醜小鴨愛自遊

(Day 7-伊勢、外宮、鈴本水產、山鈴牛乳、內宮、赤福、夫妻岩、伍味酉居酒屋、三井花園酒店)

 

7:21 早晨-Day 7
今日係5月20日，520要去伊勢、夫妻岩

今日原本諗住7:30am起身，不過呢幾日慣左早起，所以7am就起左身啦！

 

8:20 雖然7am就起身，但搞搞下沖埋涼變埋身都成8:21am先開始吃早餐！

早餐係琴日買嘅PABLO芝士蛋糕

 

早餐係PABLO季節限定水蜜桃芝士蛋糕，都幾好味，唔太甜，様又好靚！係貴左少少啦！連稅都要成2000yen

 

8:33 另外飲埋呢罐夕張蜜瓜啤酒，不過味道麻麻

 

8:47 出發！請執房

 

今日都天晴，氣溫舒服

 

宜家名古屋氣溫17度

 

名古屋三井花園酒店大堂

 

9:09 因為pass唔包去伊勢，所以唯有另外購票！一程坐80分鐘車程就要2770yen好貴呀！><
仲要再買回程！><

如果坐JR要9:37am去，11:07am到，就要2520yen, 但遲出發之餘又遲37分鐘先到，車費又唔係差好遠，去旅行，時間就係金錢，所以諗左陣，都係坐近鉄，貴d就貴d，最緊要快！陣間唔夠時間，去唔到景點，仲遺憾！

咁我就排隊買9:10嘅車票，但當時已經係9點零幾分, 好趕，咁問人啦！佢就幫我地，咁碌卡啦！佢又問我要4個pins嘅密碼，碌卡鬼有密碼咩，你估銀聯呀！㩒左兩次都唔得，唯有放棄，俾現金算啦！

佢竟然呆左，咁求其㩒錯多次密碼先cancel到碌卡，時間間已經唔係好多，又問我地吃唔吃煙！但要分開坐，是但啦！唔吃煙啦！內心真係好心急！但佢又話吃煙位附近可以一齊坐，求其啦！可以一齊坐都ok, 個陣得返一兩分鐘，問埋佢幾號月台幾號車卡，旁邊幫忙嘅女職員好好人，仲送我地去到月台，當然我跑得快過佢，但去到列車前，女職員仲double check多次車票驚我地上錯車，日本人d服務好多時都真係好好！所以點解咁多人鍾意黎日本，有原因的，所以我地旅客亦唔好做d野令日本人討厭我地呀！

 

趕到仆街之後，終於上左車，自由行間唔時都會有呢d緊張時刻！

呢個係JR時間，遲27分鐘開車但遲37分鐘到達，只係比近鉄平250yen

 

所以決定搭近鉄9:10am呢班車，但趕到仆街><

 

9:14 終於上左車，舒舒服服抖下，後面有個房係吸煙區，所以都聞唔到咩煙味！

 

個售票一早就應該問呢個同俾呢個位我地啦！有乜理由一開始要我地分開坐！
日本人做野有時太一板一眼！

 

10:30 到達伊勢駅

 

10:34 去觀光案內所攞d資，問下點去伊勢神宮，又問下巴士一日卷既野！

 

10:40 買左巴士一日卷1000yen, 案內所職員話買pass抵d，由內宮去夫妻岩都要6佰幾yen, 然後由外宮去內宮都要四佰幾yen, 另外，又教我地點行！

 

三款地區限定啤酒，但都冇買><

伊勢最出名就係龍蝦啦！

 

10:47 前

面係外宮表參道

 

10:49 回望伊勢車駅

 

10:53 伊勢出名吃龍蝦和鮑魚

好似幾好味喎！又攞曬奬咁，買左一盒

 

10:56 原來龍蝦煎餅係第一位

 

活龍蝦刺身一隻3300yen

 

好似吃拉麵咁自己入錢買票先，半隻烤龍蝦1600yen、燒蠔190yen一隻、岩蠔580yen一隻、燒松阪牛980yen一串、仲有其他野....

時間尚早，行一陣先返黎吃

 

伊勢靚靚水渠蓋！

你睇日本連水渠蓋都咁用心設計，咁值得欣賞，反觀香港求求其其，絕無design和美感可言，仲要造價好貴添！

 

11:00 日本好著重保持環境統一性，所以一d古城例如京都、伊勢都會要求商店配合顏色，不能太鮮艶，所以汽水機都要用木包住！

反觀香港盡情破壞，d官仲想係郊野公園起樓！你話人嘅素質差幾遠！

 

 

11:05 山村牛乳隔離又有一間得奬啤酒

 

1種 普通 550yen、大700yen
2種600yen
4種1050yen

其實我好想試下架！但係咳左好耐未好番，所以忍口冇飲到><

 

仲有其他啤酒賣

 

攞左World Beer Cup銅獎，好似好勁咁！

 

11:07 黎到呢間出名嘅山村牛乳

 

冇得飲啤酒，行返去睇下山村牛乳

 

除左雪糕，仲有多款牛乳飲

 

不過都係返去吃左lunch先再返黎買

 

11:14 叫一隻活龍蝦刺身、半隻燒龍蝦

 

試下呢隻蠔啦！190yen/隻，叫左2隻

 

亦試埋呢隻岩蠔580yen/隻

 

11:23 自己去購票機買

 

11:27 可能時間尚早，店內都冇咩顧客，所以食物黎得好快，一黎就會收左張飛，我地影食物都影唔切！

活龍蝦刺身3300yen/隻

龍蝦刺身一黎，龍蝦頭仲郁架！好恐怖！但可能唔係當造所以d肉麻麻地，龍蝦剌身我以前食過唔係咁嘅味道，肉質實左d但冇乜味！我以前吃過有鮮味！旁邊個碟個唔知係唔係龍蝦膏醬又麻麻地！失望！><—

 

11:28 鳥羽呢隻燒蠔都算大隻，都幾好味，190yen算抵食！但佢個海水味真係好咸！

 

11:28 呢隻紀伊長島岩蠔海水味又係好咸！我當時唔知又睇唔到原來可以點隔離隻醬油，個醬油都幾好味！

 

11:29 跟著係兩份半隻燒龍蝦，1600yen/半隻，圖為其中一份

原來面頭嗰d唔係芝士，係美奶滋，即係沙津醬，仲要成隻都係！我都整走好多，咁整法即係浪費曬隻龍蝦！除左沙津醬蓋過龍蝦，本身龍蝦都唔夠香！

不過我呢份有好多龍蝦膏，好正！
另一份就冇乜膏！所以應該唔係同一隻，亦有可能唔係新鮮甚至係冰鮮，所以先要落咁多美乃茲，d肉又over cook，好老，浪費！

 

11:30

鈴木水產內環境— 在伊勢市

11:51 跟著去山村牛乳吃雪糕慰藉下頭先對龍蝦失望嘅心情，都幾好味！^^
呢度仲有布甸和各式牛乳售賣

 

11:57 呢間豚捨好多人等緊位喎！

 

12:00 陣間要黎返呢度搭巴士去內宮

 

12:00 外宮表參道仲有呢間有生熟白飯魚飯！

 

 

過條馬路開始進入外宮範圍

 

很大喔！

 

12:06 要向左行

 

行橋之前有間小型觀光案內所可以攞到地圖。呢份係中文

 

呢份係日文

 

 

12:16

伊勢神宮
外宮 0500-1800 (伊勢駅徒步5分鐘)
內宮 (外宮徒步50分鐘, 巴士10分鐘)
http://www.isejingu.or.jp/tw/index.html

往各巴士站（伊勢市站前、外宮前、宇治山田站前、猿田彥神社前、神宮會館前、內宮前），大約每隔10分鐘就會有一班51路或55路車駛來。

外宮－內宮之間的乘車時間約為20分鐘。

運行時間：上午7點～下午6點

 

12:20 伊勢神宮是三重縣伊勢市的觀光中心，有時也簡稱神宮，其中祭祀著象徵太陽的女神──天照大神，參拜者摩肩接踵，參拜人數每年都在 800 萬人次以上。

神宮的神殿離地很高，採用了通稱“神明式”的一種建築方式，被認爲是神殿建築中最早的一種建築風格。

 

 

12:23 好粗呀！^^

 

好多遊客都會摸一摸粗大嘅樹幹，據說可以吸取千年樹木靈氣！

 

12:26 伊勢神宮一說是在西元前 2 年開始開放內宮的，作爲一座特殊的神社，不允許平民入內參拜，直到 12 世紀以後才向平民開放，隨之宮前的商店街區“門前町”也發展起來了。在每年規定的日子要舉行恒例祭。另外每隔 20 年，要翻造神殿，將舊殿的神儀移到新殿時要舉行“式年遷宮”這種儀式，同時還有一個“遷宮祭”的祭典，這些祭禮許多都是從古代承傳至今的。參拜神宮時，習慣上要從外宮開始，在稱爲“手水舍”的地方洗手漱口後才能參拜正宮。在別宮有一個勾玉池，已成了當地市民的休閒場所。從外宮乘坐巴士 20 分鐘左右可到內宮的大門──宇治橋。宇治橋被認爲是俗界和聖界的分界處，過橋時規定靠右走。河邊建有“禦手洗場”，參拜者也要在這裏洗乾淨手後才能前往正宮。伊勢神宮以內、外兩宮為中心由125社構成, 是日本最高等級的神社。

 

神宮舊址

土宮

 

多賀宮— 在伊勢市

 

12:53 睇完外宮，就出返黎搭2號巴士去內宮

 

13:12 到達內宮— 在伊勢市

 

陣間返黎呢度搭1號巴士去睇夫妻岩

 

呢架巴士好靚喎！

先去內宮行，再去橫丁

 

 

「自動車內宮前驛」對面都有一升燒肉

 

13:17 內宮入口

 

13:20 呢d係咩？有咩作用呢？防堤？
好似可以係防止d木頭沖過黎時會撞爛條橋

 

13:30 五

十鈴川，好多人係度洗手

 

14:02 前美國總統奧巴馬

 

14:08 行完內宮啦！當行山郊遊都幾舒服！

 

14:13 跟著去橫丁行下，第一站緊係要去身後既赤福吃紅豆麻糬

 

紅豆麻糬和赤福冰兩樣價錢都唔貴，甚至可以講抵食添！所以兩樣要曬！

 

14:19 買左野就有收據和有號碼的引換卷，先自行搵座位坐低，然後職員會攞住食物出黎叫號碼，但問題出黎啦！

佢講日文我鬼識聽咩！唯有認住排我前面嘅人攞左未，差唔多時間就去問下職員到我未，結果，個職員認得我同我號碼，攞黎俾我^^

 

14:33 左

邊赤福冰520yen, 右邊「盆」紅豆麻薯210/2個，免費奉上兩杯茶

 

14:34 雖然好多人坐曬位，但都好快有位，流量快，我隔離過左陣都冇人坐了！之後黎左一家人！

紅豆麻薯堂食係手工做，外賣個d係聽聞機做，外型都好唔一樣，堂食外型靚好多，而且好好吃！麻薯好Q好煙un, 紅豆唔會太甜，啱啱好，好正！

 

14:39 呢個赤福冰估唔到有餡，有紅豆和三、四粒麻糬，抹茶味好香，佢個甜主要就要靠個紅豆伴著一齊吃，先有甜味，好抵吃呀！好好吃！

推介黎伊勢不可以錯過紅豆麻糬和赤福冰！赤福係伊勢有好多分店

 

繼續行橫丁

 

買左個白色達摩^^

 

15:00 有間鮑魚店，但陣間原本計劃吃鮑魚海膽飯，所以冇買，都幾大粒！
1串750
2串1300
大1串1500

 

橫丁都有好幾間食店

 

因為有少少涼，所以加件風䄛

 

行行下有間snoopy茶屋

 

15:02 又有間魷魚燒好似幾好味，買左一個試下

 

對面有雞串

 

魷魚燒整好啦！
500/個

 

15:05 好似壓扁左嘅魷魚加上美乃滋和少少七味粉，都幾好味喎！不錯吃！

 

Hello Kitty 12生肖陶瓷公仔，500yen/yen，買左個牛牛俾阿嫂！

 

呢間店好多人排隊喎！

 

15:10 呢間賣酒嘅店好似好出名

 

呢間賣酒嘅店好似好出名

 

陣間返轉頭先黎試下呢間燒烤店啦

 

15:18 呢度都有赤福

 

15:26 五十鈴川郵便局，古色古香！

 

15:30 郵局附近有間好出名嘅生果大福，每段時期都會用當造生果黎做大福，今期係菠蘿，300yen/個

 

原本有人話買一個試下，我話先300yen, 而且剩返兩個，可能冇曬，要兩個啦！

結果真係最後兩個，售完！

 

都好大粒下喎！好唔好吃呢？會唔會酸呢？

 

15:34 好好吃呀！菠蘿好大粒！又多水又甜！麻糬皮又Q又煙un，真係好正！好彩買左兩粒！^^

 

15:38 肥貓貓好可愛喎！

 

呢度都有豚捨，一樣都係有好多人排隊！

 

15:45 海老丸係吃天婦羅龍蝦飯

 

不過宜家唔係當造期可能冇得吃龍蝦，但仲有其他選擇！

 

15:57 懶訓貓好襯我！所以我買左個細嘅磁石貼！

 

貓貓個樣好似訓得好舒服呀！

 

跟著係街邊忍唔住買左串青瓜漬

 

16:00 又幾好味喎！冰冰涼涼，又脆又有少少甜甜酸酸！

 

呢間醬油店有醬油雪糕、布甸、炒麵售賣

 

仲有野菜湯免費試飲，好好飲喎！有衝動買d粉返香港沖黎飲添！

 

16:05 左邊就係賣生果大福的店

 

返轉頭影多張冇咩途人和唔著風䄛嘅^^

 

16:11 有打鼓show睇喎！睇左一陣！
中間男仔打鼓個陣眼神好有氣勢！

 

16:12 跟著想吃返碗醬油烏冬

 

16:17 呢間醬油烏冬麻麻地，好un身，但醬就幾好味，飲曬！

 

16: 28 因為中午原本計劃好黎內宮橫丁吃一間出名的鮑魚海膽飯，但原來呢間分店只售外賣包裝，即係買左返去自己整冇堂吃！

早知係近鉄伊勢駅本店吃啦！宜家冇得吃啦!>< 咁唯有回程路上返黎呢度吃返串醬燒鮑魚啦！

 

1000yen/個，都唔平

 

16:30 點知都好細隻下，而且又硬，失望！唔好吃呢間d鮑魚！搵笨！我個陣竟然笑得出！
因為未吃！

 

16:39 又黎返呢間汁煮鮑魚，因為好唔奮氣，好唔滿足，所以再係呢度買一串鮑魚
1串750yen
2串1300yen
大1串1500yen

 

16:39 我買左一串普通嘅750yen試下，你睇！鮑魚大隻幾多，又平咁多！

好吃！呢間好吃！又煙un，味道仲有少少唔知係檸檬定柚子味滲出，好味!
終於都可以填補返失落嘅心靈！至少可以係伊勢鮑魚當造嘅季節吃到好味抵吃嘅鮑魚！^^

呢條街仲有好多野食架！我見仲有炸雞皮等等....不過呢個時間，好多店都準備關門

 

大粒既真係好大粒呀！

 

原本又計劃左去松阪吃一升燒松阪牛，呢間店係全日本唯一一間迴轉燒肉店，其他分店係冇迴轉架！

訂位最遲只可訂6:30pm, 所以如果去夫妻岩就趕唔到6:30pm去松阪一升，當然可以到時walkin！

如果有位冇full的話，但仲有個問題，吃完仲有冇車返名古屋呢？

 

到時就由夫妻岩行去二見浦坐19:26呢班車返名古屋！

 

17:32 去夫妻岩途中經過呢間好有高達feel嘅城

 

17:45 黎到夫妻岩巴士駅，冇人落車，得我地落車！一落車就見到有個水族館!

 

雖然已經冇乜人流，但有兩隻海獅定海狗仲係門口

 

 

17:56 黎到夫妻岩已經日落了，行去前面靚d角度

 

18:00 終於黎到夫妻岩啦！好彩有堅持黎咋！
夫妻岩比我想像中細少少！

夫妻岩
JR「二見浦駅」徒歩15分
OR
伊勢 - 二見 - 鳥羽循環巴士「CAN巴士」
http://www.sanco.co.jp/foreign/chinese-han/shuttle/ise/canbus.html
夫妻岩東口下車徒步5分鐘

 

呢張直頭靚啦！

 

18:05 我身後嗰一對唔知係唔係夫妻呢？^^

 

18:12 影左好多相，因為係重要景點嘛！

 

18:17 夕陽無限好

 

18:20 最後一張啦！走啦！

 

18:26 我都唔算最遲走，仲有人係度，遊客比我想像中多，我以為呢個時候會冇咩人！總算有返d人氣，冇咁驚！

 

18:33 好大個貝殼

 

夫妻岩老公頭上有座鳥居

 

18:34 估唔到我都好識磨時間，都磨左好耐，係時候行去JR二見浦駅啦！

 

18:42 夫妻岩日之出（夏）和月之出 （10-12月）

 

18:44 老公等埋我呀！（設計圖片）

 

二見浦公園

 

18:52 行到一半，就算有google map，都唔肯定行得啱唔啱，遇到一位阿伯，上前問佢，佢都好熱心教我地點行！

 

18:58 呢度又有赤福，不過已經關門

 

19:00 二見浦觀光案內所，不過乜都關門了！

 

向前行就到JR二見浦駅

 

我地越行越快，越行越快，因為天越來越黑，街上又冇乜人，而且7:26pm就係尾班車，如果搭唔到，都唔知點算！

 

19:02 你覺得JR二見浦駅睇落似咩嘢？

係呀！似夫妻岩呀！相信係以此作為設計慨念！

 

19:03 但車駅冇人

 

19:04 等

呢個時候，其實仲諗住搏下趕去名古屋栄駅睇下一升last order前俾唔俾我地入去食車中，要等19:26班車，坐1小時46分鐘返到名古屋，去到都成21:12，諗緊去栄駅吃一升燒肉定吃其他呢？

到栄駅都成21:30啦！所以不如聽日lunch先去栄吃一升，今晚求其吃！或者吃伍味酉啦！

唔知點買車飛，見到有個阿伯攞住1000yen, 應該係上左車先俾錢！個月台好多蚊呀！車快d到啦！><

 

呢個時候，其實仲諗住搏下趕去名古屋栄駅睇下一升last order前俾唔俾我地入去食

 

19:29 可以休息下啦！

呢程車106分鐘自由席要2170yen, 可惜我個立山黑部pass係唔包去伊勢架！><

 

20:14 上左車之後，初初都唔知點俾錢，跟著有個車長搵左個阿伯收錢，以為佢會逐個收，點知個車長收完阿伯錢就走左去！

過左陣，車長又黎左，我主動問佢先會收我錢！原來要主動問佢！

原本明早行程係去熱田神宮和百鳥亭園，但坐車時search到原來百鳥亭園係星期一休息，所以明天冇得去啦！功課做得唔夠好！><

所以決定今晚唔去栄，明天先去栄行街和吃一升，今晚去名古屋吃伍味酉居酒屋

 

想係日本揾下有冇呢隻防鼻軒枕頭，但係都搵唔到，唯有係HKTV Mall買啦！好似HK$569，但好似真係有d用，鼻軒少左好多！

 

21:24 因為咳左大半年都唔好，唯有係日本叫店員推介no.1 藥比我，佢推介呢隻，但返香港吃，說明話一次三粒，

但藥性太勁，暈左成日，之後自行減量每次兩粒！但始終不能斷尾，宜家仲咳緊！><

 

 

— 在 Nagoya-shi, Aichi, Japan

 

咁夜都未吃晚餐架！黎伍味酉吃！

 

21:43 想叫啤酒，叫邊款好呢？

 

叫左四隻燒雞翼、味噌豬肉串、串燒3種盛、飯團、親子丼。

原本上網睇係有土雞煲，但一問之下，原來係期間限定，宜家冇得吃><

 

21:45 可能因為係居酒屋所以冇非吸煙區，唯有坐近門口，唔坐咁入面

 

最後決定揀有名古屋城呢款啤酒700yen/支，唔係難飲，又唔係特別好飲，冇下呂麥酒咁正！

 

21:49 燒

雞翼600yen/4隻，都幾好味，都ok大隻，唔係好咸，皮脆，好惹味，肉質好嫩，好juice, 係目前吃過最好吃，但有人覺得琴晚鳥開先係最好吃喎！

 

21:50 味噌豬肉串180yen/串，味道ok la, 一般啦！唔係好特別！

 

21:50 飯團280yen，中間有條蝦，飯冇味，味道麻麻，所以將佢撈左落親子丼度吃！

 

21:51 串燒三種盛950yen，味道都OK, 算抵食，有5串，蔥+雞肉、雞腎ok好味；雞腸都ok；雞皮太肥，可以慢慢餸下啤酒！

 

21:55 親子丼980yen，但好似肉碎肉丸咁，味道麻麻

 

23:21 返酒店繼續吃！

 

23:50 枇杷唔夠甜，麻麻地，但要1080yen幾唔抵，晒錢！><

琴晚因爲魷魚刺身冇醬油，所以今晚有去便利店攞左兩包醬油，但便利店嘅醬油好咸，之後試吃左伍味酉嘅醬油好味，所以倒左少少落吉水樽。魷魚刺身配上左好味醬油就好味啦！^^

Suntory20%果汁菠蘿啤酒，味道一般麻麻，都係同款桃汁啤酒好味d，超好飲！

 

因為今朝執房怕職員收走碟和叉，所以就寫定張野圖文並茂放在枱上^^

 

00:00 我有叉用啦！^^

 

00:35 芒果雪糕幾特別，上面有d液體和麻糬，中間又好似有d啫哩！

 

00:36 芒果雪糕幾特別，上面有d液體和麻糬，中間又好似有d啫哩！

今晚仲要執埋行李和工作，做到零晨三點幾，做到超眼訓，我宜家要訓啦！><