醜小鴨愛自遊

(Day 4 - 東京、札幌、新千歲空港、一幻拉麵、第70回札幌雪祭夜景、Suage+湯咖喱、東橫Inn)

早晨 day 4 大年初一

琴晚返到酒店，執下行李都要1點幾先訓，但今日5點幾就要起身坐8:30am早機，實質只係訓左幾粒鐘！今日要告別東京，搭內陸機去北海道札幌睇雪祭啦！

07:32 初初見JAR counter冇人，以為close左趕唔切托運行李，好彩行前啲就見到有counter開左

邊啲可以帶，邊啲唔可以帶！
邊啲要托運，邊啲要跟身！

07:41 仲有啲時間，所以行下羽田空港

07:42 東京蕉

好可愛嘅東京蕉

下層呢個九州好出名嘅雞仔定雀仔餅原來屬於東京？！因為寫住東京^^，呢度都有得賣，我之後去九州有買返香港吃，不過唔好吃嘅我覺得！

原本想買呢個羽田限定嘅朱古力蛋糕，但有得試食，試食左之後覺得唔好吃，啲朱古力cheap cheap地味道咁！所以冇買！

呢個款嘅東京蕉都好可愛呀！

有便當有燒賣

07:51 因為飛機上冇嘢吃，所以買左啲飯團、豆腐皮壽司和太卷上飛機吃

07:57

07:58 雷神朱古力，曾經風靡一時！

08:11 等上機

08:13 Check in寄存行李好快，而登機閘又好近，基本上15分鐘前到登機閘就得。

排隊上機啦！

JAL DISNEY 35周年飛機，可惜我唔係坐呢架！

再見啦！東京之旅！我要正式展開北海道雪祭之旅啦！

08:17 今次旅程飛機全部用Asia mile 5萬里換商務客位，所以內陸機係唔洗另外購買，但內陸機好似冇商務位，所以都係坐普通坐位！

座位係2、3、2，但櫈坐得唔算太舒服

08:23 飛機上冇嘢吃，但會問你飲咩，有一種牛肉湯有啲似合味道杯麵味精湯，另外可以叫JAL特飲skytime或其他！

08:59 蟹肉麻麻地，但明太子ok, 叫明太子都唔會太衰！好味！

JAL 特供米奇老鼠90周年纪念設計不銹鋼水樽

今日天氣好好，一起飛就見到富士山山頂

再見啦！富士山！

10:01 飛左個零鐘就到札幌啦！

宜家已經-4度，晚上會再凍啲！

10:24 到達札幌新千歲空港，3樓有叮噹館

10:46 新千歲空港都好大好多野睇，所以係度行一陣吃埋午餐先走，因為唔會再返黎，之後會由旭川空港再去大阪

10:46 雖然已經2月但仍然仲有聖誕氣氛！

10:47 好大盒Royce朱古力呀！😍

10:49 售價777yen 😓 留意未出境有冇免稅，好多時要出左境先有免稅！

(左) 香橙味利口酒 & (右) 加納苦味

香檳加入黑醋利口酒，最後喺關西空港有買一盒回香港，都ok好味！

仲有山崎和Islay威士忌朱古力，不過如果宜家買就要係旅程中吃曬，因為佢要放雪櫃，所以返香港前睇下有冇得買啦！結果係冇嘅！><

10:50 鬍鬚叔叔帆立貝味薯片！北海道限定！

LeTAO芝士蛋糕，細細個都唔平，要1728yen連稅，但香港要HK$2xx/個，貴一倍！

原味和哈密瓜味道唔錯！

Calbee plus 有賣新鮮炸薯條薯片，炸薯條必試！

11:01 左下薯條三兄弟

右邊福字下面嘅LeTAO士多啤梨朱古力都好食，不過都偏貴，入面得5-6小粒！

11:04 由新千歲空港返屋企嘅話都可以考慮係度最後衝刺，買海鮮返去！

海膽刺身

11:26 好多人係一幻拉麵排隊，我都想吃，全北海道好似得2間店，其中一間係新千歲空港，宜家時間尚早，再行一陣先吃啦！

呢道係北海道拉麵道場，有好多間拉麵店，人氣一幻拉麵都係度！

呢間弟子庄有蟹肉拉麵😍

呢間都好多人喎！

11:33 北海道拉麵道場隔離就係hello Kitty店

11:35 我係牛魔王，好鍾意吃牛^^

豬仔朱古力上可以寫字，唔知係唔係自己話事寫咩字呢^^

11:47 啲嘢食整得好靚呀！

好靚嘅hello kitty card

日本嘢真係靚，就算好似我咁對hello kitty冇乜感覺都要註足睇吓欣賞下！

11:50 到左叮噹樂園啦！

11:53 Haha 叮噹好可愛！
呀！唔係呀！係多拉A夢！
我聽d長輩講得多咋！

叮噹樂園要入場費的

精品店就係樂園出面，所以可以任睇唔嬲！

12:07 我好似帶住佢出街咁！你睇佢幾時開心！^^

12:08 跟著去左博品館，又係睇玩具！
呢個係限定商品，唔係周圍可以見到！

12:24 呢間函館麵廚房都係好多人

札幌飛燕呢個限定30個

北海道拉麵道場入口

12:49 一幻拉麵比之前更多人排隊，原本有啲想放棄吃其他嘢，不過函太郎迴轉壽司都係要排隊，入去拉麵道場行一圈，

一幻一般係用粗麵，但可以要求換細麵

終於有位坐啦！^^

一幻拉麵menu
湯頭有兩種選擇，原味係蝦湯頭，另一款特調風味係蝦湯+豬骨湯頭。

口味有三種選擇，鮮蝦味噌、鮮蝦鹽味和鮮蝦醬油。

麵條加量加110yen，仲有鮮蝦飯團、溏心蛋、鍋貼、叉燒肉可追加！

12:56 餃子好好食！真係好好食！底皮好脆，上面嗰啲皮又好軟熟！總之就係正！

12:59 我叫左原味鮮蝦湯頭+鮮蝦味噌口味，所以有好濃嘅鮮蝦味！好正！因為麵加大只需110yen，所以有叫加大！

另外每一碗有半隻蛋，但因為如果好吃就唔夠吃啦！所以叫多一隻溏心蛋110yen，一黎隻蛋已經一開二俾我地！^^

粗麵對我黎講有啲粗，唔係好掛汁，所以下次我會試細麵！希望到時記得啦！^^

拉麵整體都ok好味！啲溏心蛋就麻麻地，又唔係好流心，見圖外層已經有啲熟，蛋白亦冇熏過或滷過嘅味，其實係冇乜味，所以麻麻地，下次可以唔使加蛋！

但點都好食過香港分店，日本都係好吃啲！排咁耐都值得嘅！^^ 而且係日本蝦湯拉麵比較少見，所以值得一試！

吃完拉麵，買支牛乳軟雪糕吃

13:51 好長呀！同展示有過之而無不及！都好吃！又大支！^^

行完新千歲空港就坐JR去札幌啦！

當時氣溫-3度

15:08 黎門札幌東橫inn北口店check in, JR札幌駅16 or 17出口(東通り北口)

今次好彩訂到東橫inn咋！亦好彩係東橫inn會員，因為大半年前開始訂酒店發覺札幌酒店好貴，一係就未開始咁早有得訂房，但好膽心冇房住所以都用免費取消訂住先，但最平都要HK$1400/晚，要住幾晚！

但東横inn會員可以6個月前訂房，一般人只可以3個月前先可以訂房，會員當然快人一步，不過每晚搶房都好激烈，1、2分鐘內就被搶曬！但東横inn房價就算大時大節都唔會話特別貴，好似雪祭呢段期間連稅8075yen/晚，HK$5-600/晚真係好抵，慳好多，好彩俾我搶到住同一間東橫inn，唔使搬其他札幌分店！

另外有問我需唔需要清潔打掃，如果唔需要就可以每晚平300yen，不過好似規定第三晚一定要清潔，我覺得ok呀！又可以平啲亦唔需要日日清潔換床單！

雖然對住馬路但可能呢度係12樓，隔音又幾好，所以冇乜聽到聲！

15:55 喺新千歲空港買左藍莓芝士撻因為要趕搭車，返到酒店先有時間吃！但可能凍左皮比較硬！

16:03 東橫inn 走廊

16:05 原本諗住去睇札幌雪祭日景，點知又覺得凍，貼下暖包，搞呢様搞嗰樣搞到4點幾先出發，去到都入夜了！Decathlon貼腳暖包唔暖嘅！

16:18

JR Tower Square 1000-2300
011-209-5050
展望室T38, 空中洗手間
T’Café 500yen Cake Set
www.jr-tower.com

16:24 好啦！正式向雪祭會場進發

落雪好興奮haha !

不過陣間落大雪就唔係咁諗啦！

16:33 途中經過以前曾經住過嘅Cross Hotel，近時計台，但附近比較靜！

16:39 時計台

16:56 見到札幌塔啦！表示就到大通公園內的雪祭會場啦

16:57 今年係第70屆札幌雪祭，原本想舊年黎，但就係諗住齊頭會大製作啲啩！所以今年先黎！

第70回札幌雪祭2019 (夜景)
大通會場日期：2019年2月4日～2月11日
交通：札幌地鐵大通站
亮燈至22:00

16:58 汽水機見到有第70屆札幌雪祭特別版可口可樂呀！想買呀！

北海道期間限定，剩返幾日去到11/2就冇得賣啦！

17:00 入去睇吓先

呢個係掟雪球遊戲

17:06 會場內有好多小食店

又有溜冰

17:07 好靚！好有聖誕feel, 不過其實今日已經係2月農歷新年大年初一

呢啲係以往札幌雪祭嘅模型展示

17:23 北海道期間限定，剩返幾日去到11/2就冇得賣啦！

仲有兩款北海道鐵樽特別版可口可樂300yen/支

有專業滑雪表演比賽

有熱嘅Mojito調酒？！500yen/杯，.我想試㗎其實！

會場嘅商品

17:30 買咗一個雪人係雪屋入面嘅磁貼、一個今屆70周年海報嘅磁貼，再買一張海報postcard連郵票，呢度啲紀念品價錢係公價，間間差唔多！

17:40 食物display上面都舖曬雪

越落越大雪呀！d雪係咁打落塊面，又凍，真係唔係咁過癮咋！

17:46 第一個見到嘅大型雪雕係初音，我唔識佢，不過陣間有投射燈光show

17:48 個SHOW大約分幾2分鐘啦！都算幾好睇，可惜我唔識初音，冇乜感覺！

17:52 案內所有今年旭川雪祭嘅宣傳海報，咁啱今年係整頭第60屆，我過幾日就會去旭川睇㗎啦！

17:53 第二個賽馬雪雕冇初音咁大型，一樣有燈光show，個show冇乜特別！就咁跑呀跑呀！

17:58 高雄車站冰雕，因為係冰雕而且設計好平面，所以睇唔到啲乜！依家有人喺台上唱歌rap！

18:03 高雄車站冰雕可以免費幫你影相，然後會送張細嘅俾你，大張嘅就要俾1100yen買！

咁我諗住攞張細張都好呀！可以攞住可愛雪人公仔影相，之後順便睇吓大張又好似影幾靚喎！基本上個個都有買，咁難得黎一次雪祭，又唔係好貴，所以就買左大張啦！

仲有，如果買左大張相，仲可以上網下戴電腦檔案，注意有時限，過咗某段時間就冇得再download，不過日子足夠你download啦！除非你真係好耐都唔去download啦！

因為實在太大雪，所以搵布保護鏡頭，有時唔覺意就遮左鏡頭！

雪祭會場連俄羅斯娃娃都有得賣

18:20 Hot mojito之前嗰間500yen/杯，呢度要600yen😓，好似係同一間店名BACARDI

仲有火鍋吃！

18:30 呢個只係燈光變下色，冇投射show

18:41 呢個鐵路嘅就有投射show啦！都幾好睇！

18:49 另外有一區有d小型嘅雪雕，可能係市民或學生整的

18:53 海綿寶寶凍到流鼻水呀！^^

小雲

因為成日會落雪，所以雪雕好快會變型，如果冇Keep住復修下，之後嗰D日子會越黎越難睇，所以都係盡早黎睇好D！

19:02 合味道杯麵雪雕都幾特別！

間唔時會噴煙

19:08 最後比較大型嘅雪雕係Star War，不過只有燈光，冇投射Show!

19:38 Star War冇投射show真係有啲可惜><

但唔知點樣，可能係派籌，可以上去X戰機影相，當時我詢問已經派晒！

19:14 另一區就係世界各地嘅雪雕參賽者！可惜依家先雕，無緣睇到完成品了，呢隊係波蘭！

呢隊係夏威夷

呢隊係差那

呢隊係印尼

韓國

新加坡

19:17 第70屆札榥雪祭的300塊海報puzzle

有啲已經開始sold out

19:32 一共有9個國家參加雪雕比賽

呢隊係泰國

芬蘭因為一啲都未開始，冇乜野睇，所以冇影

呢隊係澳門中國

20:05 高達呀！😍

20:07 呢個燈光效果好恐怖！

20:15 呢個應該係雪糕筒？積雪好厚

20:15 最後又影多次台上無人的高雄車站

20:23 要離開啦！今次登特遲一年等整頭數第70屆札幌雪祭先黎，希望製作會大型啲！勁啲！

但其實覺得今次製作唔係特別大型特別勁，睇返之前啲雪雕有時仲勁！

好似2017年星球大戰有投影燈光show，今年好期待，但反而冇，有啲失望，所以唔使一定要等整頭數嗰屆，想黎就黎啦！

20:30 行黎狸小路附近吃湯咖哩！咁凍吃碗湯咖哩就最好！

Suage+湯咖哩樓下

20:38 黎左呢間Suage+，上次黎因為好多人排隊所以冇吃到，今次唔算好多人，所以就試下！睇吓邊間好吃啲！

Suage+ 燒雞湯咖喱 (3.59)
1130-2230/LO 2130
011-233-2911予約不可
北海道札幌市中央区南4条西5 都志松ビル 2F
地下鉄南北線すすきの駅出口から徒歩約2分。
http://www.suage.info/

加line可以有免費250yen飲品

20:54 話最多人吃係知床雞喎！緊係要試吓啦！但其實我都有啲衝動想叫蠔，但最後都係選擇叫雞

另外辣度我揀咗2度辣，我覺得還ok, 可以叫3度，不過如果你要一路飲一路飲，2度會舒服啲，3度可能會有啲刺剌激，

我本身少少辣ok, 唔係一個好吃得辣的人！所以舒服啲算啦！一蘭係吃建議1/2辣

如果加左line會送你一杯飲品，可以喺250yen呢格揀

附近有3間分店

21:17 味道我覺得唔夠TREASURE好吃囉！
另外個飯好似比較少，所以要左medium 200g，我咁細食medium我都吃得曬。Treasure啲飯好似比較多啲！

飯可以加芝士，其中一個加左，加左蛋冇乜特別，加隻雞脾只需要250yen，真係成隻雞脾，好抵吃！但我覺得雞脾肉唔夠Treasure好吃！

Suage+嘅知床雞都幾好吃，有烤過，皮脆脆地，但得兩串，每串得一舊仔，好少！其他就係菜，個湯咖哩我就覺得Treasure好味啲好飮啲！

21:44 我哋快快吃完就諗著去薄野買埋世界之山雞翼就早啲返酒店休息嘆下雞翼、啤酒

21:52 食飽跟著趕去薄野冰雕會場

21:57 原來薄野會場冰雕展就係suage+湯咖哩附近，心諗不如今日KO埋佢，唔使第二日再嚟過！

薄野會場
亮燈至23:00 ※最後一天至22：00

22:16 中間走左去夾公仔，想夾唐老鴨扮三眼仔嗰隻，不過呢度好貴，500yen/3次，夾左2-3次，夾左百幾蚊港幣都夾唔到，放棄左！

吸煙區

22:39 What’s mean JT ?

嘩！

22:55 另一邊睇左冇耐已經夠鐘熄燈了！

22:58 雖然冰雕因為透明唔係睇得好清楚，就算打左燈都唔係幫到好多，不過有啲手工真係好仔細，巧奪天工！鬼斧神工！
希望有時間就黎睇多次日景

23:06 行好遠先到世界之山買雞翼，但今次唔知點解等好耐，等到我嗺佢，佢先俾到我，都唔知係唔係唔記得咗！><

呢間店竟然有印章蓋，個印都幾靚呀！

其實附近就有地鐵站，但當初以為係地下街唔敢搏，所以就沿路行返JR札幌駅北口酒店

00:16 世界之山手羽先配可樂都係好正！^^

呢間雞翼真係好味，而且唔係間間分店都好味，但呢間就保持到水準，有啲會好咸，

但呢間啱啱好，胡椒味好入味，皮又脆脆地，就算凍左吃都好味，有機會我會再黎買多次！

Suage+ 燒雞湯咖喱 (3.59)
1130-2230/LO 2130
011-233-2911予約不可
北海道札幌市中央区南4条西5 都志松ビル 2F
地下鉄南北線すすきの駅出口から徒歩約2分。
http://www.suage.info/