醜小鴨愛自遊

(Day 15-淺草、湘南單軌電車、江之島、魚見亭、生熟白飯魚飯、江島神社、龍宮大神、奧津宮、展望燈台、稚児ヶ淵、牛かつ吉列和牛、The Gate Hotel)

9:16 早晨-Day 15
今晚係留係東京最後一晚啦！聽晚返香港啦！今日主要行程係去江之島，因為之前一次去左鎌倉先再去江之島，都已經入黑，時間好趕，

今次剩係去江之島，同埋上次冇吃白飯魚刺身飯，今次要吃！

9:17 今日得江之島嘅行程，所以唔使太辛苦，今朝8點鐘起身，9點吃早餐，繼續吃琴日買嘅PABLO期間限定菠蘿芝士蛋糕，味道一般，有好多椰絲，

新鮮菠蘿算係甜，但又唔及台灣菠蘿又香又甜！又試玩左酒店房部咖啡機，但味道又一般！搞下搞下，都吃左45分鐘先出到門口！

去到The Gate酒店地下部𨋢, 佢有d投影好似置身海底，就好想扮下游水啦！出面有個阿伯都走入黎睇我做乜鬼！尷尬😅

拍攝個條友技術又差，竟然唔係只拍上半身，你拍埋隻腳點扮游呀！

10:03 樓下嘅超市亦係啱啱開，咁心諗買定d水蜜桃帶返香港俾阿媽吃和屋企人分享下，聽日都冇時間了！

最右邊冇蓋既係特秀, 但只係498yen一盒兩個, 買左一盒，要揾一個有蓋嘅盒俾佢

咁每種產地都買一盒試下，呢個係岡山縣產680yen一盒兩個

又係好難溝通之下攞到個箱裝住d水蜜桃，冇咁易爛！

呢個黃金桃係長野縣產, 498yen一盒兩個, 既然覺得黃金桃好吃d，不如買多兩粒啦！所以買左兩盒!

呢個係山梨縣產980yen一盒兩個,
Total買左10粒，啱啱好可以放落個箱度，攞返酒店放好先再出發

10:10 又去淺草觀光案內所蓋一個今日日子嘅印章, 再去搵都營淺草線，再坐去大船

淺草搭〝都營淺草線〞(往羽田方向) 到新橋站，再轉搭〝JR東海道本線〞(小田原方向) 到大船站。

10:15

10:36

11:25

11:27

11:28 係大船駅，係個度買張湘南電車pass 700yen, 可以搭江之電和單軌電車，初時以為一定要係大船綠色窗買pass, 原來係自己個度嘅自動售票機都可以買到

購買〝鎌倉/江之島通票〞當天可無限次數搭乘〝鐮倉、江之島地區的JR線〞、〝江之島電鐵〞和〝湘南單軌電車〞。

通票可在大船站、藤澤站、鎌倉站、北鎌倉站的JR售票機買到，售價：成人¥700

從淺草出發至鎌倉/江之島來回交通(JR江之電/湘南單軌電車)

關於「湘南單軌電車」

小田急 江之島・鎌倉一日票 售票機購票教學

11:34 到大船站，然後從南改札出站口出站買〝鎌倉/江之島通票〞再前往7&8月台搭乘JR橫須賀線前往鎌倉。

如果你要搭湘南單軌電車，買完通票後直接往星巴克那個招牌方向過去。(由大船站＞湘南江之島駅約15min.)

11:36 由大船駅行到去單軌電車，一去到有架車準備開出，即刻求其影兩張相就衝上車

後來先發覺呢個駅係有紀念印章可蓋，回程先再蓋啦！

個單軌電車都幾得意，有點似過山車，當然冇過山車咁快，冇離心力！

11:53 大約十幾分鐘就到達湘南江之島駅

12:01 湘南江之島駅行出去，行一陣就到JR江之島駅

12:02 駅前有兩個欄杆，每個欄杆都有四隻雀，每隻雀都有顔色鮮艶嘅冷衫著住，好得意可愛！

12:08 江之島展望台nano block

？

風流亭? 有幾風流先 ^＾

12:17 繼續行前小小就會見到個觀光案內所，入去蓋下印章和問下有冇得坐船去魚見亭下面個邊400yen，可以先去食左個午餐先，原來今日冇得搭，咁唯有來回都用行啦！

12:24 經過觀光案內所條橋向前直行就到小田急線嘅江之島駅

12:27 呢個站外型好特別，好似龍宮咁！呢度我之前都冇黎過，所以係度影下相！

買左一個去沙灘曬太陽用

角落有個雀巢

陣間就係要去吃呢間魚見亭

魚見亭位置係最右邊，奧津宮附近

12:41

12:47 今日冇得搭船，唔知幾時先有得搭呢！

望到江之島展望台

12:50

13:02 青色既鳥居

13:06 因為都肚餓啦！又有排行，所以買左個白飯魚可樂餅頂住先！

有江之島郵票和Post Card售買

13:07 見到hello kitty cafe，呢間食物好多款色，好靚，雖然我對冇咀貓，呀！唔係！係冇咀少女冇咩興趣，不過見到咁靚都影返幾張相！

13:11 行前d見到上次吃嘅即制章魚餅，依然好多人排隊，今次唔食呢間，試下上面個間，可能人會少d！

13:13 去到江島神社影左一陣，人太多，影咁唔到咩靚相

13:23 入去江島神社左手邊係付費扶手電梯，唔使行，上次試過搭，今次試下行上去！初時唔肯定行唔行到，又唔知有幾斜，但睇google map應該行到架喎！話大約行8分鐘

13:33 其實都唔係好斜，都幾好行

13:38 經過奧津宮

13:39 行到上去龍宮，就會見到今次重點要黎食午餐嘅「魚見亭」

13:39 行到上去龍宮，就會見到今次重點要黎食午餐嘅「魚見亭」佢係有生白飯魚或熟白飯魚或者一半一半，仲有有其他海鮮套餐吃

魚見亭 1000-日落後30分鐘 (3.51) 生熟白飯魚飯
+81-4-6622-4456 (坐在懸崖邊望無敵海景)
神奈川県藤沢市江の島2-5-7
小田急線「片瀬江の島駅」から徒歩30分
www.uomitei.com



13:40 最重要可以坐露天懸崖邊吃，一路望住無敵靚海景，下面係懸崖，好正的地方！

店內有好多位，但出面有冇位呢，好彩剩返中間兩個靚位俾我，不過因為2點幾烈日當空，所以都有d熱有d曬！

13:46 又叫左杯啤酒嘆下！

13:55 先試左生嘅白飯魚，其實冇乜味道，有小小恐怖，不過都幾特別！我就比較鍾意吃熟嘅白飯魚，有d咸香味！

不過你問我下次黎會唔會特登揾返呢碗野黎食，係唔會嘅，食一次呃下like就算啦！都算係特色！

13:58 最後溝埋一齊吃

14:22 原來魚見亭有江之島啤酒，不過我唔知，一叫就叫左杯麒麟啤><



14:25 因為好熱，所以過去隔離吃刨冰降溫

14:34 原本諗住叫一個黑糖刨冰share食，不過真係唔好意思，因為最近先學識日本文化係入到餐廳，一人至少叫一樣野！

所以叫左個蕨餅！japanese嫲薯！個刨冰好吃！個蕨餅都好吃！唔錯！

14:58 太陽落到一半，我地亦都消暑左，可以繼續行落去！

落去影下岩石呀！海呀！影左好耐！人地都冇影咁耐！睇左陣風景，一個景點就搞左半個鐘

我地頭先就係上面魚見亭吃午餐啦

今日冇船搭，點解呢？唔通大風？

15:25有救生員睇住架！

15:33 跟著去左龍戀之鐘

15:35 要行右邊

15:36 上次黎唔夠時間，黎到已黑麻麻，好恐怖，又睇唔到前面有咩景，今次係日間黎啦，終於可以睇清楚d，

原來前面得個海，兩邊草遮住個海，三分二係草，三分一係海，聽聞情侶黎一齊敲個鐘就可以天長地久，我黎睇d情侶敲鐘同埋有好多鎖

有點似N首爾塔嘅鎖，不過N首爾塔多好多好多！

15:39 好啦！快d離開啦！好多蚊！咬死我！

15:43 由岩石行返上去好攞命，好那大級！好攰！又返黎龍宮

15:46 又經過奧津宮

15:51 跟著就去江之島塔

15:56 江之島大師

16:00 去江之島展望塔之前就會見到一間夾章魚餅

因為行到好熱就唔想吃住，買杯軟雪糕降下溫先

朱古力軟雪糕麻麻地

口乾買左杯冰茶飲，飲完降左溫，有返d興趣吃章魚餅啦！

16:12 又少左人排隊，不過開頭唔知點排隊，原來係一條俾左錢先再排第二條攞野

16:15 我覺得呢間好吃過下面阿婆個間，好薄好脆！不過其實冇乜章魚味！

16:23 去到江之島塔，門票又要連個garden收費500yen

16:25 其實個garden好揾笨，直接收個塔門票好過啦！

16:30 幫你扭開個樽蓋，好方便

呢個係咩果呢？

16:34 上到一層有玻璃窗嘅觀景層有冷氣，正！四面都影左好多相，心諗影完返香港揀相就仆街啦！張張差唔多！揀相揀到儍！

16:40 其實如果天氣清係可以由塔度望到富士山，不過今日天氣就麻麻清，所以睇唔到><

16:46 點知原來上面仲有一層冇窗露天，影得仲靚，又四面影，又影左好多相

16:49 其中海面有兩隻色，好似有兩邊浪撞埋一齊，形成一條線，好得意！

17:03 係塔頂可選擇逐層行落去睇風景或搭𨋢，我緊係選擇搭𨋢啦！

17:04 落到地面就去睇下紀念品, 有3D post card等等

17:09 又有用紙摺出江之島塔好靚，不過冇買，自己摺好麻煩，冇咁好心機，而且要成二千幾yen, 唔平!

17:36 落到黎個即壓章魚餅都係排晒長龍

係呢度浸溫泉好果天氣好，相信可以睇到富士山

17:41 係江之島塔都搞到成5點先走，返到商店街都接近6點, 又買左支宮崎芒果軟雪糕

都幾好吃！^^

17:54 開始日落，咁究竟坐單軌電車定江之電返去好呢？但坐江之電要坐四十幾分鐘先到，而單軌電車只需14分鐘就到，咁先諗起，

坐單軌每程310yen, 來回只不過620yen, 但個 pass 700yen, 唔著數😅

18:28 咁我就直接從大船駅坐車去上野，其實如果轉一轉車就可以慳返300yen, 不過好攰，費時轉車咁煩啦，直接坐到啦！其實每人都差成HK$21，當時都幾豪下喎！

18:30 好想買呢罐啤酒試下, 個罐Design好靓, 可惜最後冇買到

19:41 去到上野，揾出口，初初唔識揾，之後先記得係中央出口

19:44 先去行玩具店

19:54 買左攬住東京鐵塔嘅三眼仔匙扣

地庫個層終於買到搵左好耐嘅排排坐三眼仔啦！



20:00 又周圍去藥妝格價！好攰！

20:23 買世界之山雞翼今晚返酒店慢慢嘆!

買5隻都只係464yen, 可外賣

21:29 最後去左Yodobashi Camera電器店幫人買花灑，剩返一小時就關門，又係度搞左一陣，又唔齊，只能買左一部份先。

咁跟著我想買個旅行用摺得埋嘅水壺, 咁就想check下有無爛啦！開左盒，拉起個水壺, 就唔識㩒返低佢，連sales都唔識㩒，搞左好耐，咁我心諗咁難搞都係唔買啦！個職員一聽我話唔買即刻呆左，心諗你係唔係玩野呀！搞咁耐先唔買，又開左單，點知呢頭講完唔買，個頭自己就摺到，大概都知係咩原理，所以最後都照買啦！好彩個職員識講普通話，我地先知道可以追加退稅！呢度有樣好，就係直接退稅，唔洗呢度俾左錢，又要逐様用人手寫，再去另一邊排隊退稅，一個字，煩！
就算你去別館買千零yen野, 同佢話頭先買滿5000yen，呢度一樣可照退稅！
用visa card仲有95折

22:36 跟著终於搵野食，原本想搵魚萬磯燒，點知上網揾黎搵去都揾唔到，原來睇錯左冇魚萬，只有魚文，係打邊爐，完全唔係個樣野，咁究竟食乜好呢？又咁夜><

不如返淺草，有咩食咩啦！又開始微微雨！
咁返到淺草其實都好攰，如果又要燒磯丸水產真係要燒好耐又好攰，而且琴晚先燒完六歌仙燒肉，咁不如揾過第二樣啦！宜家接近10點，不如行返去睇下有冇得前幾日吃過嘅吉烈牛，可能可以再encore多一次！

其實好似係10點就last order, 不過去到見到仲有人排隊，但唔多，就快d排後面，咁我地又一袋二袋，間店又細，酒店就係隔離，所以其中一個就先將咁多袋野放返酒店，另一個就排隊，點知個職員出黎見到我好惡然，可能臨close冇諗過仲有人，就唔係好態度問我幾位，我話兩位，我好老實咁同佢講另一位返左酒店，酒店係隔離，佢好快落黎，個職員都好似唔想俾我排，我唯有話好快好快！其實早知話佢去左廁所算啦！咁都好快就落返黎!

因為又要先落order，我就叫錯左，想改返，又驚佢鬧， 因為驚佢整左改唔返，所以都係膽粗粗入去問下可否改兩個1號，佢就叫我出返去排隊，等左陣佢就出返黎問我係唔係要改1號呀！我話係呀！兩個no. 1 SORRY ^^
佢竟然笑返！OMG !

好彩換返兩個細set, 因為酒店仲有好多野食，仲有提子、PABLO芝士蛋糕、頭先仲係上野買左世界之山雞翼，所以每人叫130g夠架啦！

22:43 終於可以入坐

22:44 不過d牛肉好明顯今日係住得熟過上次下午，差唔多有8成熟，可能要收工，費時我地吃咁耐，雖然都好吃，就算牛肉煮到8成熟，都好冧，

不過平時生d嘅水準更好吃，所以盡量唔好人地臨收工個陣先黎啦！

不過今次係即炸俾我地，所以有煙出，可能要控制份量，上次冇煙，因為要大量生產，所以整定好多份！

23:20 搵到淺草既磯丸水產，不過己經食飽飽LU^^

23:23 跟住去左行驚安之殿堂

23:23 淺草呢個地區我未黎過

魚見亭 1000-日落後30分鐘 (3.51) 生熟白飯魚飯

+81-4-6622-4456 (坐在懸崖邊望無敵海景)

神奈川県藤沢市江の島2-5-7

小田急線「片瀬江の島駅」から徒歩30分

www.uomitei.com