醜小鴨愛自遊

(Day 2-弘大、ISSAC吐司、海賊王Café、Studio Photobi 影證件相、浣熊狐獴小袋鼠 Meerkat Café、炒辣雞、Sulbing 雪冰、新村 Sinchon Crazy Disco Bang Bang 機動遊戲、樂天超市楊平店、朝鮮火爐烤肉A++韓牛、Nabi Hostel Hongdae)

 

 

10:02 Day 2 早晨
今日主要係行弘大、影下證件相、去沅熊cafe等等......

但琴晚訓得唔好，因為好x熱，我以為有暖氈，所以今日去問佢點關左個暖氈，點知佢話係冇暖氈，可能係因為地板發熱，一係就將地板較細d，同埋琴晚冇開冷氣訓，今晚可能要開小小較25度試下！

 

旅館睇到樓下，後日參加KKDAY Local tour就係下面上車，好方便！

但係今日原本較左8點起身，但實在有d攰，今日行程又唔係有咩趕，就諗住訓多一陣15分鐘左右，結果訓到9點先起身！^^

 

10:17 等電梯睇到嘅街景，今日天氣陰天啦！又唔算太差，不過太遲起身，出得門口都10點，冇酒店早餐吃啦！所以我就去吃Issac吐司，

原本有計劃去明洞個日先喺明洞吃Issac, 但原來明洞Issac星期日休息，所以今日去KO弘大Issac啦！

 

宜家係3度咋！

 

10:23 今朝見到好多阿兵哥！

 

10:30 呢支士多啤梨好似好出名，或者揾日先試，宜家去揾Issac吐司

 

Issac吐司就係弘益大學對面，突然出太陽！

 

10:46 可以堂吃，已經有好多人了，好彩都唔使點等位

 

 

10:41 我問收銀咩最popular, 佢話頭4款喎！

 

 

10:45 叫左個Ham special 綜合吐司 $2600W & Bulgigi mvp 烤肉吐司 $3000W, 另外叫一杯奇異果汁和熱飲

 

10:46 吐司其實我又覺得冇網上講得咁誇張好吃，不過如果係韓國冇咩早餐選擇都ok嘅！

但係杯奇異果汁就好好飲啦！唔會好酸又唔會好甜，打到好碎，所以又唔會有碎冰，我下次黎要再飲！

 

11:13 吃完Issac吐司早餐，附近有間夾公仔店，不過規模唔大，亦冇咩好夾，睇下就走啦！

附近又有nike shop，呢對係香港未見過，可能係韓國特別版 $169000W, 約HK$1183

 

11:37 因為海賊王cafe就係附近，所以去睇下影下相兼去隔離cafe借個洗手間用下！

 

11:30

 

11:39 睇完海賊王cafe，因為又好近影證件相位置，所以就去左先啦！經過這間可吃到彩虹千層蛋糕！

 

11:46 首爾弘大呢度都有黎自日本嘅世界第二菠蘿包，我係日本吃過，冇咩特別！

 

11:47 搵到影證件相位置啦！

影證件相 studio photobi 1100-2100
在弘大入口站9號出口出來轉兩個彎就到了
休星一
 

Google地圖位置：

https://www.google.com.hk/maps?q=Studio+photobi&um=1&ie=UTF-8&sa=X&ved=0ahUKEwjAmt_YmKbVAhXKjJQKHVBuCbsQ_AUICigB

 

影passport 或CV相 $10000W 即大約HK$70

 

先揀size, 我緊係影HK Passport size啦！我仲要影兩款，一款戴頭巾，一款唔帶for 証件passport用，如果須要西裝和鈦，可用$3000W租借

 

可能時間尚早，所以冇咩人，啱啱兩個影完，好快到我！攝影師開始幫我影相啦！好快chop chop chop就影完！

 

 

11:52 跟著要我從4張中揀一張我最滿意嘅！然後佢就會用快速手P圖，例如加大少少對眼、對稱塊面、美白皮膚、頭髮......
都執得幾好^^哈哈！

 

其實佢影完，我覺得影得我塊面圓得濟，所以返到香港，我再將自己塊面拉長少少，呢張相我已經準備好，將來放大黎用！^^ 唔使屋企人唔知用邊張 ^^
另外影多張冇戴頭巾嘅相就唔post出黎啦！醜樣！
除左會俾hard copy你，你仲可以將電腦file email返俾自己！有3xxKB

 

12:30 HK$70 好抵玩！又得意！有時間不妨黎試下影相！

 

12:33 繼續行下弘大，今日天氣都麻麻地，開始落微微雨

 

呢間好多人排隊喎！吃咩嘅呢？我諗多數都係烤豬肉嗰類

 

12:36 大陸人好鍾意用嘅牌子MCM

12:38 Lego burger

 

12:43 跟著去搵旅遊書介紹咩全世界最大眼鏡店，點知好x細間，店名又一樣！費解！

 

12：49 New Balance啲衫都幾靚喎！不過唔平，韓國人真係好鍾意著白色外套，好易污糟呀！不過我今次都忍唔住買左件白色羽絨外套，應下韓風

 

13:02

明明周圍都話雪冰星期六、日休息嘅？點解有開？雖然我唔明點解要星六、日先休息，網上係咁寫，可能資料錯誤啦！

不過唔想宜家吃，遲少少先吃啦！

 

想吃蜜瓜雪冰

 

宜家行去揾浣熊cafe

首爾有一間特色cafe，以親親狐獴等稀有動物為主題。客人只需要花$47，就可以全日任摸任抱場內的狐獴、浣熊、小袋鼠、暹羅貓等，平過去動物園！詳情：www.gotrip.hk/?p=353758

Meerkat Café果然名不虛傳，十幾隻狐獴畀大家摸摸抱抱，但由於佢哋太膽小，只限於已圍圈的區域內活動，限大家只「玩」10分鐘，當然你可以無限排隊再玩無限次。

 

13:04 啱啱開始落雨，好彩終於揾到，仲可以暫時去避下雨

 

呢d動物平時好少見甚至可以接觸！

 

按3字樓

 

13:05

12點開門，啱啱營業左一個鐘

 

俾左入場費包一杯飲品，一入埸就見到兩隻小袋鼠，佢地唔識行架^^一定要跳跳跳

 

浣熊好得意呀！可惜得一隻，仲要動作好快，都摸唔到佢

 

13:10 小袋鼠吃野個陣最定最乖^^
職員話唔可以摸小袋鼠個頭，只可以摸身！

13:13 好難先捕捉到佢一齊望鏡頭^^，自拍會容易d，因為佢見到自己個樣

 

13:19 呢度可排隊入去摸狐獴，呢個女仔好幸運，好多狐獴好鍾意圍著佢

 

狐獴好鍾意捐衫袋，呢隻望鏡頭好得意呀！

 

冇幾耐，一堆狐獴已經走到個女仔身上

 

13:23 呢個外國女生得一隻狐獴

 

13:27 佢男友一隻都冇，狐獴走曬去個女仔身上訓覺！

 

當到我個輪，可能因為之前狐獴玩得太攰，所以係曬中間訓覺，我地只能圍住佢地，用手摸下佢地，可惜唔可以同到佢地互動！

 

呢支飲品包裝好得意呀！

 

13:41 佢動作太快，我摸唔到隻浣熊呀！><

 

仲有隻好瘦嘅暹羅貓

 

狐狸？雪山飛狐？

 

13:49 Meerkat Café

 

13:57 浣熊攰啦！訓緊覺lu

 

原來Meerkat Café對面以前有橋村炸雞，好明顯宜家冇左啦！

 

瘦瘦暹羅貓

 

13:58 呢隻狐獴咁珠光寶氣嘅！^^

狐獴區入場須知
1. 限時10分鐘
2. 唔好捉狐獴，等佢自己走過黎
3. 狐獴對聲音敏感，所以不要太大聲
............

 

Meerkat Café 另一邊

 

14:00 休息完之後，狐獴又開始活躍返><

 

都玩左好耐啦！出面未停雨都冇法，要走啦！拜拜小袋鼠

 

14:02 拜拜狐獴！你好得意呀！

 

14:35 搵野食啦！初時想搵烤章魚，揾極都搵唔到，後來問人先知原來已經執左，變左夾公仔店，唯有求其搵間較多人去嘅餐廳！

 

14:41 最後揀左呢間炒雞
我叫左個炒鷄加八爪魚 $9500W x 2人份

 

另外想叫個炒飯，初初聽唔明個職員講乜，原來叫左炒雞之後，可另外加飯或其他材料變炒飯架！

 

可追加的材料有芝士、飯、年糕等

 

14:48 服務員會幫我地炒！
落單個陣！我問佢d雞辣唔辣，佢話唔辣，點知都有d辣喎！

 

14:50 後來追加飯

 

14:53 加左飯之後先見到隔離枱有芝士，即問可否再追加，好彩仲得！當然一次過加好d啦！

 

好大盤架其實！

 

呢度係一份芝士$2500W, 大約HK$15, 應該加兩份會更加好！

 

14:59 味道ok, 但對我黎講辣左d囉！初初冇乜野，越吃越辣，如果可以減返少少辣就好啦！又話唔辣！！！><

 

佢有個自助bar俾你免費攞泡菜和牛蒡湯，泡菜得幾款，蘿蔔好吃，酸瓜都都ok, 因為唔係好酸，牛蒡湯好飲！

 

15:42 吃完午餐緊係要去吃甜品，去左吃雪冰

一直都想吃蜜瓜雪冰，但係可能唔當造，所以蜜瓜嘅都sold out, sold out, sold out ! ><

 

15:45 唯有吃呢個士多啤梨雪冰，韓國d野真係....全部都韓文，一隻英文都冇.....好多網站都只係得韓文，想搵地址都睇唔明.....>

 

 

15:57 上面有紅豆福餅，士多啤梨都算甜，然後係牛奶雪冰，佢雖然有俾煉奶你，但牛奶冰本身係甜，

所以可以唔洗再落煉奶都夠甜，ok好吃嘅！不過冰下面仲有好多紅豆，我覺得紅豆多左d！

 

16:36 呢個係弘大Love Museum, 大多關於性嘅題材，可影3D創意相，不過今次唔去啦！但有興趣既宜家去參加下避下雨都唔錯架！

 

16:40 再行一陣弘大d商店，睇鞋啦！ABC-Mart啦！不過冇乜收獲！

呢間係Line Shop, 以為韓國會平過香港啦！原來價錢差唔多，最多平HK$10左右

貨品款色亦同香港差唔多，唔見有咩韓國特別版！

17:06 呢個唔係Line呀！聽聞係Line嘅死對頭！唔知叫咩名！

17:10 個背囊好襯我件外套呀！

 

17:30 跟著去吃百味堂軟雪糕，好重牛奶味，不過我覺得甜得濟

 

18:26 吃完雪糕行左陣就返旅館休息下，因為旅館都好近下，而且落雨令到襪都濕晒！返旅館換下襪

呢度係旅館嘅公共空間，有洗衣機、飲水機、又可煮食

有電腦、printer、雪櫃

 

18:39 旅館休息左半小時之後，就出發去新村站玩機動遊戲，呢個機動遊戲網上youtube睇過，好攪笑，估唔到韓國都有，仲要咁近弘大，一個站就到！

 

 

18:47 好冷清，好似冇咩人，唔通係因為我地太早黎？！

 

18:47 呢個就係機動遊戲門口

 

18:53 入到去一個人都冇，冇職員，見到個職員係職員室長椅度訓覺，咁就周圍睇下，研究下價目，都唔係好睇得明，後來先知到都唔係好貴仲幾抵玩添！

因為當時成個埸冇人，咁諗住過隔離商店行下再返黎！

返黎都仲係冇人，本來諗住算啦走啦！但咁難得特登黎唔玩就走？所以決定俾多次機會佢，再落去睇下，先發覺原來有d職員全部係個休息室訓覺，

當時係晚上7點左右，都仲訓緊覺，冇客呢個鐘數訓覺會唔會離譜d，咁啱有個職員起身見到我地，就問我地係唔係玩，我問幾錢，佢話一個人$4000W, 即係HK$28, 抵玩啦！咁黎到緊係玩啦！

 

冇人個陣點影都得！

 

19:11 得我地2個人玩，個職員做DJ, 一路操作機器遊戲轉圈快慢速度，同埋會dun你，有點似拋你咁！都真係幾刺激，因為冇安全帶，要用手揾野扶實，又驚佢拋你出去，有時轉得幾快，都幾好玩！

個DJ仲會不時同你傾計問你野，雖然得我地2個人玩，但佢都冇Hea做，有時佢會講英文，好多時都唔明佢講乜？佢問我地邊度黎、幾多歲、鍾意聽咩韓國歌，我當時俾個機動遊戲轉到只記江南style, 個DJ就即刻轉播江南style, 轉轉下又問我下一句應該唱咩？我邊有留心聽首歌唱到邊，玩完之後先醒起係「sa lun hea」

係好玩嘅！不過多d人玩應該仲好玩！呢d潮流野老實講，下次黎可能執左未必有得玩啦！

其實呢張相係玩完之後先慢慢補影返，因為個職員又返左去訓覺，成個場又冇人！

 

19:12 邊個轉到甩左隻拖鞋？^^

其實得2個人玩，冇人著拖鞋，唔知隻拖鞋點黎！

 

19:32 跟著坐地鐵坐多幾個站去永登浦區廳站，呢度新開左間好大間嘅樂天超市

 

19:47 上到地面都唔知點行，地方好荒蕪，天又黑，唯有問途人，個途人好好人，即刻用手機幫我search, 其實佢指得係啱嘅！只不過一路行又見唔到又荒蕪，擔心佢老點左！

行行下見到呢座好型嘅建築物，應該係教堂！
 

19:53 終於到左樂天超市楊平店，又話行5分鐘，結果行左大約20分鐘左右先到 ><

樂天超市楊平店 (離弘大3個站)
地址︰首爾特別市永登浦區仙游路138 (서울 영등포구 선유로 138)
電話︰+82-(0)2-450-2500
營業時間︰10:00am – 12:00mn（每月第 2、4 個星期日休息）
交通︰永登浦區廳站 1 號出口步行約5分鐘 (實際行左20分鐘)

19:54 一入去個就係food court

 

19:56 上面就有玩具層、電器層

 

20:00 好大間玩具反斗城

 

 

 

20:08 又落返G/F，呢間食店掛住好多香港嘅街名，例如銅鑼灣、尖沙咀、蘭佳坊......

 

20:12 落一層有家品、服務、化粧品.....

 

20:16 最下面個層係超市

 

韓國好似好出名柿，但佢一買就要買好多，冇一兩個買，所以冇買到！

 

點解冇士多啤梨？冬天唔係當造咩？

 

20:18 柿乾，都有d衝動想買，不過冇得試食，唔知好唔好吃，所以都係冇買lu !

 

Line 啤酒

 

20:38

韓國超市必買20大手信｜離弘大3個站！首爾永登浦樂天超市
https://www.weekendhk.com/korea/韓國手信-首爾-超市/

魚魚餅幾得意喎！

 

20:40 買包人氣龍蝦麵，其實唔好味！

 

21:16 買完野俾完錢，一方面要自行搵個箱裝住d貨，因為唔供應膠袋，唔記得可唔可以用錢買，但紙皮箱就唔使錢，

所以好多人都搵箱裝，箱有大大細細Size, 要揾個啱size嘅都用左d時間！

 

21:17 另一方面又要去退稅，但係搞一大輪又碌唔到我個passport退唔到稅，我又聽唔明韓文，結果揾左個識講普通話嘅員工同我講要我去機場退稅！

永登浦 Lotte Mart 增設 EMS、即場退稅服務
https://travel.ulifestyle.com.hk/news/detail/21874/永登浦-lotte-mart-增設-ems-即場退稅服務/2

 

21:46 返弘大旅館擺低d野，跟著去吃dinner啦！

 

22:04

 

好似好多明星都有黎過

 

22:09 一坐低，就有d生菜呀！泡菜呀！蒜頭呀！

 

吃燒肉緊係要配埋酒啦！要啤酒好定馬格利酒好呢？最後都係叫左馬格利酒 （$3000W)，即係奶白色嗰d酒，好有韓國特色，況且琴晚已經飲過韓國啤酒

 

有水冷麵，不過冇叫

 

呢版係教你點樣烤牛肉或豚肉
牛有牛吃法，豬又有豬吃法，如果你將牛用豬吃法阿珠媽會阻止你話你，佢好堅持！

 

叫左個有調味嘅牛排骨

 

同埋板腱肉

 

冇叫豚肉，因為過幾日可能會去吃烤豚肉，而且呢度主打A++韓牛，緊係吃多d啦！

 

22:12 馬格利酒都幾大支喎！成支1.25公升咁！都幾好飲，幾易入口，酒味又唔濃，不過唔覺唔覺飲多幾杯都有少少醉！^^

 

22:15 右邊係調味牛排骨肉，可能因為有調味、又有啲咬勁，幾好食

 

22:15 有個阿珠媽可能見我地生手好好人幫我地燒，不過佢燒得熟得濟，唔通同佢講唔好燒咁熟咩？佢又聽唔明！我又聽唔明！

阿珠媽一路幫我地燒，一路教我地點吃法，點點洋蔥汁，有調味又唔可以點鹽呀！只可以點source，

佢又好興一次過燒好多然後放係旁邊，我覺得吃得好趕之餘，d肉又唔係即燒即吃，溫度降低左，可以嘅都係自己慢慢燒啦！

 

不過都幾好味！都要俾個good你

 

22:17 生牛肉好吃呀！唔覺有咩生味，麻油味亦好香，配埋梨絲嘅清香一齊吃超正！非常喜歡呢個！

 

22：21 冇調味嘅板腱肉，我就覺得麻麻，唔知係唔係阿珠媽燒得熟得滯，定係冇調味...

 

火唔夠大，阿珠媽整大個火！

 

22:25 我吃生牛肉啦！啊.......

22:31 呢個大醬湯係送嘅！但超咸！話一般韓國人會撈飯吃，不過都係太咸！唔好吃！點解要咁咸！唔怕腎虧咩！其實唔係咁咸真係都幾好飲架！

 

22:40 牆上好多名人簽名！

 

22:40 我諗我當時應該係醉左！^^

 

22:46 或者係儍左！

 

22:58 呢餐A++韓牛大約吃左HK$6xx，俾得good! 都OK正啦！

 

搞笑港星阿Bob都有黎過喎！

 

營業時間1130-0300

今日行左成日都好攰啦！返旅館訓覺啦！聽日係明洞、東大門、汗蒸幕、N首爾塔.....

 

 

Meerkat Café (有狐獴、浣熊、小袋鼠、暹羅貓等....)

 

 

朝鮮火爐烤肉 조선화로구이 (弘大)
Address: 首爾市麻浦區西橋洞351-18
서울특별시 마포구 서교동 351-18
Tel: 02-3143-1300
營業時間:11:30~03:00 (15:30~17:30休息)