醜小鴨愛自遊

2016-09-18 日本大阪名古屋8天之旅 (Day 6-大阪、黑門市場、三平、猫頭鷹餐廳、天王寺、利久燒牛舌、炉ばた焼 網兵衛、驚安之典堂、天王寺都酒店 Tennoji Miyako Hotel)

 

6:05
今日原本要去京都嵐山坐小火車坐激流船，不過落雨，決定取消，係天王寺行下mall，shopping下算啦！

 

8:46
離開呢間感覺麻麻地既酒店啦！

 

前面就係天王寺既阿倍野大型商場，不過去之前先去黑門市場吃個早餐！

 

因為決定唔去京都嵐山坐小火車，所以去車站退返張車票，要收取手續費！

浪費左同事之前旅遊用寶貴時間預早幫我買定小火車票><

9:10
呢度係今晚會住嘅天王寺都酒店，呢間真係唔錯，下面連接地下街和車站，又有𨋢，拖住行李落雨都唔怕！

 

9:30
黎到黑門市場啦！

 

有d舖頭仲未開晒！

 

黑門市場d生果偏貴小小，尤其呢間，不過可能靚d卦！唔識睇！

 

呢個滅蚊器聽聞好用！不過買左到宜家都未用，因為未到夏天

 

今日既早餐就係黎三平吃海鮮^^

 

上次黎吃左壽司，覺得刺身係OK既，不過飯就唔得，所以今次只係食刺身！

 

9:48
上次黎吃左壽司，覺得刺身係OK既，不過飯就唔得，所以今次只係食刺身！

不過其他刺身就一般啦！都係吞拿魚好食d！

 

仲買左半隻凍鱈場蟹腳，估唔到都好新鮮喎！
咁唔使一定買生嘅啦！貴好多呀！不過d蟹醋唔夠蟹道樂d醋好食！

 

跟著見到新鮮出爐燒大蝦，1000yen/隻，買隻試下，真係好大隻，我㨂個隻又多膏，好正！好味！應該一人吃一隻^^

 

買左半隻凍鱈場蟹腳，估唔到都好新鮮喎！
咁唔使一定買生嘅啦！貴好多呀！

不過d蟹醋唔夠蟹道樂d醋好食！

 

係三平海鮮買左野，可以坐係嗰度堂食，不過都幾多人，揾位要醒d^^

 

除左鱈場蟹，仲有長腳蟹和其他魚生

 

初初睇鱈場蟹黑黑地以為佢燒過，點知原來唔係^^

 

吃飽飽繼續行下黑門市場，繼續睇下生果

 

一個燒海膽1500yen, 成HK$100好貴，唔捨得食，扎幌個二条市場平好多！不過可能呢度會會多d既，總之唔捨得食!

一般燒帆立貝都係500-800yen, 呢度就要1000yen, 所以唔吸引我

 

呢閒係好出明濃味豆漿，不過我個人唔係咁啱，但係都有好多人買

 

關東煮上次食過，冇咩特別，今次冇食啦！

 

嘩！呢度d海膽好貴呀！雖然好大隻，不過大隻嗰個要4000yen, 以16年9月6.5計算都要HK$260/隻，勁唔捨得，不過都有好多有米人捨得食！我呢d窮L都係睇下算啦！

 

嘩！見到就想吃！可惜仲係好飽，食唔落！

 

呢間吞拿魚好似好正！下次有機會再試下！

 

上次有食過既神戶牛，唔錯既，至少唔使去到神戶吃，不過今次冇吃！

 

11:11
燒帆立貝頭先個間賣3000yen, 同樣一包呢間2500yen咋！平！

 

12:10
因為聽同事講上次無意中係黑門市場附近搵到間貓頭鷹cafe幾得意，所以我地又黎玩下！

不過後來發覺我揾嘅呢間應該唔係同事上次去個間，無所謂啦！一樣好玩！

d貓頭鷹好得意，又乾淨，可以用手背掃佢地背部和模佢地個咀，所以入去前對手要消毒，有d有牌嘅比較惡，所以唔好掂呀！

 

呢對好sweet, 一pair咁！但成日訓教！

 

就係因為呢pair成日訓教，所以我地就可以安心影靚相

 

佢好似好舒服咁喎！

 

你個貓樣好chok喎！

 

難得佢會望鏡頭^^

 

入場1500yen包一杯飲品和玩一小時

 

呢隻好似angry bird^^

 

第一次咁近距離接觸貓頭鷹，都幾好玩，品種又多！有機會會再玩！

 

13:18
呢間係黑門市場既都幾好食

 

大阪既靚水渠蓋

 

14:11

去完黑門市場食完早餐，又玩完貓頭鷹，宜家黎天王寺阿倍野行下啦

 

阿倍野吉祥物

 

15:53PM
跟著去阿倍野食利久炭燒牛舌，影完職員走過黎話唔可以影到入面d客人，日本人好注重私隠！

利久炭燒牛舌-阿倍野店 (天王寺站)
1100-2300 06-6627-7011
大阪府大阪市阿倍野区阿倍野筋1-1-43 あべのハルカス近鉄本店12F
http://www.rikyu-gyutan.co.jp/

 

利久炭燒牛舌真係好食，我覺得厚切好食過薄切！

叫3件會切成6片！

 

 

16:25PM
利久炭燒牛舌-阿倍野店 (天王寺站)
1100-2300 06-6627-7011
大阪府大阪市阿倍野区阿倍野筋1-1-43 あべのハルカス近鉄本店12F
http://www.rikyu-gyutan.co.jp/
 

16:49
望到通天閣

 

Q's Mall

 

19:40
天王寺夜景，因為今日落雨，放棄去嵐山坐小火車而留係天王寺行下商場Shopping下都係明智之舉！＾＾

 

遠望今晚酒店天王寺都

 

基本每樣300yen

 

黎左日本就會變酒鬼！

 

多春魚燒得好食

 

20:26
呢個魚骨麻麻地，冇咩味，雖然話用黎餸酒，不過都係覺得麻麻！

 

21:05PM
返到天王寺都酒店啦！

 

天王寺都酒店係用POLA洗頭水沐浴露架！

酒店對住車站！

房間有咖啡機，早上可以整杯嘆下^^

21:40
因為天寺王附近冇驚安之殿堂，而最近就要坐一個站去mega店

呢間真係算好大下！

 

呢隻芝士鱈魚真係好食，食唔停口，驚安有得賣！

驚安有好多古怪野賣，呢d重口味都有！

我都好鍾意黎驚安買下內衣褲，呢個outdoor棉底褲都幾好著！不過唔係隻隻色夠膽著！

呢個Champion底底我個人就覺得麻麻舒服

22:49PM
喺驚安之殿堂玩左一輪，買左小小野，返酒店LU！

23:26