醜小鴨愛自遊

(Day 6-皆生温泉彩朝楽鬼太郎主題房、和顏壽喜燒、大漁市場、鳥取花回廊、境港、超級市場、御宿野乃天然溫泉酒店)

07:48 Day 6 早晨
琴晚其實訓得唔係幾好！呢d舊式日式旅館再加上鬼怪背景，好易分心，諗左第二d嘢，自己嚇自己！
今日天氣麻麻，基本上都係天陰有雨！
先去吃早餐先啦！

07:51 餐廳唔算多人

08:01 可以自己攞個爐燒鯖魚和三文魚

08:15 我自己燒架！係唔係燒得好靚下呢？！

08:26 除左呢個溫泉蛋ok之外，早餐其實冇乜嘢食！

08:37 其他房間客人已經check out左！

08:53 跟著去左浸溫泉，琴晚嗰度好細，今日呢度就大好多啦！

08:56 呢邊個温泉比琴晚大同靚好多！早上男湯就係呢邊，晚上就係琴晚細d嗰邊！

呢度直行過去仲有一個池

08:56 呢邊可以望到海，呢段時間都冇人，包曬場！

仲有個蒸氣浴

09:48 今朝男湯係左邊，女湯係右

10:15 返到房要準備check out la! 最後影返幾張相

10:20 我唔係換第二件外套影，呢件係雙面外套，所以帶一件=帶左兩件^^可以帶少件外套！正呢？！

10:22 外面開始落雨啦！酒店外面有足湯！

10:23 Check out電子化，可以自己check out，職員教緊我點用！有中文可以揀！

日間的酒店大堂

10:25 今日check out時間比我預計遲左少少！
再見啦！皆生彩朝樂温泉旅館&鬼太郎主題房！

酒店大堂可以打遊戲機，超級任天堂迷你版！好可愛呀！

10:32 頭先一步出酒店就好大風大雨，把遮吹彎左好難揸>< 前面係手信紀念品商店

10:35 上面罐裝嘅梨汁好難飲，味道好假，俾佢60%果汁呃左！樽裝嗰支未試過！

右邊梨酒好飲，好濃梨味！不過酒精濃度對我黎講都有d高，唔覺唔覺好易醉，
左邊好似係紫蘇味，唔知好唔好飲，其實仲有其他味！

好多地方都見到呢個鬼太郎啤酒，有三款，有機會再買黎試下飲啦！

大山啤酒，有三款味道

大山磁貼，想買但冇買><

10:41 黎到皆生溫泉觀光案內所睇下

呢度係境港水木茂大街嘅鬼怪石像相片

亦有關鳥取花迴廊相片

米子市水渠蓋，好靚喔！

呢度有幾個鐵板，有d突起嘅圖案，只要放上一張紙，係上面用鉛筆括下括下，就會出現圖案，有時間可以玩下！

窄住d紙

10:53 完成啦！整得唔係好靚！
跟著問案內所邊度搭往JR米子駅嘅巴士，佢指一指出面架巴士就啱啱到啦！我地就即刻上車！

先check左時間，陣間吃完午餐，要趕坐JR去余子大漁市場！時間要捉緊d！

11:18 我地喺米子前一個巴士駅「東町駅」落車，行過黎「和顏」只需4分鐘！

Lunch訂左11:30吃和顏 壽喜燒，網上好多人話黎米子一定要吃和顏壽喜燒，話好吃又剩咁！今日輪到我黎試下啦！

和顏 壽喜燒 (3.23)
地址：鳥取県米子市法勝寺町22善五郎蔵
電話：+81-859-33-3834
營業時間：1130-1400，1730-2200
休息：周日
網址：s.tabelog.com/tottori/A3103/A310301/31002413

11:25 好似多數係房間
午餐平d.....

枱下面有窿可以伸腳入去唔使跪，可以坐得舒服d^^

咁要快d落order, 因為要趕住搭12:32JR由米子去余子，時間只剩個零鐘，仲要由和顔行去JR米子駅都需要d時間，所以同店員講我地趕車，請盡快！

11:34 可以㨂shabu shabu或者壽喜燒，又或者有單點，我地叫左兩個都係壽喜燒

'

因為琴晚住皆生溫泉彩朝樂鬼太郎主題房，又唔想由米子駅搬咁大個喼去，咁啱同行朋友琴晚唔住皆生，
繼續住返東橫inn, 所以托朋友今日ckeck out個陣寄存係酒店，然後中午吃和顏嗰陣交收呢張嘢！

東橫Inn只可寄存當日真麻煩，聽聞睇職員好唔好人，有d好d就可以寄存幾日！

茶杯好靚，加左d冰真係好似一杯威士忌，前菜ok好吃

11:36 原本我想一個叫鳥取和牛，一個叫國產和牛，點知店員話冇國產和牛>< menu都有寫住不定時供應！

d嘢好快就黎左，每set牛肉得3塊，雖然好似好大塊，但切得好薄！

咁應該點整呢，有d壽喜燒店會幫客人整埋，但和顏唔會，不過好似晚上會定點，anyway咁我問店員點燒啦！佢會唔會幫我地燒啦！

佢就話我地自己燒，總之掉曬d菜落去先，再放牛肉，最後先放年糕、粉

11:46 第一塊牛肉還ok好味，d汁尙可

11:46 但煮第二塊嗰陣d汁煮得越耐就越咸，連d菜都開始咸到死！

其實和顏d牛肉係ok好吃嘅！牛味都幾重，不過其他嘢就好一般，d汁真係好鬼死咸！

如果呢個lunch set要4千黎円，我寧願吃鳥取味暦あんべ 嗰蟹飯，好吃好多！值d！

12:05 甜品冇乜特別，都喺預計時間內吃完呢餐，要快d快返去JR米子駅啦！

12:24 到左JR米子駅等車去余子駅嘅大漁市場啦！

13:12 黎到余子駅啦！

13:15 落緊微微雨同埋好大風呀！差d將把遮吹爛！

13:38 因為巴士時間好少，來回好難配合，所以決定用行嘅！

行得好急，都要行左廿幾分鐘，終於黎到大漁市場，門口有個好巨大嘅鬼太郎石像！

13:38 對比下咁睇就覺得好大呢？！^^

其實我今日黎大漁市場，主要就係為左呢個巨大鬼太郎石像，同佢影相，但因為冇乜時間，所以求其同佢影左幾張相先，陣間有時間再影，美中不足當然係天氣唔好，冇藍天白雲啦！

仲有鼠男石像，佢隻手可以360度轉，宜家嗰位應該轉錯左^^

13:43 入到黎大漁市場就求其睇求其影

我買左呢個大山磁貼，400yen/個，呢度竟然平過好多地方！

眼球爸爸磁貼之後係第二度買左

陣間又要趕坐呢班車返米子

13:46 呢度有好多旅行團一車車車黎，但價錢我就冇乜機會比較其他市場，我又唔係買，求其影下走人

13:46 原本有諗過黎大漁市場附近呢間餐廳吃魚生飯，不過宜家時間配合唔到，所以頭先去吃左和顔lu !

松葉蟹比紅楚蟹貴好多，但係我覺得紅楚蟹鮮甜d，抵吃d！呢d仲要係熟左嘅松葉蟹價錢！

13:49 最後係大漁市場影返張跳起相就走啦！

13:52 再見啦！大漁市場！再見鬼太郎巨型石像！

14:14 回JR駅路上見到架卡通巴士

14:14 終於行返黎JR余子駅等車返米子

14:23 鬼太郎列車黎啦！

14:30 車箱內到處都有鬼太郎嘅踪影

15:15 返到米子駅啦！

15:19 鼠男車箱

0號月台

15:28 對面係柯南列車

15:30 由余子返到米子，出閘啦！

15:32 JR米子駅前有間7-11和手信店

15:37 跟著去左米子駅觀光案內所問下前往鳥取花迴廊嘅免費接駁巴士時間和上車位置。

今日係星期四平日，所以去程尾班車係16:00，而回程因為11月上旬至1月中旬有夜間燈飾睇所以有18:30、19:30、20:30尾班車

順便係案內所問下鳥取花迴廊入場費幾錢，睇下會否再買1000yen包6個景點仲抵！
但黎緊嘅行程只剩水木茂紀念館，所以都係冇買啦！

另外出示passport門票有折扣，有點有半價

火車便當

15:45 喺便利店買左條GODIVA雪條吃，與實物不附，入面唔係流心朱古力！

個盒就好大，但支雪條好細支

15:54 往鳥取花迴廊嘅免費接駁巴士到左

15:55 呢個鐘數唔係好多人去

個司機好妖呀！日本人果然有性格，唔怕世俗眼光！

又要check下由米子去境港時間，預計坐19:30由鳥取花迴廊就19:55，然後坐20:39呢班去境港，因為今晚住境港，d搭車時間要控制得好好！

16:09 如果係春天，呢度d櫻花一定開得好靚！

16:25 25分鐘車程，到達鳥取花迴廊啦！

呢度尤其平日真係冇乜人黎

16:29 7月-11月門票係1000yen, 但有外國passport就半價

16:34 紅葉呀！紅葉呀！

16:37 好似冇我張相靚d喎！

16:39 觀光案內所一個人都冇，有二十世紀梨軟雪糕，但係冇吃

16:45 鳥取花迴廊門口附近有免費locker, 入100yen落去，之後取回會退返100yen

16:45 Chop下紀念印章先啦！

16:46 天色已漸沉，好彩仲睇到少少日景，花花草草嘅顏色！

17:04 夜間燈飾陸續亮起

17:08 呢個季節入夜之後嘅鳥取花迴廊好凍呀！有曬頸巾都頂唔順，d衫太薄，又冇準備到暖貼！又冇吃過咩嘢！唯有頂住！><

17:30 公園中心亮燈啦！

17:37 無端端有d薯仔喺度

鳥取花迴廊地圖和景點介紹

17:40 呢度好似叫「光之宇宙船」囉！

宜家係9.8度，著唔夠衫！早知帶暖包黎><好凍！

17:47 好似去左北海道美瑛呢！^^

17:52 地下濕濕地因為落過雨所以更加凍><

18:02 成個花迴廊幾乎冇乜人，間唔時都會見到有些少遊客

入去睇下，入面應該係溫室花園之類

18:14 呢度好靚，逗留左好耐，影左好多相^^

不過調較面部光亮有d難度

18:24 呢張塊面嘅亮度終於set得好d啦！

18:36 咁開心緊係要影張招牌動作！跳起！^^

19:02 最後返回入口睇下土產物

19:03 有鳥取牛骨拉麵，凍凍地吃一碗都幾好，不過唔夠時間，我地要坐7:30pm免費接駁巴士返米子，再攞行李去境港，今晚酒店有免費拉麵宵夜，所以唔會係度吃拉麵啦！

19:06 離開鳥取花迴廊前喺門口影返張日期相啦！

19:16 等7:30pm班車，尾班車係8:30pm

因為好凍所以走左去候車室等左陣！

19:25 開始落雨，好彩啱啱好有車，上左車啦！仲有5分鐘就開車

19:35 終於有時間在巴士上吃呢個包充飢

朱古力包味道還ok, 有少少硬，但都好吃過抹茶包

19:59 返到米子東橫inn取回行李，再往境港去

跟著就要坐20:39呢班JR去境港，因為時間有鬆，所以建議早點去月台等，早d上車坐，如果太遲就冇得坐。

去到月台，列車已經係度，係鬼太郎列車，好彩早一步，遲少少真係冇位坐啦！

21:41 到左境港，因為酒店比超市近，費時推住個喼推咁遠，所以先去酒店check in, 擺低行李係房再急急腳去超市睇下有冇生果買，買返酒店吃！

半價！😱

11月尾都仲有西瓜和蜜瓜？！

21:47 最後揀左呢隻紫色提子698yen，好似好多人買，但結果味道麻麻，好淡味！好普通嘅提子

聽晚係最後一晚，都係買個貴d 1500yen嘅青提試下！

21:55 呢間超市10pm就關門

21:57 水木茂銅像，左邊鼠男，右邊鬼太郎

境港d燈柱好正！係眼球爸爸！

21:58 最後兩晚就係住離JR境港駅好近嘅御宿野乃天然溫泉酒店其實即係Dormy inn

21:59 頭先已經Check in左

入酒店都要要先寄存對鞋，先可以入酒店，唔好著鞋踩入去呀！

一個櫃有上下兩格

22:03 房嘅夜景咩都睇唔到，但日間有點房可以望到大山架！我呢間就係！

22:08 上房擺低嘢之後，即刻落去吃免費拉麵宵夜啦！10pm開始，11pm結束！好肚餓！今日冇乜點吃嘢！

22:10 等左一陣唔算好耐就入得去啦！

22:14 有水供應，自助

22:14 一次煮四碗，人多嘛！

胡椒都有拉麵専用！我有加少少，我諗都係出前一叮味精嗰啲friend

22:15 吃得啦！味道ok啦！免費算係咁啦！所以dormy inn都有免費醬油拉麵宵夜時段，真係好貼心！

有兒童專用餐具^^

22:33 Lobby仲有電腦使用服務

22:41 房間內洗pat pat馬桶

浴室，但因為有温泉大浴場，所以基本上冇咩用過

房間內浴室係用POLA洗髮水沐浴露

22:45 洗手盤係出面，所以一個用緊廁所，另一個可以洗手洗生果

陣間就攞個籃去浸溫泉

23:05 免費飲用水

溫泉大浴場在12樓，門口有漫畫書睇

23:08 温泉大浴場係12F, 1500-笠日早上1000，要拍房卡先可以開門，女士嗰邊要入密碼，每日更新。

冇毛巾提供，自己由房間帶黎！

23:58 温泉標榜天然溫泉，都幾靚，有個半露天和室內，但因為溫泉內有人，所以影唔到入面俾大家睇！

00:18 浸完溫泉返到房間啦！洗下d提子吃下先！

左邊呢隻大山啤酒WEIZEN

00:45 酒店自來水係使用高磁能量活性水！咁係唔係即係飲得？

00:59 呢隻大山啤酒WEIZEN飲落都幾好飲，層次好豐富，又有一點炭烤味咁！呢隻款有3隻味，其餘兩款就未試過！

仲有鬼太郎啤酒都未有機會試！