醜小鴨愛自遊

(Day 3-程味珍滷味意麵、西門町、檸檬屋、蜂蜜苦瓜汁、阿宗麵線、牛店牛肉麵、老虎堂黑糖珍珠奶茶、Dickies、猛嘎海鮮燒物、台北凱達大飯店、Caesar Metro Taipei)

 

 

08:48 早晨-Day 3
今日行程又係吃吃吃啦！而其中2條友就會分別坐下午和晚上班機回香港！

 

09:25 早上4條友坐的士去西門町程味珍吃早餐，呢間野係經網紅「黑洞」介紹的，我從來都唔知有呢間野，所以今次帶朋友黎試下

程味珍滷味意麵
營業時間:9:30-5:00
電話:(02)2388-5268
地址:台北市萬華區西寧南路63之2號

 

啱啱開舖我地就黎

 

雖然話啱啱開舖，但其實已經有人陸續咁冒名而黎

 

09:33 陸續放好d食物俾我地自已夾

揀好夾係碟俾佢，佢會幫你切、分類、分價錢，有點我只攞少少1、2舊試下，可能難計數，佢會自行加多少少

 

營業時間網上揾係10:30，幾經辛苦甚至直接打長途黎問先確定到係開9:30am至凌晨4點, 如果開10:30，就唔係好夾到時間，所以可以黎吃早餐、宵夜都OK

 

09:34 眼闊肚窄，就住夾，夾夾下都夾左咁多！有豬血糕、豆腐、豆干、大腸、豬耳....

 

仲有一人一碗細魯肉飯，朋友話呢碗好吃喎！冇介紹錯！我自己可能呢幾日吃太多野，有d滯，加上覺得有點肥，所以冇佢地覺得咁好吃！

 

10:10 吃完程味珍，經過見到好多人吃永和豆漿

 

10:12 經過呢間我好鍾意飲嘅蜂蜜苦瓜汁，緊係要介紹俾朋友飲啦！朋友B叫左杯冇蜂蜜嘅苦瓜汁，朋友A初初好猶疑叫唔叫，因為佢對苦瓜汁麻麻地，

我話加左蜂蜜唔同架！於是朋友A就叫左杯正常，結果都大讚好飲^^

檸檬屋唔係賣檸檬，係賣苦瓜汁，係唔係改錯名呢！

 

好飲的檸檬屋蜂蜜苦瓜汁

 

10:17 因為臨近端午節，朋友話要買粽，我就帶佢地去附近黑橋牌買

 

10:31 經過阿宗麵線，朋友又話要吃一碗

 

10:33 我

呢間野同香港旺角信和差唔多，但幾十年如一日，但入面已經冇以前咁熱鬧，仲有d吉舖！

附近亦都冇翻新或起新商埸，所以就算西門町一個咁熱鬧嘅區都好似發展得好慢，甚至好似冇發展過！— 在臺北市吃唔落啦！陣間好快又要吃午餐！
呢碗就我朋友一個人KO佢！
但佢話都係琴日嘅陳記蚵仔麵線好吃！

 

10:40 呢間野同香港旺角信和差唔多，但幾十年如一日，但入面已經冇以前咁熱鬧，仲有d吉舖！

附近亦都冇翻新或起新商埸，所以就算西門町一個咁熱鬧嘅區都好似發展得好慢，甚至好似冇發展過！

 

10:49 經過大樂透，大家話夾錢買張玩下喎！大家又唔係好識玩，買張最普通，結果當然唔中啦！

 

10:51 有朋友話時間咁早又冇嘢做，間餐廳又係附近，不如去睇下！好彩朋友有咁提議，一去到，宜家10:51am, 牛店11:30先營業，

原來已經有兩組人已經登記左名，第一組人已經6人，第二組係12個人，嘩！唔快d登記真係俾你地坐曬！咁我都快d登記！

 

10:58 登記左之後就可以周圍行下，朋友B話平時冇時間剪頭髮，今日有時間要去剪個髪，吓！趕唔趕得切呀！快d！牛店可能要等齊人先俾入架！

 

其餘嘅人去左紅樓行下！

 

11:06 第一次見，係唔係男女共用呢？
All Gender應該係男女共用啦！但除左有好多一格格，話仲有尿兜，咁女士入去咪見到男人企係尿兜前屙尿？耐人尋味！

 

11:20 西門町幾十年如一日

 

11:26 返到黎牛店，已經有好多人等緊！

 

朋友話想有一餐吃牛肉麵，所以今日中午就安排左呢間好出名嘅牛店，我都未吃過！

牛店牛肉麵（西門町站）

牛店
地址：台北市萬華區昆明街91號
捷運：板南線於西門站一號出口
電話：02-2389-5577 (用餐不限時間，空間有限，無法訂位)
營業時間：11:30–14:00, 16:30–20:30（週三休息）

 

11:35 難得黎到緊係要叫最貴嘅試下，不過宜家諗返，應該叫d唔同例如滿漢share下，唔使咁貴又可以試下有乜分別！

 

11:37 好彩頭輪都入到，但我地之後入多幾個就滿！好彩剪頭髮個fd趕得切，我地啱啱坐低佢就黎到！

 

11:40 有d小菜自己出去點

 

11:50 有張紙教你吃嘅歩驟

 

其實我早餐都仲未消化，又要吃！
但朋友們都覺得幾正幾好味！雖然要四佰幾蚊台幣，但係都好吃嘅！

 

11:52 店員話加少少辣醬會好味d，但都係好辣！

 

11:55 撈麵吃法都唔錯！

 

11:58 舊牛腱都好厚

 

12:13 我真係吃唔落，但拎走唔好浪費，今晚吃！

 

三媽臭臭鍋！

 

12:51 朋友B吃完午餐就要先返酒店，凖備下午返香港，朋友A班機稍為遲少少，所以佢自己行一陣去買下野，就會返香港，

我就stay behind多一日！去左誠品行下 un un做緊特價，好似幾抵喎！呢隻牌子著得幾舒服！

 

12:58 今年5月中去日本整爛左個銀包，一直想買個新嘅，呢個都唔錯喎！但最後冇買，返香港先買

有8折

13:10 誠品之後，原來附近有老虎堂，香港銅鑼灣間海外分店排隊排到儍，要排2小時，呢度唔洗點排，即買！

 

已經唔算人多

 

咁難得，叫兩杯唔同試下啦！

 

13:17 原來呢間分店今年6月2日先開始試營

 

13:17 呢度一杯NT$55, 香港要貴一倍價錢！

 

13:23 虎蚊好靚，味道唔錯好香，珍珠都幾好吃，但左邊細珍珠就麻麻地，冇乜順利咬口，要右邊波霸珍珠先好吃！

 

 

13:35 繼續去另一間誠品行下，地庫有野獸國

 

 

 

 

13:51 上層有Champion

 

13:51 又有Dickies, 價錢唔貴，買左幾件tee ^^
買滿NT$5000可以俾$500抵用卷和退稅，滿$2000已可以退稅，尚欠NT$八十幾蚊，原來可以夾單，所以走左去另一間買多件平價tee

 

 

14:30 呢度d衫好平，大約3-4佰台幣一件，係度買一件啱啱夠NT$5000可以獲得一張NT$500抵用卷，呢件三眼仔都幾靚呀！可惜大左少少！

 

15:11 最後買左件左心口袋有popcorn既tee!

係誠品用左好多時間，除左揀衫買衫，又要做會員，又俾左3張coupon可去印相機印相，仲要諗下點様即時用左呢NT$500扺用卷

 

 

15:29 最後係Dickies用$500抵用卷買左件NT$1080嘅tee, 減左$500，件衫即係NT$580咋！

 

16:14 係誠品買完衫就繼續行下街，見到網上介紹出名嘅熊一燒肉，就親自上去預訂明天中午座位

 

16:25 網紅黑洞介紹西門町呢條巷有好野吃！平時好少行呢條街，今次特登黎試下！

 

16:26 其中一間就係呢間起士馬鈴薯

 

好飽，所以呢間冇試啦！

 

16:32 其實味道一般，冇乜特別！芝士味不太濃，唔係講到咁誇張！可能都會有人鍾意，我就唔會再試！

16:45 離開西門町，又要準備去吃晚餐，係西門町捷運站內竟然撞到台北朋友，世界真細小！^^

 

17:19 坐捷運黎到江子翠站 (龍山寺下一個站)，係便利店見到有辻利抹茶大福，宜家唔方便買住，遲d再買！

 

17:20 途經一個街市先去到今晚晚餐地點

 

17:38 黑板上寫著即日限定，賣曬就會擦左佢

叫左一份大干貝 (3粒) NT$350
燒草蝦 (6隻) NT$450

亦因為冇咩現金又唔可以簽卡，所以唔可以叫太多

 

18:13 第一晚同朋友飲過呢支麥仔茶，又幾好飲喎！淡淡有少少甜甜地！^^

 

18:18 一份燒蠔先NT$100

 

NT$100有咁多隻，有咁嘅Size都算係好抵！不過味道麻麻地好吃，吃落d質感麻麻！

 

18:20 燒草蝦 (6隻) NT$450

 

18:25 d草蝦都ok嘅，不過略厭咸得滯，同埋燒得太熟太乾身老得滯，麻麻地

 

18:48 重點呃like手臂蝦NT$800/隻

等左好耐，催左一次先黎，話係要等咁耐！
吃完草蝦足足再等25分鐘先黎！

18:51 大干貝 (3粒) NT$350

干貝和手臂蝦都冇乜人叫，干貝麻麻地，初時以為成隻帆立貝，點知得中間嗰粒咁細粒，已經要NT$350，又唔好吃><

 

18:55 但又係燒得過熟，d肉好實，浪費左隻蝦，如果唔係為左呃like，就唔建議叫啦！其實成場都冇咩人叫，係我呢個外國遊客咁豬先叫！不過為左呃like，終於呃左！

 

19:07 埋單NT$1750 = HK$450
隻手臂蝦已經要NT$800

我5:30黎，叫左4樣野，都要搞到7:30先走得，埋單個陣，黑板嘅魚已經冇曬！
埋左單

 

20:37 統一木瓜牛奶好歈！

當初揀呢間酒店因為話近華西街，但係點都唔見，結果今次係冇去過華西街！

 

 

程味珍滷味意麵
營業時間:9:30-5:00
電話:(02)2388-5268
地址:台北市萬華區西寧南路63之2號

 

 

牛店
地址：台北市萬華區昆明街91號
捷運：板南線於西門站一號出口
電話：02-2389-5577 (用餐不限時間，空間有限，無法訂位)
營業時間：11:30–14:00, 16:30–20:30（週三休息）