醜小鴨愛自遊

(Day 2-PABLO、USJ大阪環球影城、minions、小小兵、磯丸水產)

6:50  Day 2 - 大阪環球影城
今天要去USJ, 所以今朝早餐係酒店房食琴晚買嘅PABLO限定柚子蛋糕，但味道麻麻，有d過甜，

貴過原味一倍價錢都唔夠原味好味，所以原味係抵食的！

7:07  離開酒店，出發去USJ

7:36要去到大阪難波站 (10分鐘一班)

坐阪神難波線車頭上車去西九條

7:45到西九條 

8:00到Universal City Station

7:40  頭先有個日本小朋友就係咁樣post影相，你睇佢幾開心

7:42  好難捕捉的一張相，又要背後少人，又要個英文字轉正中間，仲要趕時間去排隊，所以影幾張就算，要背後無人嘅機會率真係好細！

7:53  都幾滿意呢張相，可以做wallpaper

8:21  攻略係開門半小時前到達等開門，一開門一個跑去排新園區minions黃色小小兵，另一個去哈利波特攞預約整理卷

好Blog獻給你：

日本大阪環球影城攻略

8:33  我一黎到已經排到呢度，不過都一路行緊，唔係等好耐，而另一邊原來揾唔到哈利波特預約整理卷部機，

問職員，係溝通困難之下都知道原來宜家唔使整理卷，可能因為哈利波特園區都開左一排，而且宜家又有新園區，所以冇咁多人啦！

咁你快點返黎啦！去到個位因為未齊人佢唔俾我入！

8:35  其實前面左轉個位之後冇員工企係度，我可以繼續行前d，不過我就企係度等齊人先行，好彩亦唔算等好耐，因為一早黎排，之後一般要等個幾兩個鐘

9:00  排緊新園區黃色小小兵

9:08  其實呢個遊戲係大約8人分前後坐在一架車，車會上下移動，靠銀幕畫面製造體感，都幾意，不過唔夠哈利波特刺激，又唔夠蜘蛛俠好玩，

如果要排兩三個鐘就唔值得啦我個人認為，不過黃昏或晚上可能少人d，又可以排single ride都會快d，當然有錢可以加買express pass快證啦！

9:32  玩完一出黎就見到好多minions ^^

9:34  呢度其實冇排隊嘅習慣，總之有位就攝入去，其實我覺得唔排隊冇咁好囉！

9:54  睇纪念品都睇左好耐！
跟著排隊買minions爆谷筒，好彩唔係好長龍！
夏天緊係買水泡BOB啦！

10:27  好可愛嘅員工

10:33  好活潑嘅員工

好吸引nano block！我買左！

10:43  呢個杯麵都好有衝動買啦！不過最後冇買

10:45  好大粒呀！

10:55  呢度可以整你個名係可樂度，你可以寫上覺得特別的日子，500yen唔算貴啦！我想整一支，不過宜家冇開，陣間再黎過啦！

10:56  小提琴三劍客？！

10:58  蜘蛛俠緊係要玩啦！我射！

11:15  呢個係一個濕身環節，佢射下你，你又射下佢

11:18  仲會有d碎冰射落黎，天時暑熱真係好正！不過我怕濕身，所以避得就避

11:26  Minions主題餐廳，好得意呀！

11:28  呢個都算係新嘅飛天翼龍，我係唔會玩呢個嘅^^

都係個句，排single會快d

11:31  呢度有另一隻爆谷桶賣

11:42  我地坐低等睇呢個表演-恐龍大戰，都好逼真下！

佢走去嚇個細路

1 VS 3

11:49  個細路請速龍食雞脾，隻速龍係度聞

11:50  到我地去食飯啦！呢間係crossover海賊王

12:11  叫雞扒穩陣d

另一份叫豬扒，但豬扒無咩味

唔夠路飛個口大

12:42  食飽左就去水世界位置睇海賊王真人劇場，扮相逼真好睇，不過要小心，唔好企咁前，又係會濕身

13:06  新機動遊戲飛天翼龍

13:14  可樂車開門營業啦！去整支特別版可樂

幾分鐘就整好

13:17  我揀左今日日子17年7月21日，之後係有飲左

13:53  跟著搵位坐低睇巡遊，我地揀左蜘蛛俠門口前個位好正，有陣陣冷氣從後面吹黎，咁熱天氣真係一道清泉，

不過巡遊就開始嘅時候，蜘蛛俠紀念品店係會關一半嘅門，即係我地個邊，咁就冇冷氣啦><,不過至少開場前等得比較舒服^^

14:34  呢個巡遊係以minions做主題，因為最近開左一個以minions為主嘅新園區

14:41  Minions好可愛搞笑呀！

值得睇嘅巡遊，比夜間巡遊好睇

14:43  睇完巡遊，即入返蜘蛛俠紀念品店過下冷河，天氣實在太熱

14:52  呢個爆谷桶好得意^^

14:54  變超級撒亞人啦！

14:57  龍珠包

買左呢個橙味沙冰飲，外型做得好精美

15:08  外型好搞笑嘅蛋糕

15:12  係餐廳買左杯草莓沙冰坐低休息下，都幾好飲，只外問店員攞左d冰可一個杯，倒之前買嘅特別版可樂黎飲！可樂要夠凍先好飮架嘛！

15:35  本來都想買呢件衫玩下，不過可能著嘅次數唔多，所以放棄左！

路飛帽

路飛大佬Alex

15:41  二人合力出龜波氣功！

我其實想買呢件！我係唔係好似笛子魔童呢！

龜！波！氣！功！

Jojo 冒險xx乜鬼唔知咩名^^

15:56  可愛底底，有大眼可細眼揀^^

我買左呢個俾我姪仔，有得玩又有得食，好大個呀！我自己都想要！

可愛minion即影即有

16:04  儍仔！

16:12  可惜龍珠4D今日放映時間已經完了

16:17  嘩！好圓呀！

我個頭！

咁樣當買左^^

16:26  我見到有得買呢頂帽，不過第一次見人戴，好搞笑！

16:32  我都試戴下！

16:46  跟著係美國大街minions又出動啦！今次一排企定定俾你地影相，開頭人比較多，不過之後都比較容易成功影到相

16:53  我d牙太細隻 ><

17:23  跟著係美國大街街尾即表演台前，又有另一個minions表演，呢個都幾好睇

17:32  當然之後又係影相環節

18:14  如果玩完飛天翼龍，可以買張精美相片留念架！

18:17  跟著周圍hea下影下相

18:22  然後黎等候睇呢個night party

18:36  已經有人聚集等睇show, 其實都唔使話點特登覇位，佢其實有個DJ, 一路播強勁音樂和燈光，

有時有d卡通人物出黎跳舞，呢個show玩好耐，好似90分鐘，所以都有位，而且好多位置都睇到聽到

18:52  等左成半個鐘

19:07  一開始有卡通人物包括hello kitty出黎跳舞

19:15  以為有咩特別野睇，所以睇左超過半個鐘都係咁樣，所以唔睇啦！如果唔好呢個，可以唔使用太多時間去逗留呢度！

19:29  呢度係台邊，台係右手邊

19:31  呢個係餐廳，吃漢堡包

大白鯊JAWS

19:37  跟著又趕去睇harry potter夜間投影show, 呢個係新項目

19:40  跟著又趕去睇harry potter夜間投影show, 呢個係新項目，都好靚，不過如果太遲黎就睇唔到靚位啦！我地都係緊緊睇到呢度！

睇完順便去城堡玩埋哈利波特，呢個真係好玩又剌激，又唔係過山車咁癲，啱曬我玩！

本來以為睇完show, d人一定會全部入去玩，結果原來又唔係，都唔係好多人，所以好快就有得玩！

入到去，佢會俾一張野你，然後你要去搵locker, 再背囊呀！會跌出黎嘅野放入locker, 然後就可以排隧玩, 放心，唔會好似過山車咁激架！我都玩到，你就知ok!

20:09  哈利波特紀念品店

20:25  離開哈利波特園區啦！

20:29  差唔多準備離開啦！今日真係玩得好開心！唔需要趕玩又玩到想玩又唔使排幾個鐘排到儍！

20:31  臨走前係大街睇下紀念品，買左小小野

20:31  買左右手個盒水泡minion nano block

呢個真係好得意

20:40  出左閘，再係USJ地球影下相，就完滿完成曬今日USJ行程啦

20:51  去車站嘅呢條其實都有好多野食，不過我地都係返心齋橋食啦

20:58  路飛嘅第4檔型態

能力惡魔果實



22:46  等左成個鐘，終於有位 ><

呢個大盛好抵死1980yen，有4種貝類海鮮，每樣兩隻，for二人啱啱好！

呢4樣如果散叫我貴好多啦！

燒蟹蓋好好吃，吃完一個再encore多一個，呢個係要自己燒

呢個係佢燒埋俾你，叫左個魚胶都幾好吃899yen

仲有刺身吃，不過太多野吃冇叫

22:51  緊係要配埋啤酒啦！

另外叫左原隻燒魷魚，以前係menu內，宜家係限定，即係唔一定有！

22:52  點解黎左兩條魚胶，唔通一客兩條咁抵，吃左先算啦！結果真係只收一份錢，相信應該係搞錯左，一份應該得一條！

22:56  又叫左玉子燒，太多好野食之下，呢個一般

23:20  如果唔識燒，可以叫職員幫手燒，其實貝類打開加d醬油便可

23:28  另外再叫左杯唔知咩名嘅酒精飲品，初時飲得酒精味，好後悔叫左呢杯，飲飲下好似有小小味，唔通要搞均佢？

咁搞完再飲，竟然係好好飲，原來係菠蘿酒精特飲，點解我咁豬！下次我要再叫返呢杯野黎飲！yeah ! 好飲！

23:43  見人地叫完又叫，我地都叫一客試下，都ok好味！今次叫左好多野，好飽呀！

23:59  去便利店買左盒限定雪糕

1:05  夜晚回酒店再食水蜜桃