飲喎！佢唔係一般普通醬油咁，真係幾特別！跟著再試下味噌即刻比下去，麻麻地！所以recommend真係實至名歸！

叉燒雖然有少少肥，但ok好吃又好大塊，唔係好似一籣又簿又少！

蛋做到流心，但冇乜煙薰味又冇乜蛋味，不過做到流心算唔錯！

14:10 吃曬！湯都飲曬！Yeah !!!

14:23 吃完青葉拉麵，繼續行埋條冰雕街

每一個都好靚好細緻，今日已經係展期尾二，每天最後一日，但每一個都keep得好好，只係有少少雪係面，後來先知可能每晚或隔一段時間都有專人「西門吹雪」用機器吹走啲雪

14:30 行到返黎JR旭川駅前啦！

14:34 好啦！先買左去美瑛嘅車票啦！因為參加左青池點燈local tour

14:35 Aeon有food court, 有銀座章魚燒分店，呢間好吃呀！

14:37 另外買左士多啤梨，今晚可以食，都係根據返買醜樣，好似扇形嘅嘅話咁係最好喎！我都未食過咁醜樣嘅，以前唔會揀呢啲，今次就試吓呢啲係唔係真係甜啲好味啲！

一包780yen, 我就買左一盒2包，明晚都可以吃，因為唔知明晚幾點返到黎，可能好夜了！

14:50 買完士多啤梨，仲有少少時間，就去Y’s Hotel Check in，呢度應該可以自助check in, 不過職員都係有幫我！
呢度14800yen/2人，包早餐，因為今日係假期所以貴啲

14:57 房間開放式衣櫃

廁所係組合式

保濕機

14:58 酒店房望出去係JR旭川駅景，對面係JRINN和AEON，初初入房係走廊尾二房，心諗點解係咁尾，但窗外景觀就靚啲！因為如果唔係，相反就會越近旭川駅，咁望出去就冇咁開揚！但唔係幾鍾意房間啲窗有鐵絲網，影響景觀，好多酒店都唔會咁！對面JRINN都唔會！人哋個窗仲大啲！

房間走廊位都算闊，從官方相片睇唔出，比相像中闊啲

酒店送的兩支水

跟著喺房就貼暖貼做足準備功夫，因為陣間要去美瑛郊區青池睇點燈驚會好凍！

因為大部分時間都喺車度，落去都係一陣，所以我都係貼一塊算啦！當然有帶定幾塊，如果真係有需要都可以貼！

14:59 將士多啤梨放喺酒店雪櫃，雪櫃算頗大，都放到啲嘢！

15:05 酒店吃早餐的地方

15:05 酒店大堂

今年旭川冬祭poster

啲枕頭返咗啲黎啦

坐15:33呢班車去美瑛，一定要搭到呢班車，如果唔係我哋就join唔到個local tour

15:12 要接駁另一個車廂，工作人員要敲碎整走啲冰

16:09 到達JR美瑛駅啦!

入去四季之情報館報到

16:17 入去四季之情報館報到和填表格，職員會講解和叫我地出發前去左廁所先！因為中途係冇得去廁所

16:19 四季之情報館前的聖誕樹

Check定返旭川嘅JR班次時間

16:32 我地係四季之情報館前等觀光巴士，出發前記得要去左廁所先啦！然後快D去排隊，因為冇劃位，早D排隊可以揀位坐前D早D落車影相爭取多D時間！

每人會派一個呢啲識別團友，之後要收返

17:00 第一個景點係一棵樹，開車時間係17:15

17:02 其實都好有意景嘅！

17:05 呢度只逗留15分鐘，大家都爭取時間影多D相

17:44 第二個景點係白鬚瀑布，呢度逗留時間好短，得10分鐘左右

17:49 不過其實唔需要太多時間，因為就只得咁樣瀑布，影幾張都搞掂，影人像因為現場太黑又唔係影得靓！

17:53 好啦！好似趕鴨仔咁行返上車啦！

18:02 第三個係重點景點青池點燈啦！呢度逗留最耐，有二十幾分鐘！

18:15 我初時以為青池點燈會有好多燈光效果，結果係好慢咁轉下白色轉下藍色，有D好有意景既慢音樂！

雖然係咁，不過都幾靓，總係覺得人地影嗰D比自己靓！人地都好識影！

18:18 有時又會熄晒D燈，唔知等幾時先再著返燈！有時又好快熄燈！其實都好煩！可能因為我地既時間唔多！覺得影得好急趕！！

18:21 其實佢一熄晒燈根本就影唔到相，全部黑麻麻

18:22 之後返到酒店，我有睇多次宣傳單張，明明講話會逗留45分鐘，點解而家會咁短時間呢？因為其他既LOCAL TOUR都逗留好短時間，我見呢間逗留45分鐘先參加佢，點知又係得20分鐘左右，行入去已經要在分鐘，又要行返出黎，一共要10分鐘，即係只有10分鐘影相，所以影相時間真係唔多，好趕！><

18:32 最後係車我地去廁所然後上車

18:36 呢度冇咩嘢行

19:02 返到JR美瑛駅，入去坐底等車冇咁凍

19:07 係車駅吃之前係旭川買既DONUT，都幾好吃！

仲有排等，等列差唔多夠鐘，10分鐘前，D人就開始排隊入去啦！因為呢度係冇得買票，亦都冇職員

19:53 列車到左，就係車頭攞票(整理卷)

20:25 返到JR旭川駅啦，呢個一面係企鵝，另一面係北極熊，攞住張整理卷出閘時俾錢

20:29 跟著就行去吃晚餐嘅地方，今晚吃成吉思汗大黑屋烤羊肉，旭川有兩間店，據說本店好多人排好耐，又唔可以訂位，所以我決定去遠少少嗰間5丁目支店

又行返條冰雕街沿路睇下夜景！

20:41 前面藍色招牌就係天金本店，每次黎旭川，都會搵一餐吃呢間，今次就預約左明晚吃啦！

20:49 原來要攞籌，但可以去斜對面休息室內坐底等，唔使企係街挨凍

點知入到去，全部都坐滿人，等左一陣先有位坐

20:51 可以睇住menu諗定陣間叫乜嘢吃

20:53 有時會有員工黎叫NO. 但佢係用日文叫，唔會用英文，所以唔知佢叫到幾多號！咁我見到前面有香港人係NO.78, 咁都未到佢，又點會輪到我呢！

但有日本人入黎見到no.78, 就同佢講叫左你架啦！佢就出去啦！我都跟住出去，問下到我未！佢話未得，叫我返去等下，咁我就返去等啦！呢個時候既待合室等候人數已經少過一開始好多。

好快就有人叫我地入去，但又唔係即刻有位坐，有3組人，分別係1組, 2組, 3組，各自坐係自己號碼椅子上，再係入面順號碼等候安排入座

21:05 入座係唔可以著鞋

21:15 終於有位坐啦！

其實肉類得5樣野，我原本想叫曬5樣，但羊架賣曬，只好叫1、2、3, 4啦！

1. 純羊肉

2. 羊肉卷

3. 羊肩肉

4. 葯草純羊肉

5. 羊架

6. 烤野菜 (0yen 我諗可以任叫)

吃燒肉緊係要配啤酒啦！不過呢度只有KIRIN麒麟啤，有羊酒，但我唔敢試，都係啤酒好飲D！！

21:20 飲杯啦！

21:21 我之後有再加單，但覺得第一輪既肉係靓D，可能係店員一開始有幫燒幾塊1和3有關，佢可能投術好D！燒得好味D！！

之後嗰D就有筋><

2. 羊肉卷 - 羊味比較重D！要控制得多，唔好太熟！全熟就會麻麻地！呢款肉都OK唔算太差！

3. 羊肩肉 - 呢款就麻麻地啦！

4. 葯草純羊肉 - 香草＋鹽燒，就咁吃就有D鹹，配飯就會好D！

21:28 飯有分大或小 (300 / 200yen), 咁叫碗大飯Share吃啦！黎到都OK大碗！

21:35 一路燒嗰陣，有時會有啲油彈上黎！好痛！><

21:37 之後再Enore 1和4, 就係呢次1有筋，而4黎嗰陣雖然香草少了，不過燒完吃落都OK好味！！

22:14 最後叫咗個羊奶布丁250yen, 上面有啲Cream，味道都OK既！羊味就唔係話好蘇

22:15 2人吃左5740yen

22:30 原來會有西門吹雪(工作人員)揸住吹風機吹走啲雪！

22:30 辛苦晒西門吹雪！

22:32 吃飽飽一路行返去酒店一路有冰雕睇，正！

22:48 離遠睇Y’s Hotel

23:06 12樓大浴場15:00pm-10:00am
需要密碼

早餐卷

23:28 去12樓大浴場泡下湯沖埋涼lu！原來12有房間，咁多人出出入入去大浴場咪好嘈！好彩我住11樓！

要入密碼，

有POLA洗頭水沐浴露，自己攞入去洗

23:57 明晚就住對面JRINN啦！究竟邊間好啲呢？

00:38 士多啤梨唔甜囉！仲要有啲酸！又話扇型醜樣會甜會好吃！我證實左唔一定！><

另外Y's Hotel呢度房間啲暖氣唔暖，開左都唔暖！

旭川らぅめん青葉本店 (3.69)
地址：北海道旭川市二条通8丁目左8二条ビル
交通：旭川站步行5分鐘
時間：9:30～19:50 (星期一至六) 9:30～18:50 (星期日及假期)
休日：星期三
座位：17席
連結：Tabelog｜官方網站