醜小鴨愛自遊

(Day 4-花蓮、羅東、勝洋水草休閒農場、宜蘭車站幾米公園、江記華隆豬肉紙、這一鍋麻辣火鍋、台北西門享樂文旅)

07:41 早晨 Day 4
今日主要去宜蘭水草餐廳、返台北吃麻辣火鍋^^
宜家係飯店吃早餐先！本來今日約8:30am酒店大堂集合，但琴晚訓得唔好，6:30am就起左身><

07:45 不過呢4日嘅早餐真係一日不如一日，今日冇咩野吃又唔好吃！求其吃少少就算，因為陣間要自行去坐火車

08;19 約左大家8:30am係大堂集合

08:26 因為我早落黎所以仲有時間周圍影下相

08:27 對面咪就有花蓮香城大飯店嘅專用停車場囉！琴晚司機猛話唔知停邊唔知停邊！周圍搵！一早講左住邊，冇做功課，冇問飯店嘅咩？

同日本一樣有靚靚水渠蓋，不過當然日本再靚d啦！

08:30 Check out, 交還8間房房卡&鎖匙

08:42 由香城大飯店行去花蓮火車站都好快好近，呢度起緊花蓮新站，好靚好有時代感！

乜後面座山有咁高咩？睇唔到！

08:44 我地坐9:15am班車 自強 407班次，早左半個鐘到，早小小好d嘅！又唔知環境點，揾唔搵到！

08:48 呢個係指定席，咁就唔使驚冇位座啦！

原來團體入閘可以唔使張張打窿，有一張大票，俾張大票佢打就得！出閘時交張大票俾佢就得，咁呢張票就可以自己保存留念，我地回程先知！

08:55 離開花蓮啦！大家大合照啦！真係影得好靚！

08:58 自強號黎啦！大家紛紛同佢合照！

09:13 我地同一班台灣學生坐係同一車廂，有個女老師帶住佢地，佢地坐係前面，我地就坐係最後面！

09:46 呢支煙通都好特別喎！

10:16 原本計劃係黎蘇澳冷泉浸腳，不過因為陰陰天又凍，大家都唔係好想去，返而想去羅東買諾貝爾嗰d，所以我地就直接到羅東啦！

下次有機會再自己黎花蓮玩太魯閣和浸冷泉啦！

10:49 黎到羅東嘅諾貝爾，大家買買買！

11:01 呢d我冇咩興趣，所以企係一邊等佢地

11:32 跟著到左宜蘭勝洋休閒農場餐廳，我唔明司機㸃解唔車我地到門口再自己去泊車，由呢度行去好遠，又唔知旁邊有條路可以有蓋行去餐廳！

今日呢餐我地係8個人吃10人份，所以就諗住叫司機同我地一齊吃，佢唔知係客氣定想休息所以話幫佢打包一個飯盒就ok!

咁我地就聯絡餐廳睇下有乜野可以打包俾佢，點知餐廳竟然可以提供司機餐俾佢，叫司機到櫃檯搵佢就得，仲要係免費！我地都唔知有呢d野！早知之前幾間餐廳都問下有冇司機餐提供啦！又學到嘢啦！

我地就係兜一個圈去餐廳

沿途風景

呢度轉左就到

11:37 我地訂左兩圍最貴嘅NT$6600已包加一，另外加導賞團，加NT$800，係成團NT$800，超抵！講左二十幾三十分鐘，要預先落訂架！

呢邊係DIY, 要俾入場費，如果吃飯就包左入場費

呢度仲可以DIY生態瓶，入面可以放蝦仔㗎！我今次黎要整！

11:43 什麼狀況？原來係其中一個團友佢係宜蘭人，佢嘅小學同學（好似係）知佢黎左宜蘭，特登揸車黎見佢，仲送左盒奕順軒蛋糕俾佢同我地吃！盡顯台灣人嘅熱情！

11:44 襯住宜家冇落雨，導賞團左先啦！
呢位年輕人都幾風趣幽默！佢話見到我地落車行馬路過黎比較危險，其實可以由停車場行捷徑快d安全d又唔怕兩淋><

11:52 先導賞再吃野，了解多左，吃起上黎特別有感覺！可惜有好多水草或植物要夏天先有，冬天入饌唔多！

導賞哥摘左D水種葉俾我地試味，就咁放入口吃，原來有好香既八角味架！^^

12:00 青檸?

地下有介紹植物名稱

楊桃

12:09 好得意嘅植物，未見過！

12:12 夏天會見到大甲蟲，佢哋會向上咬而唔會向橫咬，因為向橫咬會咬斷棵樹！

12:16 導覽哥哥話唔好睇呢隻狗外表得得意意，但鍾意成日吠，haha講得好搞笑下

12:16 導覽完畢，去餐廳吃午餐啦！咁啱就見到司機吃完出黎，表現得好開心和滿意話好吃，多謝我地，唔洗客氣^^

嗰邊兩圍好似係老同學聚餐

12:20 呢邊係for 少人即係唔係吃圍餐，咁吃咩呢？係吃無菜單，以西餐為主，都係NT$600未加一，咁我覺得圍餐抵吃好多啦！不過首先你要夠人多先得！

12:21 首先水已經有驚喜，通常水入面係檸檬、士多啤梨之類，但佢加左幾塊葉，變得好清香

我地叫左最貴既餐 NT＄6600

12:33 首先第一道係海魚刺刺身大拼盤魚生好新鮮，不過一條魚得切一邊，問侍應會否利用埋另一邊，佢話會煮另一樣野，但另一條魚黎原整的一條，而且比呢條還大！

蟹柳只係普通假蟹柳加木魚
帶子冇乜特別
螺肉加沙律醬又冇乜特別
最後個兜竟然有點似煙鴨肉絲

呢間餐廳嘅擺盤都有講究，都好靚！

我呢圍枱合照

隔離枱合照

12:37 薄荷金絲和風鴨？！味道冇乜特別！

12:42 雜綿海鮮扣翅，其實應該唔係真翅，好似香港碗仔翅，不過味道OK

12:49 古式紙包胡椒魚，味道一般, 不過台灣蒸魚一般偏過熟！諗起立川漁場條鹽烤活力鯛真係好味好多！

12:54 勝洋招牌田香豬腳，呢個好大個！

12:56 多謝團友幫忙分C, 味道OK la, 我對豬腳喜好一般，所以吃少少就算

13:01 法式麵包咖哩蟹，呢個蟹幾好吃，但咖哩汁麻麻地，唔係我地鍾意食嘅個種咖哩汁，呢種蟹好少見，我好似第一次吃，不過就細隻d，d肉少左點！

13:08 碧玉時蔬燴三鮮，有點大雜燴嘅感覺！味道冇乜特別！

13:26 香酥金黃三味品，吃到呢刻已經好飽，都唔係好吃得落d炸野，呢度好似有燒賣、海鮮卷、炸芋丸！

原本冇人郁咁話打包啦！一話打包就個個開始夾^^

13:27 之前已經吃左個扣翅羹，突然再黎一個清香蓮花燉土雞，都話台灣人一餐好鍾意飲兩個湯啦！

個湯好好飲，不過真係好飽，所以d雞肉都冇乜點吃，浪費晒！><

最後呢幾樣停左上菜，停左好耐，我追單先繼續上菜，如果唔係我地就有多d時間可以行下呢個水草農場

13:29 再黎一條大魚叫鮮露清蒸海上鮮，問你死未！飽死未！蒸魚真係香港強項，呢條魚又係蒸得熟左點！

呢條魚應該係第一道刺身一半做左刺身，另一半話要蒸，唔知點解一蒸就變大左！

其實做埋刺身咪好囉！如果呢條係人地做刺身個條咪好多肉？我地刺身個條好細條><

13:37 終於見到尾聲啦！當季新鮮水果！我唔搶遲一步就連最後西瓜和芭樂都冇得吃^^

13:38 呢個甜品好靚呀！個個爭住影！

係蓮花果凍，加上面頭紅色酸酸甜甜地嘅汁，好好味！作為一餐最後甜品真係劃上完美句號！

13:57 呢邊係for 少人即係唔係吃圍餐，咁吃咩呢？係吃無菜單，以西餐為主，都係NT$600未加一，咁我覺得圍餐抵吃好多啦！

不過首先你要夠人多先得！客人已經走晒！

唔可以碌卡

養殖方法：

生態瓶入面可養火山蝦，基本上唔需要換水、唔需要餵食已可以養兩年或更長時間，只要每天室內燈光6-8個鐘，唔好俾陽光曬到就得

仲有天氣瓶

亦可DIY水草瓶

14:10 呢個size包一隻蝦NT$500, 加一隻加NT$150, 所以我total係NT$650, 只養一隻蝦太孤單啦！

先將呢d死左嘅珊瑚塞入去，佢好有彈性，冇咁易整爛

14:14 連埋我只有3個團友有興趣DIY, 呢位團友整大玻璃球，NT$620包一隻蝦，佢另加3隻蝦仔，$150x3=$450, 大玻璃球和4隻蝦一共NT$1070

14:15 跟著入沙，入一隻妞妞就得！一隻妞妞即係一隻尾指嘅高度

14:17 跟著過水，要過7次，洗乾淨d沙

14:19 跟著過水，要過7次，洗乾淨d沙

14:25 然後倒入一半咩水，導師會再加營養液

14:25 導師話營養水夠啦，團友好懷疑點解咁少少，偷偷加水^^ 其實之後會再加營養水架！

3個人DIY，但有十幾個圍住䏲^^

14:26 呢個我嘅

14:37 派蝦仔啦！導師話蝦仔會睇心情變色，如果嚇親佢會變白，我真係試過，因為右邊個隻蝦望到我之後就變左白色，兩日後先變返紅！導師會教你點運返香港！玻璃球亦會包得好好！

團友4隻中有一隻特別白，團友想換，但導師冇換，只話係嚇親蝦仔，會變返紅，但返回香港好多日都係白色，我地改左佢個名叫小白，好易認得佢，不過團友有日打掃唔知點解整爛左個玻璃球，結果4隻蝦仔先後死左.....

14:40 DIY完時間都唔多，係咁易睇下走人

14:42

14:43

14:44 呢度係原木筆體驗，要整一個半小時

14:46 上車啦！係上旅遊巴，個司機又俾説話我聽，如果佢態度好d就叫溫馨提示，因為去完水草餐廳，我地係想去一去陽蘭博物館，因為回台北都ok順路，就算唔入去，去望下影下相都好，

但佢話今日星期日會塞車，又話陽蘭要入場費，入左去我地冇咁快走, 會好耐>< 我話咁回台北會經過幾米車站喎！司機又話會塞車，我地跑咁多點，佢話同我講左佢要7pm走，咁我就搵第二個領隊

15:17 黎到宜蘭市區又落雨><

對面係幸福轉運站

15:24 向左走向右走

15:26

15:28

15:33 跟著行黎宜蘭車站

15:43 我地問司機可唔可以黎宜蘭車站接我地，個陣又落雨，路程又唔係近，但司機話個度唔可以停車，又要我地13個人冒著毛毛雨行返去><

15:52

18:00 因為團友想買豬肉紙，所以趕住7點前到台北迪化街江記華隆買

今次司機停個位置好好，停係外街，但教我地行條巷入去好快到，唔使兜一大個圈，捷徑真係好方便！又一啖糖！

因為之前已買過豬肉紙都OK好吃嘅！不過每次一開就要快d吃！又熱氣！所以今次冇買！

諗住買厚身d嘅原片豬肉紙試下！咁見有得試食緊係試下先買啦！

結果試完好似豬肉乾但Un Un地，好似d豬肉紙擺左兩星期，又乾又柴！慳返！唔使買！

18:44 跟著去位於台北車站附近嘅酒店check in, 放低好行李！8間房有4間係upgrade左3人房，一張雙人床和一張單人床，房間會大d，咁我地黎抽奬啦！最公平！

18:53 放低行李好落lobby集合啦！要去吃晚餐！
架𨋢好慢！等好耐><

有間房係正𨋢對面，D隔音咁差，住客出出入入肯定嘈死！

18:57 呢d訂左嘅手信和釋迦等吃完晚餐返黎先再分啦！

19:00 吃早餐嘅地方就在大堂

19:05 呢架車就係接待處，但d職員好豬！辦事能力低！點解？遲D話你知！

19:28

黎到大安區信義路嘅這一鍋吃麻辣火鍋，落車就見到台北101大樓

因為呢度得6人枱，所以分兩次就成功訂左4張4人枱，仲可以網上訂位添！

我地訂左8pm, 但諗住早d到就早d吃啦！所以7:30pm就黎到

如有年長者、娃娃車、孕婦、行動不便，本殿提供電梯服務，請洽服務人員

但個陣唔記得左

Full曬！好多人！見到咁，對呢間店都有d信心！

19:35

19:43 等位中研究下個餐牌先！

四人餐抵吃好多，所以都向團友介紹4人餐簡單d，另外亦都建議團友叫鴛鴦鍋要一品酸菜鍋和御膳麻辣鍋，叫酸菜鍋酸菜可以任加，叫麻辣鍋鴨血和豆腐可以任加！正！

下面有d款色要自選，因為已有神仙牛肉，所以揀左梅花豬肉，另外㨂左海鱸魚、老油條、水蓮、奶油蒿萵苣叫最貴嘅實無死^^ haha !

散叫

我上網睇過好多網友講呢度嘅御膳麻辣鍋唔辣，因為佢俾你一定係小辣，除非你要求加辣，咁對於唔太吃得辣嘅團友就非常好，可以慢慢因自己程度再加辣！
對我黎講就唔係好辣，可以加多一級！

而一品酸菜鍋呢，酸菜唔夠酸，劉家酸菜鍋比較酸d，不過當清湯底都OK

我地叫左呢個盛合蝦拼，可以一次過試到不同國家嘅蝦，有阿根庭、阿拉伯、印尼和兩種菲律賓

20:36 黎左個鼎！

左邊一品酸菜鍋，右邊御膳麻辣鍋

團友老公不嬲對麻辣麻麻地鍾意，唔鍾意搞到個咀麻曬，我估佢指四川既麻辣，我話台灣d麻辣係香辣唔麻架！結果佢都接受到台灣麻辣，而且我地只吃小辣，啱曬佢唔多吃辣！

另外酸菜鍋我覺得ok好味嘅！啱我！我唔太鍾意好酸，但有團友覺得唔夠酸，咁劉家酸菜白肉鍋就會啱佢多d！

20:37 出煙嘅係神仙牛肉、下面係梅花豬肉，d丸就麻麻地好吃

20:41 呢d配料其實都冇咩特別！主要都係吃肉和鴨血

鴨血好好吃！我鍾意台灣嘅鴨血可以做到外層煙un, 裡面幼滑又入味，又厚身，比起另一家出名的麻辣店但用薄切鴨血，厚切會更好味，所以我冇揀去薄切的鴨血店。

團友老公本身唔點鍾意吃鴨血，不過今次黎這一鍋令佢改觀，佢都話d鴨血好吃！

麻辣鍋除左鴨血，豆腐都好重要，不過呢間嘅豆腐就冇鴨血出色，我吃過更好吃的豆腐，所以我豆腐吃少點，狂吃鴨血！正呀！

叫麻辣鍋，鴨血和豆腐都可以無限任加架！任加呢樣野香港就無可能做到啦！

杏鮑菇

海鱸魚

老油條

呢壼冬瓜檸檬沙冰係送嘅！都幾好飲!

20:57 呢支18日台灣生啤酒好特別，好少見，所以一睇menu就想叫！

一坐低就落order, 啤酒等極都唔黎，追左幾次先黎，蝦又係咁，即係出套餐就冇乜問題，另外叫個d就遲遲都唔黎，出菜方面有待改善！

呢支啤酒真係幾好飲！飲得好開心！^^

大腸係麻辣鍋嘅絕配，呢個好吃！

21:06 水蓮係台灣既山地菜，係香港好少有得吃，爽爽脆脆幾好吃！

我估呢個應該係奶油萵苣

21:23 盛盒蝦拼終於黎啦！之前講過啦！可以一次過試到不同國家嘅蝦，有阿根庭、阿拉伯、印尼和兩種菲律賓！

紅色係台灣蝦，冧身啲有d莓莓爛爛咁！麻麻地！最搞笑係紅色隔離黑黑地色一節節呢隻叫肥豬蝦，話似龍蝦，頂你個肺，味道和質感真係似吃緊龍蝦喎！

黑色隔離白白地色叫做藍鑽蝦
最細係生態蝦，隔離係香蕉蝦，話蝦膏有如蟹膏
因為最後大家都想走，所以將最後兩隻蝦一次過拍落口，試唔到分別！

21:42 最後送上每人一支乳酸飲料

滿城盡帶黃金甲？！

22:25 都唔係貴，我地呢枱叫左兩支啤酒，一碟拼盤蝦，吃左NT$3480，即係每人NT$850, 二佰零蚊港紙，大家都吃到好飽好滿足好滿意！我都好開心總算冇揀錯，不過相信仲有更好嘅等住我地去發堀！^^

吃這一鍋 有福同享有禍願意分
這一鍋　美好前程跟我再追尋
吃這一鍋　創出潮流我號令八方
這一鍋 光榮歲月　由我掌舵
Hotpot going next

22：38 吃完火鍋，原本計劃係帶佢地去西門町行下，飲下苦瓜汁，不過團友們可能都覺得攰想返酒店執野，所以我地搭捷運返酒店啦！有d團友係第一次搭捷運架！

參加旅行團邊有咁多體驗，上車落車，風景，團餐好悶，自由行好玩好多，可以揀自己鍾意吃嘅嘢，自己想去邊就去邊 ^^

不過我地出國講嘢盡量細聲d唔好影響到其他人啦！^^

22:50 台大醫院站嘅月台

23：00 返到黎台北車站

23:11 返到酒店啦！要分左d釋迦和訂左嘅手信，另外兩位領隊團友好好人，叫其他人返上房等，佢地分好一份份就會whatsapp佢落去lobby攞，

因為酒店lobby好淺窄，咁多人企曬係度，費時阻住人地！真細心！

台北西門享樂文旅 (Ximen Hedo Hotel Kaifeng Taipei)
No 35, Section 1, Kaifeng Street, 台北車站, 台北市, 台灣 10044

約HK$500/晚

叫大家團友都要攞返張酒店卡片，因為明天最後一日自由活動，6人去吃無菜單日本料理，另外10人去吃台菜，之後各自去shopping然後返酒店集合去機場，

而我吃完午餐後就會離隊stay behind 多一日先返香港！所以大家要有卡片有地址先識得返黎酒店！

間房真係細到無倫，我雖然第一日已經有話我地個團嘅特色係越住越細，俾左心理準備大家，不過真係細左d，因為最後一日唔包車，

要就大家攞行李去台北車站坐機場捷運，所以住近台北車站就會方便d，不過選擇不多，而且房間都不大，又要控制成本，唔想團友住得太貴，不過當初說好的18平方米呢？

因為要訂8間房又唔夠兩床房，咁唯有我底諗d住大床房啦！

當時係agoda訂，話係18平方米，睇相都好大，結果實際好似得14-15平方米，酒店有點欺偏成份，房間真係好細！連一個喼都唔知點放點打開

最憨居係佢有張工作枱，理應可以俾人放電腦或其他野，但枱下竟然係冇插頭，要有拖板拖到電視機下面，或將notebook放係電視下，設計真失敗！

電視機好大部，但下面只有兩個萬能插頭，香港三腳插都插到，唔使再用轉插和兩個USB插頭，塊鏡細得可憐

我想要多兩個枕頭，打去前枱個女仔聽，佢話幫你搵下啦！有就有，冇就冇！我哦...就收左線，結果等.....等極都冇，咁究竟有冇呢？
又唔知佢係唔係唔記得， 我就打去前枱問，一個男職員聽，佢又係話有就有，冇就冇！
我聽到火都黎，你冇係唔係應該打俾我話冇呢？我點知要等幾耐，我點知你要揾幾耐，你話我知冇我咪唔使再等囉！咁簡單都唔識！

跟著我又問係唔係得兩個插頭係電視機下面，佢話係呀！咁我唯有自己再搵下，諗住最多唔用佢個雪櫃！一拉出個雪櫃，原來入有有兩個插頭，可以用雪櫃之餘仲有一個位用！

23:18 d制係幾靚嘅！

兩條大毛巾要前後掛唔方便攞

廁所好細下，洗手盤好細，擺位又好唔就手，要關門先用到，呢間酒店唔會再黎住，亦都唔推薦大家黎！