醜小鴨愛自遊

(Day 6-大阪、星乃珈琲店、夾公仔、美國村、堀江、南船場、蟹道樂、Zoff、天神花火祭、奏 Hotel Kanade)

09:09 Day 6 早晨
今日主要行程係行下堀江、南船場、道頓堀、蟹道樂和天神祭

09:18 難波奏酒店背面

今日天氣大致多雲

9:24 又會經過經多人排隊既吉列牛，不過宜家未開，宜家咁早緊係去食早餐

9:36 揾左間星乃珈琲店食早餐

有中文menu, 簡單d叫餐啦！

9:49 呢個土司套餐幾好吃

9:54 呢個一般啦！不過個雞蛋土豆泥都幾好吃，而土司都幾軟熟

10:18 跟著去附近夾下公仔，黎左日本咁多次都冇乜時間留步去夾下公仔，見人地咁易夾到，自己又試下先，天過呢個食得好實夾唔到，放棄！

10:35 不過竟然夾到呢個，每次100yen, 大約夾左5～6次！yeah ! 估唔到第一次就夾到個咁大個嘅公仔

10:42 真係好大個，好好攬！好開心！放心！佢會有大膠袋俾你

跟著去bic camera 行下

10:55 呢隻粉對補骨膠原好好，以前我膝蓋關節每次踎底起身都會卡一聲，都好耐日子，偶然知道呢隻粉，食左一排之後冇事！冇聲啦！^^

10:58 跟著去百貨公司入面Zoff配眼鏡，前幾日已經睇好左

11:00 一入百貨公司(唉！唔記得邊間啦! ) 即刻見到像真度好高既磁貼

11:10 我就係想買呢個100%made in japan眼鏡，好貴！但好鍾意喔！算啦！眼鏡日日戴 (藉口^^)

鏡架真係好輕，固定得好好！18000yen 成hk$1300, 再加10000yen藍光鏡片，差唔多成hk$2000，雖然有discount，之後都要千五、六蚊><

不過日日戴，戴好d啦^^ (藉口x2)

因為鏡腳向下彎，固定耳仔好好，雖然除就麻煩d，唔可以單手(因為新野)，另外呢副鏡架有一個特色，係冇左右兩粒鼻托，全靠打橫個條野托住鼻樑，

呢個好蝦人戴架！haha 鼻唔夠高應該戴得冇咁好睇！係唔係好似為我度身訂造呢？！^^

上面個副好睇d，定係呢副好睇d呢？

11:34 因為要藍光又要散光度數，我唔係底度數，約500近視，150散光，所以要幾日定10日時間，但我地明天就要坐內陸機去札幌，

雖然有諗過不如係東京攞，但都驚趕唔切，不如加小小錢叫佢直接寄返香港！

之前因爲冇新鏡架，所以叫佢由第二間轉過黎，但店員又抄錯型號><點算呀！搞左一輪，佢話幫我check到梅田分店有新鏡架！而只有個度同呢度先有海外郵寄！

雖然今日係天神祭，原本諗住早d去覇位，不過配眼鏡緊要d，而且天神祭去參與下感受下氣氛已好滿足！

11:57 店員敎我地點去梅田zoff呢間分店，其實都有小小難搵

12:06 眼鏡等KO左道頓堀、心齋橋、堀江、南船場先再去梅田，所以先去蟹道樂本店食午餐，

不過都要等到1:50pm先有得食，咁呢段中問間時間，緊係去shopping先啦！^^

12:14 行心齋橋經過atom見到多拉A夢pump fury, 仲要得返一對，仲要係我既size, 仲要香港已斷貨係炒價，呢度宜家係原價，我忍唔到啦！

買左^^

呢間SPORTAKA係大型運動服裝店，陣間去

12:23 呢間係網元，同蟹道樂同一集團，聽聞好味過蟹道樂，不過會貴d，而且set lunch冇釜飯，所以今日都係吃返蟹道樂

網元對面有間售車公司，呢架benz真係好閃呀！

12:28 黎到堀江啦！呢條叫orange street橙路

對面有supreme, 不過係炒價啦！
又有Billy's 賣各牌子波鞋嘅！

Supreme呢幾對特別版已經係炒價，好貴

要97200yen, 即接近HK$7000, 當其時香港nike有得抽簽，如果抽得中大慨千零蚊左右！

12:33 Supreme隔離就係Billy's售買原價波鞋，不過冇鞋啱我，好彩！我太多鞋了^^

去Xlarge行下

有cross over tee

有少見既pump fury

13:28 跟著去左美國村SPORTAKA，睇中呢件columbia風䄛，有兩隻色，呢隻色有細碼，另一隻灰色冇，呢件size fit?定短左d呢？

呢件會唔會size啱d，顔色靚d呢？
減緊價好抵！

結果我揀左呢件灰色，我肥返d就啱啱好fit架啦！^^

14:11 KO左堀江、美國村就夠鐘返去蟹道樂本店食lunch啦！巧遇蟹道樂吉祥物

14:18 叫左一個4200yen, 一個3500yen, 兩個都有釜飯

舒舒服服慢慢食慢慢嘆！

14:19 凍蟹點醋食，d醋好好味淡淡地又唔會蓋過蟹肉鮮味，好正！

14:26 我今次又好好彩可以坐到窗口位^^

14:30 蟹刺身，同樣新鮮好味，咁少唔夠喉呀><

14:31 宜家要開始煮蟹肉釜飯啦！以前係煮好飯加蟹肉入去，宜家係連榖煮，跟著要自己拆肉，所以麻煩得黎又冇咁多蟹肉，唔知以後都係咁定個別事件呢！

14:31 蟹肉燉蛋超好吃，叫餐我一定要有燉蛋係入面先會叫！

14:32 煮半小時先食得

14:42 芝士焗蟹肉，OK好味啦

14:59 天婦羅都OK好味，唔差

15:02 呢個係燒蟹腳，係好味嘅！不過如果大小小會仲好d囉！^^ haha

15:07 蟹肉釜飯煮好啦！可惜蟹肉唔多><

15:15 好辛苦起左d蟹肉都係得咁多！><

15:17 蟹肉釜飯之前多d蟹肉好味好多，今次一般啦！不過都食到好飽好滿足！

15:33 但仲有甜品，就係抹茶雪糕，人手開抹茶粉，服務員超勁用摩打手打均抹茶粉再倒落雪糕上面

15:34 為呢餐劃上完美句號

15:44 跟著就去梅田配眼鏡啦！

16:48 Check好度數，較好鏡架，填好地址，就可以安坐家中等「運到」^^

其實梅田呢間海外送配好偏僻，係個好遠好高級嘅商場入面，女店長識普通話，以前大阪得一間海外配送，佢話係佢主動爭取，宜家生意額多返好多！

19:25 總算順利配到眼鏡，宜家去睇天神祭啦！

19:32 呢個位出，被大廈擋住，行前d睇下，睇唔到都唔緊要，黎感受下氣氛啫！

19:41 其實我真正目的可能係黎掃街！haha

19:43 第一檔吃炸雞，有分size, 叫個最細嘅300yen試下先！

即叫即炸

300yen大約有5件炸雞！即叫即炸！好吃呀！

19:45 隔離就係燒年糕，呢個都係我目前食過最好食嘅燒年糕

19:52 燒魚好似好吸引，不過好多人

20:01 燒魚好似好吸引，不過好多人

20:05 佢一整就有幾種味，不過手快有手慢冇，排到你只能㨂剩返嘅味道！

佢竟然俾個咁靚咁實淨嘅膠兜我裝，我都唔捨得掉，攞左返香港！

睇真d！原來後面有得回收膠兜！蠢左！

佢竟然俾個咁靚咁實淨嘅膠兜我裝，我都唔捨得掉，攞左返香港

20:10 都有d衝動想食青瓜，不過最後都冇買

20:12 買左支赤肉蜜瓜！好吃呀！^^

20:14 有燒螺和關東煮吃

有燒螺和關東煮吃

20:16 初初以為隻船火燭添^^

20:17 忍唔住買左支燒玉米，因為成日幻想可以係日本祭祀食下燒玉米，點知麻麻地好食，佢只係用醬油燒，醬油冇咩特別！我仲要一個人食晒成條！

同台灣燒玉米冇得比，台灣好食好多！

日清小雞雞

炸雞皮

20:36 叫個300yen試下，有好多調味料可以揀，我揀塩味啦

叫個300yen試下，有好多調味料可以揀，我揀塩味啦

20:40 走啦！又食飽飽，雖然睇唔到咩煙花，而且煙花得一小掫，不過氣氛搭夠！

20:47 Mango burger 真係想試下

21:25 返到酒店，今日最開心就係夾到個好大個嘅三眼仔公仔，同埋買到呢對pump fury 多拉A夢 cross over版 ^^ 聽日就著啦！