醜小鴨愛自遊

(Day 6-下呂溫泉、名花之里、名古屋、PABLO芝士蛋糕、Bic Camera、竹葉亭鰻魚飯、藥局、鳥開手羽先、三井花園酒店)

7:13 Day 6 早晨
下呂溫泉水明館的早上，先去吃早餐先！

7:28 旅館有朝市

隻鴨擒緊前面隻鴨

7:39 吃早餐啦！有煎魚

7:51

今日有同事參加嘅旅行團上山，但天氣唔好，漫步大雪谷暫停開放，真係唔好彩！

不過，原來佢地個導遊好醒，盡量在山上拖到最遲先到室堂，當時天氣唔太差就靜靜帶團友出去，

當然，呢個做法唔鼓勵，但同事幸運地能睇到雪之大谷，只不過行唔到去最高點就俾職員勸籲折返，如果唔係呢個導遊，相信就睇唔到雪牆啦！因為全日好多團都冇得去雪之大谷

8:13 早餐冇乜特別，所以求其吃d

返上房，然後帶齊野去浸溫泉啦！

8:36 黎呢個露天風呂浸

8:39 好彩又係冇人，呢邊係室內

沖乾淨個身先，然後係室內浸一陣

跟著去室外浸，室內和室外嘅溫泉都同琴日下午頂層嘅一樣，浸係水度d皮膚有d滑滑感覺，浸完皮膚真係好滑！

室外都有得沖身

9:08 再去手信店買d野

9:10 因為有少少行李，所以睇定陣間坐接駁車時間

9:54 房間嘅景色，今日藍天白雲，天氣好好呀！

10:00 再見啦！下呂溫泉水明館

10:03 Check out，再寄存行李，出去溫泉街行一陣再返黎

水明館
一泊二食 33480yen/2 人

由旅館行出去

幸運招財貓

10:12 手信紀念品商店

有飛驒冬菇1300yen/包

呢個湯名人手形只需1300yen, 就可以在指定嘅溫泉旅館揀當中3間浸溫泉，不過要注意，

每間旅館都有不同的時間限制，所以我研究過唔係好啱我個行程，除非我一早就黎玩一日！

呢度都有飛驒牛乳，但牛乳好水水，好似溝左水咁，牛乳味唔濃，同明治牛乳冇得比，但橙牛乳反而幾好飲，至少，我未飲過咁嘅組合！

10:21 又係買酒嘅地方

信州特產係蘋果，但我竟然冇試飲下蘋果汁，一來太多選擇，二來蘋果汁冇咩太大吸引力，好飲極都好似走唔出太大範圍，就好似什麼糖心蘋果，我反而覺得太甜，唔鍾意！

上面兩款係特別啤酒，點解左邊有英文翻譯Bitter & Sweet, 右邊冇嘅？左邊係人氣商品？！

最後揀左下呂茶，冇理里一早就飲啤酒啦！不過，下呂茶都冇乜特別！'

10:33 去JR下呂駅用pass換左兩張往名古屋嘅指定席先！

走個陣，初初問駅長就叫我地去3號月台10號車卡，咁我睇我嘅車票明明寫著4號車卡ga! 點解要去10號車卡呢？！

跟著又從10號車卡走左去4號車卡，個度根本冇人排隊，得我地兩條友，諗諗下，可能因為車短，4號車卡會停係月台10號車卡喎，我地又走返去10號車卡，結果，4號車卡真係停係10號車卡位置！

10:34 歡迎下呂溫泉^^
有機會，會再想黎！

10:50 行

晚上另一選擇，可吃呢間鰻魚飯，聞說好吃過名古屋蓬萊軒，不過我今次冇機會試！

小川屋房間舊d但CP值高，景又靚，曾經有考慮過住呢間！
 

11:00 向溫泉博物館方向行

差利

11:08 到左下呂溫泉博物館

下呂 溫泉博物館 0900-1700
岐阜縣下呂市湯之島856-1
電話: 0576-25-2462,
FAX: 0576-25-4601
休館日 每週星期四（逢假日延到翌日）
門票（含稅）：大人（中學生以上）500日圓，兒童（小學生）200日圓，團體（10人以上）

整postcard

11:16 印左紅色先

再印藍色

11:20 最後印埋黑色，Postcard就完成！

再整多次！

11:31 博物館內都有足湯，不過冇人浸，成個博物館得我地兩條友

11:33 五月份都竟然可以睇到紅葉，天氣真係好反常！

11:42 跟著黎吃溫泉蛋雪糕，就在下呂溫泉神社旁

呢度都有下呂麥酒和布丁賣

11:47 可以一路足浴一路吃雪糕，不過要小心點吃呀！唔好倒瀉或滴落溫泉池呀！

不過我冇浸腳，係旁邊枱食

好特別！值得一試！

溫泉蛋雪糕出色過布丁好多！

11:52 布丁俾你個陣係凍嘅，亦有熱布丁，左邊係雲尼拿，右邊係朱古力，不過個牌寫著要俾左錢先好攞！

12:11 返酒店攞左行李，就到JR下呂駅等車返去名古屋啦！再見啦！下呂溫泉！希望有機會會再到此一遊！

有好多儲值咭都唔用得

12:17 再見水明館，下次黎應該唔會再住呢度，會試下第二間

返到名古屋已經下午2點，但其實仲未吃午餐

之後仲要趕轉車去長島駅再轉巴士去名花之里 (但在名古屋轉車時先知唔係去長島駅，好彩問下人，同埋阿姐好人走過黎通知我！詳情陣間交代)

我同事參加嘅旅行團今日上山，但天氣唔好，漫步大雪谷暫停開放，真係唔好彩！

不過，原來佢地個導遊好醒，盡量在山上拖到最遲先到室堂，當時天氣唔太差就靜靜帶團友出去，當然，呢個做法唔鼓勵，

但同事幸運地能睇到雪之大谷，只不過行唔到去最高點就俾職員勸籲折返，如果唔係呢個導遊，相信就睇唔到雪牆啦！因為全日好多團都冇得去雪之大谷

當時仲一路check究竟係去JR長島駅，定係近鉄長島駅

今晚就去鳥開買燒鷄翼返酒店吃！

亦計劃左今晚吃呢個雞肉飯

14:25 先返名古屋三井花園酒店lobby寄存行李先，唔夠時間check in啦！

14:33 然後趕去名古屋駅揾轉車，其實我得20分鐘時間，就開車，又要係車駅搵locker，又要買車票，又要搵搭車，好趕！
如果真係趕唔到，唯有坐14:31班車啦！

好彩有問人，因為原本上網搵資料去名花之里係要去長島再轉巴士，但可能某段時間先係去長島，定已改左，今次係要去桑名駅再轉車，好彩女職員專登走過黎話我地知，仲陪我地買車票，仲幫我地講俾售票員知，因為時間好趕，只剩一兩分鐘，女職員仲指引我地陪我地跑去月台，係上車前一刻，女職員仲同車長confrim多次，驚我地上錯車，真係好細心好盡責嘅女職員，終於趕到車！多謝妳！

14:36 頭先係便利店求其買左d三文治坐車時充飢

14:41 開車

今日天晴，氣溫舒服

15:03 桑名駅一出要向箭咀方向行

15:04 見到有架巴士停係度，係唔係呢架呢？
問司機，原來下一架先係！

呢架巴士凖備開出，但有個男人從後追上，司機都停底架車俾佢上，好有愛！

今日係星期六，所以每個鐘10、40分有車

有架麵包超人巴士黎左，不過我唔係搭呢架車

15:05 往名花之里嘅巴士到站啦

上車時冇得攞整理卷，咁諗住一個站算啦！落車嗰陣，原來可以用suica，但係拍極都拍唔到咭，可能一上車應該要拍一次咭，anyway, 最後司機整兩整就可以拍咭啦！— 在 Kuwana, Mie

15:19 呢d一舊舊係咩黎呢？

經呢條個陣超大風，車門都吹到呯呯聲！好驚係橋中間被風吹到反車^^

15:22 到名花之里啦！

15:25 落車啦！

星期六、日回程時刻表

回名古屋係呢度等巴士

入場費1600yen

15:28 去買門票先！

15:30 原來今年係名花之里20周年纪念

雖然門票成1600yen咁貴，但其實佢送返2張500yen俾你可以係餐廳、商店或另外要收費嘅場館使用！

15:38 呢隻味嘅軟雪糕好特別喎！未見過！不過冇吃啦！

名花之里限定啤酒

15:44 呢個花園未開花！

行左冇耐已經見到有餐廳，好吸引！可惜時間唔多夠！行下先！

15:53 有富士山，其實係一個會升高嘅觀景台

冇人排隊！緊係啦！都幾貴！而且呢度人流亦唔多！

觀景台升高左會係咁，中間有個窿，降落時啱啱套住地下嘅富士山

15:58 已經差不多4pm了

呢度有夜間燈飾時會好靚！

花海

呢兩個大媽坐係度傾計，阻住曬影相！

16:38 因為有個玫瑰園需要另外收費，既然一場黎到，睇埋佢啦！打算用門票送嘅1000yen購，初時問收票職員，佢話唔用得，我地再問售票員，就話得，買左啦！

好靚！女士們應該會好鍾意，因為唔夠時間，所以睇得超趕！

16:45 呢度可以幫你影相，大張要收費1200yen，細張免費

16:50 好啦！要急速前進啦！走馬看花！如果唔係趕唔到呢班巴士，就要再等一個鐘頭！跑到我氣咳！

17:00 我5點左右就好趕咁睇完d花，剩返15分鐘要跑返去巴士站，跑死我！因為玫瑰園已經係名花之里最入面><

好彩都趕到，仲有兩分鐘可以俾我喘下氣！當時好大風，好多等車嘅乘客都躲在一個候車屋仔避風，唯獨我跑到身水身汗，所以係度涼下風！

Check定時間，陣間去到桑名駅坐17:43呢班車返名古屋

17:26 巴士返到桑名駅啦！

離開巴士駅，就坐JR桑名返JR名古屋

原來可以搭17:37早一班車喎！

但因為大風，班車delay左半個鐘啦！見到有車到就上，個個都上，都唔知仲要等幾耐，所以都唔理係唔係特急，結果係慢車站站停><

好似名古屋駅附近呢間藥妝店平d，所以今晚稍後時候去

藥妝店係呢個位置

18:36

另外，名駅都有PABLO, 要去買限定蛋糕先！^^

呢款係周年祭限定，可惜已sold out

18:42 呢款係新嘅流心芝士蛋糕，明天臨走時買返香港試下！

今晚買呢個季節限定桃蛋糕明天做早餐, 連稅要2000yen, 好貴><

呢兩款得呢三日有得賣

蘋果芝士蛋糕

好靚！好似玫瑰花咁！

18:47 附近仲會有世界之山手羽先(燒雞翼)

仲有丼丼亭

18:57 去左Pablo附近間超市，好大好粗嘅青豆呀！

19:00 聽聞今個月份係沖繩菠蘿當造，但呢度係賣台灣和菲律賓，所以冇買

咁啱遇到減價，半個蜜瓜-200yen！原價要598yen, 好抵呀！諗左好耐，結果買左兩份都係赤肉，點解唔買左一份赤肉，一份青肉呢！最後兩份赤肉已在我手中^^

亦買左盒長崎枇杷試下，成1080yen盒，可㨂一盒3/4/8粒，真係有點貴！自己傻左，冇得減竟然都買左一盒

19:08 日本都有葡撻

19:47 晚飯前去左高島屋嘅Tokyu Hands & 西口嘅Bic Camera行下

Tokyu Hands 名古屋店 1000-2000
052-566-0109
名古屋市中村区名駅1-1-4 ジェイアール名古屋 タカシマヤ内 4F～10F (JR名古屋駅直結)

地庫有namco夾公仔

想買呀！><

20:16 地庫namco夾公仔冇咩吸引到我想夾

地方唔係好大

20:20 Bic Camera都有酒和零食買，呢款奇異果啤酒我好有興趣買！

呢層仲有相機袋，好多款，睇左好耐！

呢幾款當中有幾隻味都好好飲，桃有28%果汁、菠蘿有20%果汁，呢兩款超好飲，其他一般！

呢隻就係高山味藏天國飲過嘅啤酒，之前唔識佢，好飲！

呢d果汁含量都好高！

我有買呢盒卡樂B東海限定手羽先薯條，硬身，但冇乜手羽先味，甚至可以話冇咩味！

呢款有點似雞塊，味道極似世界之山燒雞翼，當然啦！佢自己出架麻！都幾惹味！

20:55

21:10 跟著去名駅13/F吃鐵五雞雞飯，但結果改裝中冇得食，唯有求其搵間，因為超肚餓，最後揀左12/F竹葉亭鰻魚飯, tablelog都有3.58分！
https://tabelog.com/aichi/A2301/A230101/23000313/

我應該會叫下面個「楓」3880yen

21:18 其實椿、楓、櫻分別在於size, 另外可揀麵豉湯或鰻魚肝湯，因為未試過鰻魚肝湯，所以就叫左試下

另外亦有鰻魚飯三吃3460yen, 汁可揀江戶前或名古屋，名古屋汁就甜d，江戶汁就冇咁甜！

21:33 敎你點鰻魚飯三吃

鰻魚都ok好味，皮都幾脆，但唔知點解始終炭烤味唔多夠，鰻魚汁唔夠好味；湯係清湯，我覺得都係麵豉湯好味d，鰻魚肝吃左，冇咩味咁！

快d影完開餐啦！好肚餓！

表面都烤得幾脆

鰻魚飯三吃

21:47 服務員叫岡本^^
一定係一位貼心嘅服務員

吃完餐廳已經唔再接待客人啦！

介紹江戶前和名古屋鰻魚汁既分別

10:04 呢間藥妝營業至11pm

跟著去左藥妝買d藥

22:43 去鳥開買燒雞翼返酒店吃，途中經過伍味酉，不如聽晚黎試下啦！

22:44 鳥開都好出名鷄翼，不過即order即燒，所以都等左10分鐘左右，佢間店個陣得一位顧客^^
但雖然我只叫一份鷄翼，但都服務態度好好👍🏼

23:19 鳥開一份得三隻雞翼要720yen，都有d貴！

比世界之山少兩隻，不過鳥開大隻d，鷄翼係炸嘅，唔係好咸，有少少胡椒，皮都脆，但味道我都比較偏愛世界之山，而且價錢平d！
但有點人可能就會鍾意鳥開，冇炸得咁乾！

00:13 酒店房夜景！
去大浴場沖下涼先，再返黎吃生果！

吃水果

01:21 我好俾心機去曬皮先吃架！但冇琴晚嘅好吃，唔夠熟唔夠甜！><

仲有盒魷魚刺身！鍾意左吃日本嘅魷魚刺身，又Q又彈牙又煙un又鮮甜！但同生果放埋一齊就有d怪！仲要當時冇攞醬油，盒入面係冇醬油架！><

Call落前枱問有冇豉油，點知又話冇，咁我建議放係雪櫃，明天揾下有冇豉油，聽晚先吃啦！

01:26 最後飲埋呢罐桃汁酒，雖然有31%咁多果汁，又話用左1/2個桃，但麻麻地好飲，唔夠suntory premium 桃好飲！

一路吃野都有一路執下行李，不過訓覺都2am啦！好攰！要訓啦！

明天搭9:37am班車去伊勢