日本大阪北海道東京16天花海夏祭之旅 (DAY 1 : 2017-07-20) @ 醜小鴨愛自遊

(Day 1-大阪、黑門市場、Zoff、大保山、海遊館、摩天輪、自由軒咖哩飯、心齋橋、道頓堀、日本一迴轉壽司、大阪之王將、難波、奏 Kanade Hotel)

7月19日 23:14

差小小就miss左班機場巴士，如果唔係就要再等半個鐘，好彩！

第一次離開香港咁耐
日本大阪北海道東京花海夏祭16天之旅
籌劃大半年，今日正式開始！
Haha 標題都特別長d！^^

今次4程機票都係用里數換的，一共3萬里數
兩程香港來回+兩程內陸機

訂位個陣去程由香港去大阪只有下午三點幾機，去到都夜晚了，當時職員話我可以自己上網留意下，如果有其地航班時間啱，可以每人用1000里換。

結果臨出發前一星期發現有一班20/7 凌晨1點45分，正呀！足足多一日時間，雖然攰d，但可以係機上訓覺，到埗就可以坐車去市區! 所以每人就用左1000里換左呢個時間^^

23:26 輕輕鬆鬆預早d黎機場，去lounge hea下、吃下魚蛋、做下公司野

23:36 Lounge嘅魚蛋真係幾好吃架！

1:17 臨登機個陣叫我地名，初初以為行李有咩問題，原來係upgrade我地去 Pe Econ, 但唔明點解要分開前後坐，

後來黎左個阿伯，我地請求可否調位，佢ok，我地先可以一齊坐><

國泰呢個安排比較差！如果要分開坐，我寧願唔upgrade!

2:19 國泰凌晨機飛機餐
結果我仲做左陣野、睇左套電影先訓一陣！

5:58 天光啦！

6:24 到達大阪關西機場，我係坐國泰，唔係ANA呀！

6:40 去3號帶等行李

當地時間6:40am, 好早喔！^^
有足足一日時間玩

6:56 不過要先去買pass和嵐山小火車車票

7:01 呢度買大阪週遊卡one day pass, 都要排隊，其實之後買ICOCA小飛俠Kansai one pass, 個度都有得買，冇咩人排隊

買完！坐南海空港線去難波啦！

買好曬pass、嵐山火車票就坐南海電鐵去難波駅啦！45min到

8:36 到達難波駅

8:53 跟著行去難波「奏」酒店 Hotel Kanade 放低行李先

8:59 呢間難波「奏」酒店 Hotel Kanade 係舊年2016年新開嘅，所以好新正，價錢仲好抵住，房間17平方米，

Kanade酒店 (Hotel Kanade) 雙人房 HK$634/晚

從JR難波去心齋橋.道頓堀快速步行攻略 26-D 出口

好Blog獻給你：

http://roasterpig.blogspot.hk/2016/04/jr-namba-dotonbori-walking-map.html

酒店就係難波駅28號出口

9:22 酒店背面，不過都有出口

9:30 先行去黑門市場吃早餐，途經Bic Camera未開門，右邊就有 牛かつもと村 吉列和牛，呢間成日經過都好多人排隊

9:44 其實黑門都幾多香港人，當然仲有台灣人和大陸人啦！

9:46 最後決定黎返三平，不過今次d大蝦唔係新鮮燒好，唔熱，所以唔食！

我有冇記錯呢！上年9月黎大蝦一隻1000yen, 宜家要1500yen, 成HKD$100, 咁貴嘅！

都係買即食凍蟹啦

9:47 覺得今次三平d凍蟹冇上次鮮同好食，而且之後行前小小有幾間新野，d蟹腳仲平d，下次試下第二間先

9:53 三平搵位比較麻煩，人又多！

10:16 見到三平門口有即燒帆立貝 (400yen一個)，熱辣辣更係好過擺左好耐冇人要既凍大蝦啦!

10:22 三平仲有其他海鮮刺身

10:24 黑門市場內藥妝店見到有呢隻味覺糖EX喉糖 (右邊銅色), 唔係成日會見到，我覺得呢隻糖好正好潤喉，

當我咳食佢可止咳，平時喉龍有點攰、聲沙又食佢潤下，涼涼地又有牛奶味！正！

中間呢個係捕蚊器第二代，入面d啫哩會吸引d蚊或蚊滋飛入去

10:32 黑門都有超市或水果店，當時正值桃和蜜瓜當造, 水蜜桃聽聞7月要食和歌山，8月食山梨縣！

提子都當造架！
巨峰提子之前試過石川縣嘅，皮薄可連皮食，但之後食個d皮就厚，所以再見到石川縣提子，我會再買黎試下！
如果見到香印青提有特別嘅花香味，提不仿試下

日本批杷比係香港買平好多呀！

呢間係第二間賣蟹腳海鮮嘅店，蟹腳比黑門三平便宜

蜜瓜都係留返過幾日去北海道先食啦！

個魚頭大過我個頭

見到呢個咁抵都係忍唔住買左個黎吃

10:43 呢間嘅豆漿出名濃，雖然有人喜歡，仲要無糖，但我就唔係太鍾意，結果試左新品抹茶豆漿，但冇乜抹茶味，抹茶好淡，麻麻地

10:46 之前黎幾次都冇試呢間吞拿魚刺身，今次黎試下

10:49 我唔識揀，應該揀蚊路靚d定呢個佢揀比我無蚊嘅呢？！是但啦！就要呢個啦！HKD$250左右

10:53 師傅會即刻幫我切，切左十片，可惜有筋，味道唔算特別正！

11:00 店旁邊有地方可以俾你坐低慢慢吃

11:11 呢間賣燒帆立貝最平，2500yen 500g

11:17 呢間就可以食到神戶牛

11:19 結果1000yen又點會俾好大個蜜瓜你呢！冇錯個赤肉蜜瓜都幾迷你，果肉未熟透，甚至可以講係生，

好硬，雖然佢有𠝹幾下，不過都係好難「筆」，另外雪糕味道好似cheap cheap雪糕咁，唔推廌

11:34 有d香港人去到日本真係好鍾意講野好大聲，失禮晒！

11:45 食飽早餐，去Bic Camera行下，呢個雷門nano block之前去完冇買，雖然今次最後幾日直頭住淺草，但係都唔會買啦！屋企冇咁多地方再放呢d野><

好靚嘅晴空塔模型

11:54 Bic Camera賣呢隻黑色花灑和珠珠補充裝都幾平

富士山玻璃杯，要黎飲酒超正！不過都唔平，要HKD$450一隻，真係要好此物先會買，所以我欣賞下好啦！都係冇買！

12:04 經過呢間好吃嘅吉列牛店，又有好多人排緊隊了

12:07 經過M記見到

12:10 摸下佢會發達？^^

12:23 去左個百貨公司廁所，超真心欣賞日本人嘅細心和周到，一個洗手盤已有齊水、洗手液和吹手溫風機

13:17 呢間係地下街嘅arrow tree有生果賣

13:20 用大阪周遊卡OSAKA Amazing Pass開始一日大阪之旅，呢張pass有分一日或二日，包三十幾個景點入場卷，

兩日當然抵過一日好多，不過今次行程只適合用一日！先去大保山個邊坐下船、摩天輪、海遊館......

13:51 黎到大保山摩天輪啦！pass 包玩！
呢度未有萬博expocity摩天輪個陣係全日本最高嘅摩天輪，宜家唔係啦！

不過第一樣唔係玩摩天輪、而係趕去坐觀光船(PASS包)，就黎夠鐘開船，miss呢班又要等一個鐘！

13:55 好彩啱啱趕得切上船，2PM開船，船會繞海灣行一圏

13:59 呢個係海遊館，陣間黎，但呢個Pass唔包入場卷

14:02 當日天氣又熱又曬>< 不過天氣好，影相會靚d！

14:17 露天影到好熱，都係去室內涼下冷氣

有餐廳可以食下雪糕涼著冷氣睇風景

船最底個層有個展館，不過呢個公仔有點陰森恐怖喎！^^

呢件衫特登揀今日著，因為今日係大阪第一日^^

真係豬，開頭唔識除左眼鏡先影，戴眼鏡影好樣衰，雖然除左亦唔好得去邊^^

做咩要我扮馬騮

14:32

14:50 呢隻係鯨鯊

14:55 宜家去海遊館睇鯨鯊啦！大阪周遊卡雖然唔包入場，不過都有折扣

14:58 呀！鯨鯊要吞左我呀！
(設計圖片)

15:00 宜家咁啱係最後一場餵緊鯨鯊添，趕唔切啦！><

15:11 好大條！好醜樣呀！
先生！你醜樣d！
(設計圖片）

15:13 萬魚奔騰

15:19 呢d好似食人魚！個樣好兇惡！

當然有可愛嘅企鵝

15:23 嘩！呢隻都好大隻下，深海蟑螂？

15:37 重頭戲-鯨鯊 😄👏🏼

海底奇兵

15:57 鯨鯊軟雪糕@海遊館

好大隻！好想食！

16:12 好似沙紙咁「鞋」！

我：好醜樣
魚：你都係

16:14 隱形魚：你見我唔到！你見我唔到！你見我唔到！

16:19

一路行海遊館，一路有得蓋動物印章，我不嬲自己有準備一本，就蓋係自己本野度，但一路蓋就有時見有人會有本專用蓋章的，究竟係邊度免費攞定係邊度買呢？

結果行到最後係紀念品店見到有得賣，其實入場時一開始紀念品店已經有得賣，只不過有人話行完先睇啦！結果就miss左本專用蓋章薄！><

P.s. 蓋章薄放在收銀機前